## Harivamsha Mahapuranam - Part 1 - harivamsha Parva Chapter 32 - Puruvamshanukirtanam Itranlated and proofread by K S Ramachandran, ramachandran_ksr @ yahoo.ca, June 20, 2007## Further proof-read by Gilles Schaufelberger, schaufel @ wanadoo.fr If you find any errors compared to Chitrashala Press edn, send corrections to A. Harindranath, harindranath_a @ yahoo.com --------------------------------------------------------------------- dvAtriMsho.adhyAyaH puruvaMshAnukIrtanam vaishampAyana uvAcha anAdhR^iShyastu rAjarShirR^icheyushchaikarATsmR^itaH | R^icheyorjvalanA nAma bhAryA vai takShakAtmajA || 1-32-1 tasyAM sa devyAM rAjarShirmatinAro mahIpatiH | matinArasutAshchAsaMstrayaH paramadhArmikAH || 1-32-2 taMsurAdyaH pratirathaH subAhushchaiva dhArmikaH | gaurI kanyA cha vikhyAtA mAndhAtR^ijananI shubhA || 1-32-3 sarve vedavidastatra brahmaNyAH satyavAdinaH | sarve kR^itAstrA balinaH sarve yuddhavishAradAH || 1-32-4 putraH pratirathasyAsItkaNvaH samabhavannR^ipaH | medhAtithiH sutastasya yasmAtkANvAyanA dvijAH || 1-32-5 IlinI bhUpa yasyA.a.asItkanyA vai janamejaya | brahmavAdinyadhi strIM cha taMsustAmabhyagachChata || 1-32-6 taMsoH surodho rAjarShirdharmanetro mahAyashAH | brahmavAdI parAkrAntastasya bhAryopadAnavI || 1-32-7 upadAnavI sutA.Nllebhe chaturastvailikAtmajAn | duShyantamatha suShmantaM pravIramanaghaM tathA || 1-32-8 duShyantasya tu dAyAdo bharato nAma vIryavAn | sa sarvadamano nAma nAgAyutabalo mahAn || 1-32-9 chakravartI suto jaj~ne duShyantasya mahAtmanaH | shakuntalAyAM bharato yasya nAmnA stha bhAratAH || 1-32-10 duShyantaM prati rAjAnaM vAguvAchAsharIriNI | mAtA bhastrA pituH putro yena jAtaH sa eva saH || 1-32-11 bharasva putraM duShyanta mAvamaMsthAH shakuntalAm | retodhAH putra unnayati naradeva yamakShayAt || 1-32-12 tvaM chAsya dhAtA garbhasya satyamAha shakuntalA | bharatasya vinaShTeShu tanayeShu mahIpateH || 1-32-13 mAtR^INAM tAta kopena mayA te katithaM purA | bR^ihaspaterA~NgirasaH putro rAjanmahAmuniH | saMkrAmito bharadvAjo marudbhiH R^itubhirvibhuH || 1-32-14 atraivodAharantImaM bharadvAjasya dhImataH | dharmasaMkramaNaM chApi marudbhirbharatAya vai || 1-32-15 ayojayadbharadvAjo marudbhiH kratubhirhitam | pUrvaM tu vitathe tasya kR^ite vai putrajanmani || 1-32-16 tato.atha vitatho nAma bharadvAjasuto.abhavat | tato.atha vitathe jAte bharatastu divaM yayau || 1-32-17 vitathaM chAbhiShichyAtha bharadvAjo vanaM yayau | sa rAjA vitathaH putrA~njanayAmAsa pa~ncha vai || 1-32-18 suhotraM cha suhotAraM gayaM gargaM tathaiva cha | kapilaM cha mahAtmAnaM suhotrasya sutadvayam || 1-32-19 kAshikashcha mahAsattvastathA gR^itsamatirnR^ipaH | tathA gR^itsamateH putrA brAhmaNaH kShatriyA vishaH || 1-32-20 kAshikasya tu kAsheyaH putro dIrghatapAstathA | babhUva dIrghatapaso vidvAndhanvantariH sutaH || 1-32--21 dhanvantarestu tanayaH ketumAniti vishrutaH | atha ketumataH putro vIro bhImaratho nR^ipa || 1-32-22 suto bhImarathasyAsIddivodAsaH prajeshvaraH | divodAsa iti khyAtaH sarvarakShovinAshanaH || 1-32-23 etasminneva kAle tu purIM vArANasIM nR^ipa | shUnyAM niveshayAmAsa kShemako nama rAkShasaH | shaptA hi sA matimatA nikumbhena mahAtmanA | shUnyA varShasahasraM vai bhavitrIti narAdhipa || 1-32-24 tasyAM tu shaptamAtrAyAM divodAsaH prajeshvaraH | viShayAnte purIM ramyAM gomatyAM saMnyaveshayat || 1-32-25 bhadrashreNyasya pUrvaM tu purI vArANasI bhavat | yaduvaMshaprasUtasya tapasyabhiratasya cha || 1-32-26 bhadrashreNyasya putrANAM shatamuttamadhanvinAm | hatvA niveshayAmAsa divodAsaH prajeshvaraH || 1-32-27 divodAsasya putrastu vIro rAjA pratardanaH | pratardanasya putrau dvau vatso bhArgastathaiva cha || 1-32-28 alarko rAjaputrastu rAjA sannatimAnbhuvi | haihayasya tu dAyAdyaM hR^itavAnvai mahIpatiH || 1-32-29 Ajahre pitR^IdAyAdyaM divodAsahR^itaM balAt | bhadrashreNyasya putreNa durdamena mahAtmanA | divodAsena bAleti ghR^iNayA parivarjitaH || 1-32-30 aShTAratho nAma nR^ipaH suto bhImarathasya vai| tena putreShu bAleShu prahR^itaM tasya bhArata || 1-32-31 vairasyAntaM mahArAja kShatriyeNa vidhitsatA | alarkaH kAshirAjastu brahmaNyaH satyasa~NgaraH || 1-32-32 ShaShTivarShasahasrANi ShaShTivarShashatAni cha | tasyA.a.asItsumahadrAjyaM rUpayauvanashAlinaH || 1-32-33 yuvA rUpeNa saMpanna AsItkAshikulodvahaH | lopAmudrAprasAdena paramAyuravApa saH || 1-32-34 vayaso.ante mahAbAhurhatvA kShemakarAkShasam | shUnyAM niveshayAmAsa purIM vArANasIM nR^ipa || 1-32-35 alarkasya tu dAyAdaH sunItho nAma pArthivaH | sunIthasya tu dAyAdaH kShemyo nAma mahAyashAH || 1-32-36 kShemyasya ketumAnputro varShaketustato.abhavat | varShaketostu dAyAdo vibhurnAma prajeshvaraH || 1-32-37 Anartastu vibhoH putraH sukumArastato.abhavat | putrastu sukumArasya satyaketurmahArathaH || 1-32-38 tato.abhavanmahAtejA rAjA paramadhArmikaH | vatsasya vatsabhUmistu bhArgabhUmistu bhArgavAt || 1-32-39 ete tva~NgirasaH putrA jAtA vaMshe.atha bhArgave | brAhmaNAH kShatriyA vaishyAH shUdrAshcha bharatarShabha || 1-32-40 suhotrasya bR^ihatputro bR^ihatastanayAstrayaH | ajamIDho dvimIDhashcha purumIDhashcha vIryavAn || 1-32-41 ajamIDhasya patnyastu tisro vai yashasAnvitAH | nIlinI keshinI chaiva dhUminI cha varA~NganA || 1-32-42 ajamIDhasya keshinyAM jaj~ne jahnuH pratApavAn | Ajahre yo mahAsatraM sarvamedhaM mahAmakham || 1-32-43 patilobhena yaM ga~NgA vinItAbhisasAra ha | nechChataH plAvayAmAsa tasya ga~NgAtha tatsadaH || 1-32-44 sa tayA plAvitaM dR^IShTvA yaj~navATaM paraMtapa | jahnurapyabravIdga~NgAM kruddho bharatasattama || 1-32-45 eSha te triShu lokeShu saMkShipyApaH pibAmyaham | asya ga~Nge.avalepasya sadyaH phalamavApnuhi || 1-32-46 tataH pItAM mahAtmAno ga~NgAM dR^iShTvA maharShayaH | upaninyurmahAbhAgA duhitR^itvAya jAhnavIm || 1-32-47 yuvanAshvasya putrIM tu kAverIM jahnurAvahat | ga~NgAshApena dehArdhaM yasyAH pashchAnnadIkR^itam || 1-32-48 jahnostu dayitaH putrastvajako nAma vIryavAn | ajakasya tu dAyAdo balAkAshvo mahIpatiH || 1-32-49 