##Harivamsha Maha Puranam - Part 3 - Bhavishya Parva Chapter 78 Samadhi of Krishna Itranslated by G. Shchhaufelberger schhaufel@wanadoo.fr July 22, 2008## If you find any errors compared to Chitrashala Press edn, send corrections to A. Harindranath harindranath_a @ yahoo.com ---------------------------------------------------------------- atha aShTasaptatitamo.adhyAyaH shrIkR^iShNasya samAdhiH kolAhalashcha vaishampAyana uvAcha tataH sa bhagavAn viShNurdurvij~neyagatiH prabhuH | tatra pUrvaM tapastaptamAtmanA yAdaveshvaraH ||3-78-1 ga~NgAyAshchottare tIre deshaM draShTumupAgataH | svayameva hariH sAkShAtpravivesha tapovanam ||3-78-2 pravishya suchiraM deshaM dadarsha cha manoramam | niShasAda tatastasminnAshrame puNyavarddhanaH ||3-78-3 samAdhau yojayAmAsa manaH padmanibhekShaNaH | kimapyeSha jagannAtho dhyAtvA deveshvaraH sthitaH ||3-78-4 sthite devagurau tatra samAdhau dIpavaddharau | tatra shabdo mahAghoraH prAdurAsItsamantataH ||3-78-5 khAda khAdatA modeta yAta yAta mR^igAnimAn | preShayeha punaH sarvAnprasAdAchChAr~NgadhavnanaH ||3-78-6 eSha viShNurayaM kR^iShNo harirIsha ito.achyutaH | namo.astu viShNo devesha svAminmAdhava keshava ||3-78-7 ityAdishabdaH sumahAnAvirAsittadA nishi | tatashcha sumahAnAdaH siMhAnAM mR^igaviddviShAm ||3-78-8 dhAvatAm cha shunAM rAjanmR^igANAM vinardatAm | mR^igAnAM bhItiyuktAnAmR^ikShANAM dvIpinAM tathA ||3-78-9 gajAnAm nadatAM rAjanbR^iMhitaM cha tatastataH | mahAvAtasamudbhUtakShubhitasyeva vAridheH ||3-78-10 nAdastrailokyavitrAsaH prAdurAsIttadA nishi | shrutvA shabdaM harirdevastAdR^ishaM tatra dhiShThitaH ||3-78-11 samAdhikShobhamAsAdya vishvasya cha jagatpatiH | tataH sa chintayAmAsa ko.ayameSha mahAsvanaH ||3-78-12 kasyAyamIdR^ishaH shabdaH stutiyukto mama tviti | aho.asminmR^igayA shabdaH shunAM sa~ncharatAM vane ||3-78-13 mR^igANAmatha sarveShAM nAdashcha sumahAnayam | vyAmishrastutiyuktAbhirvAgbhirmama samaMtataH || 3-78-14 iti sa~nchintya manasA disho viprekShya sarvataH | tata Aste haristatra j~nAtuM tatra samudbhavaM ||3-78-15 tato mR^igaH samAdhAvanyatra tiShTati keshavaH | tAMshchaivAnucharo rAjansagaNaH samapadyata ||16 atha vai dIpikA rAja~nChatasho.atha sahasrashaH | tatastasmo.api vyanasdAddiveva samapadyata ||3-78-17 tato.nu bhUtasa~NghAshcha samadR^ishyanta tatra ha | pishAchAshcha mahAghorA nardanto bahu visvanam ||3-78-18 bhakShayanto.atha pishitaM pibanto rudhiraM bahu | prAdurAsanmahAghorAH pishAchA vikR^itAnanAH ||3-78-19 hanyamAnA hatA rAjanpatantaH patitA mR^igAH | itashchetashcha dhAvanto bANairviddhA mR^igA dvipaH ||3-78-20 tato mR^igasahasrANi samidIrNAni bhArata | yatrAsau tiShThate devastatra yAtA nirantaram ||3-78-21 antarIkR^itya deveshaM sthitAnItyanushushruma | pishAchyo vikR^itAkArAH karAlA romaharShaNAH ||3-78-22 putravatyaH samApeturyatra tiShThati keshavaH | shvagaNastatra rAjendra charatyeva tatastataH ||3-78-23 tataH sa bhagavAnviShNuH sarvamAlokya viShThitaH | vismayaM paramaM gatvA pashyannAste sma keshavaH ||3-78-24 kasyaiShA visR^ito nAdaH kasya vAyaM jano.apatat | ko nu mAM stauti bhaktyA vai bhaviShye prItimAnahaM ||3-78-25 kasya muktiH samAyAtA prIte mayi sudurlabhA | iti sa~nchintya bhagavAnAste prAkR^itavaddhariH ||3-78-26 iti shrImAbhArate khileShu harivaMshe bhaviShyaparvaNi kailAsayAtrAyAM aShTasaptatitamo.adhyAyaH