##Harivamsha Maha Puranam - Part 3 - Bhavishya Parva Chapter 11 Durvasa complains to Krishna i-translated by G. Schaufelberger schaufel @ wanadoo.fr January 20 2009## Proof-read by K S Rmachandran, ramachandran_ksr @ yahoo.ca. If you find any errors compared to Chitrashala Press edn, send corrections to A. Harindranath harindranath_a @ yahoo.com ---------------------------------------------------------------- athaikAdashAdhikashatatamo.adhyAyaH shrIkR^iShNaM prati durvAsaso vAkyam vaishampAyana uvAcha atha sarveshvaro viShNuH padmakiMjalkalochanaH | shyAmaH pItAmbaraH shrImAnpralambAmbarabhUShaNaH ||3-111-1 kirITI shrIpatiH kR^iShNo nIlaku~nchitamUrdhajaH | avyaktaH shAshvato devaH sakalo niShkalaH shivaH ||3-111-2 krIDAvihAropagataH kadAchidabhavaddhariH | kumArairaparaiH sArdhaM sAtyakipramukhairnR^ipa ||3-111-3 golakrIDAM sudharmAyA madhye yAdavasattamaH | chakAra priyakR^itkR^iShNo yuyudhAnena keshavaH ||3-111-4 mamAyaM prathamo golastava pashchAdbhaviShyati | iti bruvaMstadA viShNuH sAtyakiM kamalekShaNaH ||3-111-5 pArshvasthA yAdavAstasya vasudevapurogamAH | uddhavapramukhA rAjannAseduH kvachidatra vai ||3-111-6 anyavyApArarahito bhUtAtmA bhUtabhAvanaH | vijahAra yathA rAmaH sugrIveNa purA nR^ipa||3-111-7 madhyaMdine mahAviShNuH shaineyena sahAchyutaH | vikrIDya suchiraM kR^iShNa upAraMsItsa yAdavaH ||3-111-8 dvAsthena vAritAH pUrvaM dvAryeva cha samAsthitAH | idamantaramityeva vivishustAM sabhAM nR^ipa ||3-111-9 yatayo dIrghatapasaH puraskR^itya tapodhanam | durvAsasaM sumanaso dadR^ishuryAdaveshvaram ||3-111-10 golakrIDAsamAsaktaM karasaMsthitagolakam | padmapatravishAlAkShaM viShNuM taM sAtyakiM harim ||3-111-11 ekenAkShNA hlAdayantaM pareNAnyena golakam | yatayashcha mahArAja pratyadR^ishyanta tatpuraH ||3-111-12 vR^iShNipaH puNDarIkAkShaH sAtyakirbalabhadrakaH | vasudevastathAkrUra ugrasenastathA nR^ipa ||3-111-13 anye cha yAdavAH sarve saMbhramaM pratipedire | idaM kimidamityevaM vyAsha~Nkamanaso.abhavan ||3-111-14 pR^iShThato.apyanugachChanti didhakShantaM jagattrayam | ardhakaupInavasanaM smarantaM kamapi dvijam ||3-111-15 antastApasamAyuktaM ChinnadaNDadharaM yatim | antarjvalantaM roSheNa haMsAsAditakalmaSham ||3-111-16 netrotthitamahAvahniM prekShantaM yAdaveshvaram | durvAsasaM te dadR^ishurbhItA yAdavasattamAH ||3-111-17 kiMkariShyatyasau kruddhaH kiM vA vakShyati naH prabhuH | iti prA~njalayaH sarve yAdavAH pratipedire ||3-111-18 idamAsanamityevaM kiMchidUchushcha vR^iShNayaH | tataH kR^iShNo hR^iShIkeShaH kiMchidutplutya tatpuraH ||3-111-19 idamAsanamityevaM sthIyatAmiha nirvR^itaH | ahamadya sthito vipra kiMkaro.asmIti chAbravIt ||3-111-20 tataH kiMchidivAsIna Asane yativigrahaH | Asane saMsthite tasminyatayo