babhUva mR^igayAshIlaH kushikastasya chAtmajaH | pahlavaiH saha saMruddho rAjA vanacharaistadA || 1-32-50 kushikastu tapastepe putramindrasamaM prabhuH | labheyamiti taM shakrastrAsAdabhyetya jaj~nivAn || 1-32-51 sa gAdhirabhavadrAjA maghavAnkaushikaH svayam | vishvAmitrastu gAdheyo rAjA vishvarathastadA || 1-32-52 vishvakR^idvishvajichchaiva tathA satyavatI nR^ipa | R^ichIkAjjamadagnistu satyavatyAmajAyata || 1-32-53 vishvAmitrasya tu sutA devarAtAdayaH smR^itAH | prakhyAtAstriShu lokeShu teShAM nAmAni me shR^iNu || 1-32-54 devashravAH katishchaiva yasmAtkAtyAyanAH smR^itAH | shAlAvatyA hiraNyAkSho reNorjaj~ne.atha reNumAn || 1-32-55 sA~NkR^ityo gAlavo rAjanmaudgalyashcheti vishrutAH | teShAM khyAtAni gotrANi kaushikAnAM mahAtmahAm || 1-32-56 pANino babhravashchaiva dhyAnajapyAstathaiva cha | pArthivA devarAtAshcha shAla~NkAyanasaushravAH || 1-32-57 lauhityA yAmadUtAshcha tathA kArIShayaH smR^itAH | vishrutAH kaushikA rAjaMstathAnye saindhavAyanAH || 1-32-58 R^iShyantaravivAhyAshcha kaushikA bahavaH smR^itAH | pauravasya mahArAja brahmarSheH kaushikasya ha || 1-32-59 saMbandho hyasya vaMshe.asminbrahmakShatrasya vishrutaH | vishvAmitrAtmajAnAM tu shunaHshepo.agrajaH smR^itaH || 1-32-60 bhArgavaH kaushikatvaM hi prAptaH sa munisattamaH | devarAtAdayashchAnye vishvAmitrasya vai sutAH || 1-32-61 dR^iShadvatIsutashchApi vishvAmitrAdathAShTakaH | aShTakasya suto lauhiH prokto jahnugaNo mayA || 1-32-62 AjamIDho.aparo vaMshaH shrUyatAM puruSharShabha | ajamIDhasya nIlinyo sushAntirudapadyata || 1-32-63 purujAtiH sushAntestu vAhyAshvaH purujAtitaH | vAhyAshvatanayAH pa~ncha babhUvuramaropamAH || 1-32-64 mudgalaH sR^i~njayashchaiva rAjA bR^ihadiShuH smR^itaH | yavInarasca vikrAntaH kR^imilAshvashcha pa~nchamaH || 1-32-65 pa~nchaite rakShaNAyAlaM deshAnAmiti vishrutAH | pa~nchAnAM viddhi pa~nchAlAnsphItairjanapadairvR^ItAn || 1-32-66 alaM saMrakShaNaM teShAM pa~nchAlA iti vishrutAH | mudgalasya tu dAyAdo maudgalyaH sumahAyashAH || 1-32-67 sarva ete mahAtmAnaH kShatropetA dvijAtayaH | ete hya~NgirasaH pakShaM saMshritAH kaNvamaudgalAH || 1-32-68 maudgalsya suto jyeShTho brahmarShiH sumahAyashAH | indraseno yato garbhaM vadhryashvaM pratyapadyata || 1-32-69 vadhryashvAnmithunaM jaj~ne menakAyAmiti shrutiH | divodAsashcha rAjarShirahalyA cha yashasvinI || 1-32-70 sharadvatasya dAyAdamahalyA samasUyata | shatAnandamR^iShishreShThaM tasyApi sumahAyashAH || 1-32-71 putraH satyadhR^itirnAma dhanurvedasya pAragaH | tasya satyadhR^ite reto dR^iShTvApsarasamagrataH || 1-32-72 avaskannaM sharastaMbe mithunaM samapadyata | kR^ipayA tachcha jagrAha shantanurmR^igayAM gataH || 1-32-73 kR^ipaH smR^itaH sa vai tasmAdgautamI cha kR^ipI tathA | ete shAradvatAH proktA ete te gautamAH smR^itAH || 1-32-74 ata UrdhvaM pravakShyAmi divodAsasya saMtatim | divodAsasya dAyAdo brahmarShirmitrayurnR^ipaH || 1-32-75 maitrAyaNastataH somo maitreyAstu tataH smR^itAH | ete hi saMshritAH pakShaM kShatrotpetAstu