##Harivamsha Maha Puranam - Part 3 - Bhavishya Parva ##
Chapter 3-6 Benefits from listening to this Text
##Itranslated by G. Schaufelberger schaufel @ wanadoo.fr
August 20, 2008.
Proof-read by K S Rmachandran, ramachandran_ksr @ yahoo.ca.
If you find any errors compared to Chitrashala Press edition,
send corrections to A. Harindranath harindranath_a @ yahoo.com ##
atha ShaShTo.adhyAyaH
etadgranthashravaNaphalam
sautiruvAcha
evaM sa vishvAvasunA.anunItaH
prasAdamAgamya vapuShTamAyAH |
chakAra mithyA vyatisha~NkitAtmA
shAntiM parAM mAnavadharmahR^iShTAm ||3-6-1
shramamabhivinivartyamAnasaM
sa samabhilaShajjanamejayo yashaH svam |
viShayamanushashAsa dharmabuddhi-
rmuditamanA ramayanvapuShTamAM tAm ||3-6-2
na hi viramati viprapUjanA-
nna cha vinivartati yaj~nadAnashIlAt |
na viShayaparirakShaNAchchyuto.abhU-
nna cha parigarhati tAM vapuShTamAM cha ||3-6-3
vidhivihitamashakyamanyathA hi kartuM
yadR^iShirachintyatayA purAbravitsaH |
iti sa nR^ipatirAtmavAMstadAsau
tadanu vichintya babhUva vItamanyuH ||3-6-4
idaM mahAkAvyamR^iShermahAtmanaH
paThannR^iNAM pUjyatamo bhavennaraH |
prakR^iShTamAyuH samavApya durlabhaM
labhechcha sarvaj~naphalaM cha keshavam ||3-6-5
shatakratoH kalmaShavipramokShaNaM
paThannidaM muchyati kalmaShAnnaraH |
tathaiva kAmAnvividhAnsamashnute
hyavAptakAmashcha chirAya nandati ||3-6-6
yathA hi puShpaprabhavaM phalaM drumAH
phalAtprajAyanti punashcha pAdapAH |
tathA maharShiprabhavA imA giraH
pravardhayante tamR^iShiM pravardhitAH ||3-6-7
putrAnaputro labhate suvarchasa-
shchyutaH punarvindati chAtmanaH sthitim |
vyAdhiM na chApnoti chiraM sa bandhanaM
kriyAM cha puNyAM labhate guNAnvitaH ||3-6-8
patimabhilabhate cha satsu kanyA
shravaNamupetya shubhA munestu vAchaH |
janayati cha sutAnguNairupetAn-
svajanahite dviShatAM pramardanaM cha ||3-6-9
vijayati vasudhAM cha rAjavR^itti-
rdhanamatulaM labhate dviShajjayaM cha |
vipulamapi dhanaM labhechcha vaishyaH
sugatimiyAshChravaNAchcha shUdrajAtiH ||3-6-10
purANametachcharitaM mahAtmanA-
madhItya buddhiM labhate cha naiShThikIm |
vihAya duHkhAni vimuktasa~NgaH
sa vItarAgo vicharedvasuMdharAM ||3-6-11
ityetadAkhyAnamudAhR^itaM vai
pratismaranto dvijamaNDaleShu |
sthairyeNa dhairyeNa punaH smarantaH
sukhaM bhavanto.anucharantu lokam ||3-6-12
iti charitamidaM mahAtmanA-
mR^iShikR^itamadbhutavIryakarmaNAm |
kathitamidaM hi samAsavistaraiH
kimaparamichChasi kiM bravImi te ||3-6-13
iti shrImahAbhArate khileShu harivaMshe bhaviShyaparvaNi
bhaviShyAntagranthArthaprakAsho nAma ShaShTho.adhyAyaH