vItamatsarAH ||3-111-21 AsanAni yathAyogaM bhejire nirvR^itAH kila | arghyAdisamudAchAraM chakre kR^iShNaH kirITabhR^it ||3-111-22 Aha bhUyo hR^iShIkesho yAtiM durvAsasaM prabhuM | kimarthaM brUhi viprendra asminpratyAgamo hi vaH ||3-111-23 dR^iShTaM vA hyatha vA kiMchitkAraNaM chAsti vo mahat | saMnyAsino dvijashreShThA yUyaM vigatakalmaShAH ||3-111-24 niHspR^ihAshcha sadA yUyamasmatto dvijapu~NgavAH | prArthyaM nAma na chaivAsti spR^ihA naivAsti vo yataH ||3-111-25 spR^ihApreritakarmANaH kShatriyAnyAnti suvratAH | nirUpyamANamasmAbhirvipra kiMchinna dR^ishyate ||3-111-26 na jAne kAraNaM brahmanyuShmadAgamanaM prati | etAvatA chAnumeyaM kiMchitkAraNamasti vai ||3-111-27 tadbrUhi yadi vidyeta tvatto j~nAsyAmahe vayam | ityuktavati deveshe chakrapANau janArdane ||3-111-28 tasyApi rAjanviprasya bhUyaH kopo mahAnabhUt | tasmAdabhyadhikaH pUrvAtkopaH saMjAyate mahAn ||3-111-29 didhakShanniva lokAMstrInbhakShayanniva pashyataH | roSharaktekShaNaH kruddho hasanniva dahanniva ||3-111-30 uvAcha vachanaM viShNuM durvAsAH kroddhamUrchChitaH | na jAne iti kasmAttvaM brUShe no yAdaveshvara ||3-111-31 jAnAmi tvAM mahAdevaM va~nchayanniva bhAShase | purAtanA vayaM viShNo pUrvavR^ittAntavedinaH ||3-111-32 yathA hi devadevo.asi mAyAmAnuShadehavAn | nigUhase prabhurataH kasmAnno jagatIpate ||3-111-33 so.asi brahmavidAM mUrtistavaitat paramaM padam | yadabhyarchya purA brahmA yachcha j~nAtA vayaM purA ||3-111-34 yato vishvamidaM bhUtaM tadetatparamaM padam | yachcha sthUlaM vijAnanti purA tattvena chetasA ||3-111-35 purAvido.atha vishvesha tadetatparamaM vapuH | karmaNA prApyate yattu yatsmR^itvA nirvR^itA vayam ||3-111-36 pratyakShamapi yadrUpaM naiva jAnanti mAnuShAH | na hi mUDhadhiyo deva na vayaM tAdR^ishA hare ||3-111-37 na jAne iti yadbrUShe kimataH sAhasaM vachaH | ye hi mUlaM vijAnanti teShAM tu pravivechanam ||3-111-38 kurvataH kiM phalaM deva tava keshiniShUdana | vedAnte prathitaM tejastava chedaM vichAryate ||3-111-39 ye cha vij~nAnatR^iptAstu yogino vItakalmaShAH | pashyanti hR^itsaroje.api tadevedaM vapuH prabho ||3-111-40 vedairyadgIyate tejo brahmeti pratipAdya vai | tadevedaM vijAne.ahaM rUpamaishvarameva cha |3-111-41 vaiShNavaM paramaM teja iti vedeShu paThyate | avagachChAmyahaM viShNo tadevedaM vapustava ||3-111-42 ya omityuchyate shabdo yasya vAgiti gIyate | sa evAsi prabho viShNo na jAne iti mA vada ||3-111-43 parokShaM yadi kiMchitsyAttava vaktuM prayujyate | na jAne iti govinda mA vAdIH sAhasaM hare ||3-111-44 vishvaM yadA prAdurAsIdyasmi.NllInaM kShaye sati | idaM tadaishvaraM tejastvavagachChAmi keshava ||3-111-45 kartA tvaM bhUtabhavyesha pratibhAsi sadA hR^idi | yadyadrUpaM smarennityaM tattadevAsi me hR^idi ||3-111-46 vAyureva