bhArgavAH || 1-32-76 AsItpa~nchajanaH putraH sR^i~njayasya mahAtmanaH | sutaH pa~nchajanasyApi somadatto mahIpatiH || 1-32-77 somadattasya dAyAdaH sahadevo mahAyashaH | sahadevasutashchApi somako nAma pArthivaH || 1-32-78 ajamIDhAtpunarjAtaH kShINavaMshe tu somakaH | somakasya suto janturyasya putrashataM babhau || 1-32-79 teShAM yavIyAnpR^iShato drupadasya pitA prabhuH | dhR^iShTadyumnastu drupadAddhR^iShTaketushcha tatsutaH || 1-32-80 ajamIDhAH smR^itA hyete mahAtmAnastu somakAH | putrANAmajamIDhasya somakatvaM mahAtmanaH || 1-32-81 mahiShI tvajamIDhasya dhUminI putragR^iddhinI | tR^itIyA tava pUrveShAM jananI pR^ithivIpate || 1-32-82 sA tu putrArthinI devI vratacharyAsamanvitA | tato varShAyutaM taptvA tapaH paramadushcharam || 1-32-83 hutvAgniM vidhivatsA tu pavitramitabhojanA | agnihotrakusheShveva suShvApa janamejaya | dhUminyA sa tayA devyA tvajamIDhaH sameyivAn || 1-32-84 R^ikShaM sa~njanayAmAsa dhUmavarNaM sudarshanam | R^ikShAtsaMvaraNo jaj~ne kuruH saMvaraNAttathA | yaH prayAgAdatikramya kurukShetraM chakAra ha || 1-32-85 tadvai tatsa mahAbhAgo varShANi subahUnyatha | tapyamAne tadA shakro yatrAsya varado babhau || 1-32-86 puNyaM cha ramaNIyaM cha puNyakR^idbhirniShevitam | tasyAnvavAyaH sumahAMstasya nAmnA stha kauravAH || 1-32-87 kuroshcha putrAshchatvAraH sudhanvA sudhanustathA | parIkShichcha mahAbAhuH pravarashchArimejayaH || 1-32-88 sudhanvanastu dAyAdaH suhotro matimAMstataH | chyavanastasya putrastu rAjA dharmArthakovidaH || 1-32-89 chyavanAtkR^itayaj~nastu iShTvA yaj~naH sa dharmavit | vishrutaM janayAmAsa putramindrasamaM nR^ipaH || 1-32-90 chaidyoparicharaM vIraM vasuM nAmAntarikShagam | chaidyoparicharAjjaj~ne girikA sapta mAnavAn || 1-32-91 mahAratho magadharADvishruto yo bR^ihadrathaH | pratyagrahaH kushashchaiva yamAhurmaNivAhanam || 1-32-92 mArutashcha yadushchaiva matsyaH kAlI cha sattamaH | bR^ihadrathasya dAyAdaH kushAgro nAma vishrutaH || 1-32-93 kushAgrasyAtmajo vidvAnvR^iShabho nAma vIryavAn || 1-32-94 vR^iShabhasya tu dAyAdaH puShpavAnnAma dhArmikaH | dAyAdastasya vikrAnto rAjA satyahitaH smR^itaH || 1-32-95 tasya putro.atha dharmAtmA nAmnA Urjastu jaj~nivAn | Urjasya saMbhavaH putro yasya jaj~ne sa vIryavAn || 1-32-96 shakale dve sa vai jAto jarayA sandhitaH sa tu | jarayA sandhito yasmAjjarAsandhastataH smR^itaH || 1-32 97 sarvakShatrasya jetAsau jarAsandho mahAbalaH | jarAsandhasya putro vai sahadevaH pratApavAn || 1-32-98 sahadevAtmajaH shrImAnudAyuH sa mahAyashAH | udAyurjanayAmAsa putraM paramadhArmikam || 1-32-99 shrutadharmeti nAmAnaM maghavAnyo.avasadvibhuH | parIkShitastu dAyAdo dhArmiko janamejayaH || 1-32-100 janamejayasya dAyAdastraya eva mahArathAH | shrutasenograsenau cha bhImasenashcha nAmataH || 1-32-101 ete sarve mahAbhAgA vikrAntA balashAlinaH | janamejayasya putrau tu suratho matimAMstathA || 1-32-102 surathasya tu vikrAntaH putro jaj~ne vidUrathaH | vidUrathasya dAyAda R^ikSha eva mahArathaH || 1-32-103 