##Harivamsha Maha Puranam - Part 3 - Bhavishya Parva Chapter 109 Durvasa Chides Hamsa and Dimbhaka i-translated by G. Schaufelberger schaufel @ wanadoo.fr January 18 2009## Proof-read by K S Rmachandran, ramachandran_ksr @ yahoo.ca. If you find any errors compared to Chitrashala Press edn, send corrections to A. Harindranath harindranath_a @ yahoo.com ---------------------------------------------------------------- atha navAdhikashatatamo.adhyAyaH durvAsaso bhAShaNam vaishampAyana uvAcha tataH kruddho.atha durvAsA dakShanniva tayorasUn | ekenAkSNAtha durvAsA raudreNAgniyujA sadA ||3-109-1 pashyaMstau cha durAtmAnau roShavyAkulitendriyaH | kurvanniva tadA lokAnbhasmabhUtAnimAnnR^ipa ||3-109-2 brAhmaNaM chakshuShA pashyansaumyenAnyena kevalam | uvAcha vachanaM rAjandhvaMsata dhvaMsateti cha ||3-109-3 ito gachChata rAjAnau kiM vilambata mA chiram | na vAM vachanasaMbhUtaM roShaM dhArayituM kShame ||3-109-4 anyathA vo mahIpAlAnsarvAndagdhumahaM kShamaH | kimataH sAhasaM vaktuM kashcha shaknoti matpuraH ||3-109-5 darpaM vA lokavikhyAtaH sha~NkhachakragadAdharaH | vyapaneShyati mandaj~nau kiM vo vakShyAmi sAMpratam ||3-109-6 tata utthAya dharmAtmA gantumaichChadyatIshvaraH | tato niSheddhuM haMsastaM yatate sma yatIshvaraM |||3-109-7 tasya bAhuM samAdAya hamso nR^ipavarottamaH | kaupInaM chichChede krUraH kR^itAnta iva sattama ||3-109-8 yathayo.anye palAyanti disho dasha vichetasaH | kaShTaM heti vadanvipro mitrabhAvAjjanArdanaH ||3-109-9 nyavArayadyathAshakti kimidaM sAhasaM tviti | durvAsAH satyadharmastu hantumIsho.api taM tataH ||3-109-10 mandaM mandamuvAchedaM haMsaM Dimbhakameva cha | shApenAhaM samartho.api hantuM rAjakulAdhamau ||3-109-11 tathApi na karomyantaM yatayo hyatra te vayam | yo hi devo jagannAthaH keshavo yAdaveshvaraH ||3-109-12 sha~NkhachakragadApANirgarvaM vAM vyapaneShyati | loke tasminyadushreShThaM rakShatyevaM jagatpatau ||3-109-13 yuvayoH sarvathA jIvaH sajjIva iti me matiH | jarAsandho.api vAM bandhuH sa cha vaktuM na chechChati ||3-109-14 IdR^ishaM lokavidviShTaM sa hi dharmapathe sadA | etAvatA sa vAM bandhurna hi bhUyo bhaviShyati ||3-109-15 vidveSho hyastu vAM tasya mAgadhasya mahIpateH | shrutvedaM ghorarUpaM tu sa hi bandhuH saheta chet ||3-109-16 dharmanAsho bhavettasya nAtra kAryA vichAraNA | ityuktvA gachCha gachCheti haMsaM prAha punaH punaH ||3-109-17 janArdanamuvAchedaM durvAsA yatisattamaH | svastyastu tava viprendra bhaktirastu janArdane ||3-109-18 sa~Ngatistava tasyAstu sha~NkhachakragadAbhR^itaH | adya shvo vA parashvo vA sAdhureva sadA bhavAn ||3-109-19 na hi sAdhorvinAsho.asti lokayorubhayorapi | gachCha sarvaM piturbrUhi j~nAtvA vR^ittaM yathAkhilam ||3-109-20 iti shrImahAbhArate khileShu harivaMshe bhaviShyaparvaNi haMsaDimbhakopAkhyAne durvAsobhAShaNe navAdhikashatatamo.adhyAyaH