yadA viShNuriti me dhIyate matiH | tadA tadrUpamevAsi hR^inmadhye saMsthito vibho ||3-111-47 AkAsho viShNurityeva kadAchiddhIyate matiH | tadA tadrUpamevAsi hR^inmadhye saMsthito vibho ||3-111-48 pR^ithivI viShNurityetatkadAchiddhIyate matiH | tadA pArthivarUpastvaM pratibhAsi sAdA mama ||3-111-49 raso.agraM deva ityeva kadAchichchintyate mayA | tadA rasAtmAna viShNo hR^inmadhye saMsthito vibho ||3-111-50 yadA tvaM teja ityevaM smartA syAM puruShottama | tadA tadrUpasaMpannaH pratibhAsi sadA hR^di ||3-111-51 chandramA harirityevaM tadA chAndramasaM vapuH | nirIkShya chakShuShA deva tataH prIto.asmi keshava ||3-111-52 yadA sauraM vapuriti smartA syAM jagatIpate | tadA tadbhAvanAyogAtsUrya eva virAjase ||3-111-53 tasmAtsarvaM tvamevAsi nishchitA matirIdR^ishI | ato na jAne.ahamiti vaktuM nesho janArdana ||3-111-54 ityarthe saMsthito viShNo pIDAM no naiva chintyase | atyantaduHkhitA viShNo vayaM tvAmanusaMsthitAH ||3-111-55 IdR^ishIyamavasthA no naitAM smarasi keshava | etatpunarbhAgyamato naShTamityeva chintaye ||3-111-56 mandabhAgyA vayaM viShNo yato no na smareH prabho | kauchitkShatriyadAyAdau girIshavaragarvitau ||3-111-57 nAmnA haMsaDimbhakau cha bAdhete no janArdana | gArhasthyaM hi sadA shreyo vadantAviti keshava ||3-111-58 itastatashcha dhAvantau vadantau bahu kilbiSham | ayuktaM bahu bhAShantau dharShayantau cha naH sadA ||3-111-59 idamanyatkR^itaM deva asahyaM pApamuchyate | pashyedaM bahudhA deva bhinnaM bhinnaM sahasrashaH ||3-111-60 shikyaM cha dAravaM pAtraM dvidalAnveNukAnbahUn | idamapyaparaM pashya tayoH sAhasacheShTitam ||3-111-61 kaupInaM bahudhA ChinnaM tadasmAkaM mahaddhanam | kR^itaM kapAlamAtreNa kamaNDalu jagatprabho ||3-111-62 tvaM tu no rakShase nityaM kShAtraM vai vratamAsthitaH | chitraM chitramidaM deva rakShasyasi sadAnisham ||3-111-63 kiM kariShyAmi mandAtmA mandabhAgyA vayaM vibho | kinnaH sharaNamadyaiva tadbrUhi jagatAM pate ||3-111-64 jIvantau tau yadi syAtAM naShTA lokA ime trayaH | na viprA na cha rAjano na vaishyA na cha pAdajAH ||3-111-65 atyantabalinau mattau tIkShNadaNDadharau nR^ipa | te tayoH purataH sthAtuM shaktA devAH savAsavAH ||3-111-66 na cha bhIShmo na vA rAjA bAhlIko bhImavikramaH | yo hi vIro jarAsandhaH kShatriyANAM bhayaMkaraH ||3-111-67 naiva cha prAyashaH sthAtuM girIshavaradarpiNoH | tayoH kR^iShNa hare shakto nityamapratisa~NginoH ||3-111-68 tasmAttvaM jahi tau vIrau rakSha lokAnimAnprabho | anyathA rakShasItyevaM vyarthaH shabdo.atra jAyate ||3-111-69 bahunAtra kimuktena rakSha rakSha jagattrayam | ityuktvA virarAmaiva durvAsAH kroddhamUrchChitaH ||3-11-70 iti shrImahAbhArate khileShu harivaMshe bhaviShyaparvaNi haMsaDimbhakopAkhyAne durvAsaHsamAgame ekAdashAdhikashatatamo.adhyAyaH