dvitIyaH sa babhau rAjA nAmnA tenaiva saMj~nitaH | dvAvR^ikShau tava vaMshe.asmindvAveva tu parIkShitau || 1-32-104 bhImasenAstrayo rAjan dvAveva janamejayau | R^ikShasya tu dvitIyasya bhImaseno.abhavatsutaH || 1-32-105 pratIpo bhImasenasya pratIpasya tu shantanuH | devApirbAhlikashchaiva traya eva mahArathAH || 1-32-106 shantanoH prasavastveSha yatra jAto.asi pArthiva | bAhlikasya tu rAjyaM vai saptavAhyaM nareshvara || 1-32-107 bAhlikasya sutashchaiva somadatto mahAyashAH | jaj~nire somadattAttu bhUrirbhUrishravAH shalaH || 1-32-108 upAdhyAyastu devAnAM devApirabhavanmuniH | chyavanasya kR^itaH putra iShTashchAsInmahAtmanaH || 1-32-109 shantanustvabhavadrAjA kauravANAM dhurandharaH | shantanoH saMpravakShyAmi yatra jAto.asi pArthiva || 1-32-110 gA~NgaM devavrataM nAma putraM so.ajanayatprabhuH | sa tu bhIShma iti khyAtaH pANDavAnAM pitAmahaH || 1-32-111 kAlI vichitravIryaM tu janayAmAsa bhArata | shantanordayitaM putraM dharmAtmAnamakalmaSham || 1-32-112 kR^iShNadvaipAyanashchaiva kShetre vaichitravIryake | dhR^itarAShTraM cha pANDuM cha viduraM chApyajIjanat || 1-32-113 dhR^itarAShTrashcha gAndhAryAM putrAnutpAdayachChatam | teShAM duryodhanaH shreShThaH sarveShAmeva sa prabhuH || 1-32-114 pANDordhana~njayaH putraH saubhadrastasya chAtmajaH | abhimanyuH parIkShittu pitA tava janeshvara || 1-32-115 eSha te pauravo vaMsho yatra jAto.asi pArthiva | turvasostu pravakShyAmi druhyoshchAnoryadostathA || 1-32-116 sutastu turvasorvahnirvahnergobhAnurAtmajaH | gobhAnostu suto rAjA traisAnuraparAjitaH || 1-32-117 karandhamastu traisAnormaruttastasya chAtmajaH | anyastvAvIkShito rAjA maruttaH katithastava || 1-32-118 anapatyo.abhavadrAjA yajvA vipuladakShiNaH | duhitA saMmatA nAma tasyAsItpR^ithivIpate || 1-32-119 dakShiNArthaM sma vai dattA saMvartAya mahAtmane | duShyantaM pauravaM chApi lebhe putramakalmaSham || 1-32-120 evaM yayAteH shApena jarAsaMkramaNe tadA | pauravaM turvasorvaMshaH pravivesha nR^ipottama || 1-32-121 duShyantasya tu dAyAdAH karutthAmaH prajeshvaraH | karutthAmAttathAkrIDashchatvArastasya chAtmajAH || 1-32-122 pANDyashcha keralashchaiva kolashcholashcha pArthivaH teShAM janapadAH sphItAH pANDyAshcholAH sakeralAH || 1-32-123 druhyoshcha tanayo rAjanbabhruH setushcha pArthivaH | a~NgArasetustatputro marutAM patiruchyate || 1-32-124 yauvanAshvena samare kR^ichChreNa nihato balI | yuddhaM sumahadasyA.a.asInmAsAnpari chaturdasha || 1-32-125 a~NgArasya tu dAyAdo gAndhAro nAma bhArata | khyAyate tasya nAmnA vai gAndhAraviShayo mahAn || 1-32-126 gAndhAradeshajAshchaiva turagA vAjinAM varAH | anostu putro dharmo.abhUddhR^itastasyAtmajo.abhavat || 1-32-127 dhR^itAttu duduho jaj~ne prachetAstasya chAtmajaH | prachetasaH suchetAstu kIrtito hyAnavo mayA || 1-32-128 yadorvaMshaM pravakShyAmi jyeShThasyottamatejasaH | vistareNAnupUrvyAttu gadato me nishAmaya || 1-32-129 iti shrImahAbhArate khileShu harivaMshe harivaMshaparvaNi puruvaMshAnukIrtane dvAtriMsho.adhyAyaH