##Harivamsha Maha Puranam - Part 3 - Bhavishya Parva
Chapter 77 Krishna welcomed at Badarika ashram 
Itranslated by G. Shchhaufelberger schhaufel@wanadoo.fr
July 20, 2008##
Proof-read by  K S Rmachandran, ramachandran_ksr @ yahoo.ca.
If you find any errors compared to Chitrashala Press edn,
send corrections to A. Harindranath harindranath_a @ yahoo.com
----------------------------------------------------------------

Atha saptasaptatitamo.adhyAyaH
shrIkR^iShNasya badarikAshrame AtithyasvIkAraH



vaishampAyana uvAcha


   tato munigaNA dR^iShTvA devadevamupasthitam |
   samApya chAgnihotrANi saMpUjyAtithisattamAn ||3-77-1
   munayo dIrghatapasaH samAdhau kR^itanishchayAH  |    
   jaTino muNDinaH kechichChirAdhamanisaMtatAH ||3-77-2
   nirmajjA nIrasAH kechidvetAlA iva kechana |          
   ashmakuTTAshanaparAH parNabhakShAstathA pare ||3-77-3
   vedavidyAvratasnAtA nirAhArA mahAtapAH |            
   smarantaH sarvadA viShNuM tadbhaktAstatparAyaNAH ||3-77- 4
   AsannamuktayaH kechitkechiddhyAnaikatatparAH |      
   dhyAnena manasA viShNuM dR^iShTavantastapodhanAH ||3-77-5
   saMvatsarAshinaH kechtitkechijjalavichAriNaH |        
   shakrasya bhayadAtAraH shrutismR^itiparAyanAH ||3-77-6
   vasiShTo vAmadevashcha raibhyo dhUmrastathaiva cha |
   jAbAliH kAshyapaH kaNvo bharadvAjo.atha gautamaH ||3-77--7
   atrirashvashirA bhadraH sha~NkhaH sha~NkhanidhiH kuNiH  |
   pArAsharyaH pavitrAkSho yAj~navalkyo mahAmanAH ||3-77-8
   kakShIvAna~NgirAshchaiva munirdIptatapAstathA |       
   asito devalastAta vAlmIkishcha mahAtapAH ||3-77-9
   ete chAnye cha munayo draShTumIshvaramavyayam |
   AdAyArghyaM yathAyogamuTajAtsvAtsamAyayuH ||3-77-10
   te cha gatvA hariM kR^iShNaM viShNumIshaM janArdanam | 
   bhaktinamrAstadA devaM praNemurbhaktavatsalam ||3-77-11
   namo.astu kR^iShNa kR^iShNeti devadeveti keshavam |
   praNavAtma~njagannAtha natAH sma shirasA hare ||3-77-12
   kR^iShNa viShNo hR^iShIkesha keshaveti cha sarvadA |
   praNAmapravaNA viprAH prAhuritthaM jagatpatim ||3-77-13
   idamarghyamidam pAdyamidaM viShTarameva cha |       
   kR^itArthAH sarvadA deva prasanno no jagatpatiH ||3-77-14 
   kiM kurmaH kiM nu naH kR^ityaM kashchidroShaH prabho hare |
   iti prA~njalayaH sarve prAhurdevasya pashyataH ||3-77-15
   kR^iShNo.api tadyathAyogamupayujya sahAmaraiH |
   kR^itaM sarvaM munivarA vardhatAM tapa uttamam ||3-77-16
   iti bruvanpurANAtmA prItastena garutmatA |
   AsanaM lambhayAmAsa rAtrau devo janArdanaH ||3-77-17
   kushalaM pR^iShTavAnbhhUyA munInAM bhAvitAtmanAm | 
   agnihotreShu tapasi tathA bhR^ityeShu sarvataH ||3-77-18
   evamAdi jagannAthaH pR^iShTavAnIshvarastadA |
   sarvatra kushalaM te.atra brUyuH kR^iShNasya sarvataH ||3-77-19
   AtitthyaM chakrire te tu nIvAraiH phalamUlakaiH |
   devAnAmatha sarveShAM viShNoH kR^iShNasya yatnataH |
   Atithyamupayu~njAnastataH prIto.abhavaddhariH ||3-77-20
 
Iti shrImahAbhArate khileShu harivaMShe bhaviShyaparvaNi
kailAsayAtrAyAM saptasaptatitamo.adhyAyaH