##Harivamsha Maha Puranam - Part 3 - Bhavishya Parva Chapter 42 Description of Hranyakashipu's Court Itranslated by G. Schaufelberger schaufel @ wanadoo.fr October 23, 2008## Proof-read by K S Rmachandran, ramachandran_ksr @ yahoo.ca. If you find any errors compared to Chitrashala Press edn, send corrections to A. Harindranath harindranath_a @ yahoo.com ---------------------------------------------------------------- atha dvichatvAriMsho.adhyAyaH hiraNyakashipusabhAvarNanam vaishampAyana uvAcha tasyAM sabhAyAM daityendro hiraNyakashipuH prabhuH | AsIna Asane divye nalvamAtre pramANataH ||3-42-1 divAkaranibhe ramye divyAstaraNasaMbhR^ite | rarAja suchiraM rAja~njvalatkA~nchanakuNDalaH ||3-42-2 tasya daityapatermandaM virajaskaM samantataH | divyagandhavahastatra mArutaH sumukho vavau ||3-42-3 tatra devAH sagandharvA gaNairapsarasAM vR^itAH | divyatAlena divyAni jagurgItAni gAyanAH ||3-42-4 vishvAchI sahajanya cha pramlochetyabhivishrutA | divyA cha saurabheyA cha samIchI pu~njikasthalA ||3-42-5 mishrakeshI cha ramyA cha chitrasenA shuchismitA | chArunetrA ghR^itAchI cha menakA chorvashI tathA ||3-42-6 etAH sahasrashashchAnyA nR^ityagItavishAradAH | upatiShThanti rAjAnaM hiraNyakashipuM tadA ||3-42-7 hiraNyakashipustatra vichitrAbharaNAmbaraH | strIsahasraiH parivR^itastasthau jvalitakuNDalaH ||3-42-8 tatrAsInaM mahAbAhuM hiraNyakashipuM prabhum | upAsanti diteH putrAH sarve labdhavarAH purA ||3-42-9 balirvairochanastatra narakaH pR^ithivIjayaH | prahrAdo viprachittishcha gaviShThashcha mahAsuraH ||3-42-10 ahantA krodhahantA cha sumanAH sumatiH kharaH | ghaTodaro mahApArshvaH krathanaH piTharastathA ||3-42-11 vishvarUpashcha rUpashcha virUpashcha mahAdyutiH | dashagrIvashcha vAlI cha meghavAsA mahAravaH ||3-42-12 kaTAbho vikaTAbhashcha saMhrAdashchendratApanaH | daityadAnavasa~NghAshcha sarve jvalitakuNDalAH ||3-42-13 sragviNo vAgminaH sarve sarve sucharitavratAH | sarve labdhavarAH shUrAH sarve vigatamR^ityavaH ||3-42-14 ete chAnye cha bahavo hiraNyakashipuM prabhum | upAsante mahAtmAnaM sarve divyaparichChadAH ||3-42-15 vimAnairvividhairagryairbhrAjanmAnairivArchibhiH | sragviNo bhUShaNadharA yAnti chAyAnti helayA ||3-42-16 vichitrAbharaNopetA vichitravasanAstathA | vichitrashastrakavachA vichitradhvjavAhanAH ||3-42-17 mahendrachApasa~NkAshairvichitraira~NgadairvaraiH | bhUShitA~NgA diteH putrAstamupAsanti nityashaH ||3-42-18 tasyAM sabhAyAM divyAyAmasurAH parvatopamAH | hiraNyamukuTAH sarve divAkarasamaprabhAH ||3-42-19 kanakamaNivichitravedikAyA- mupahitaratnasahAsravIthikAyAm | sa dadarsha mR^igAdhipaH sabhAyAM surachiradantagavAkShasaMvR^itAyAm ||3-42-20 kanakavimalahArabhUShitA~NgaM dititanayaM sa mR^igAdhipo dadarsha | dinakarakaraprabham jvalanta- masurasahasragaNairniShevyamANam ||3-42-21 iti shrImahAbhArate khileShu harivaMshe bhaviShyaparvaNi nArasiMhe dvichatvAriMsho.adhyAyaH