Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam 12 itranslated by A. Purushothaman, purushothaman_avaroth @yahoo.com nAnAdhramaprashaMsA yudhiShThira uvAcha shriyaH pate namste.astu sarvalokasya kAraNa l tvatpAdAmbujaniShThasya sarvasaMpatpradAyaka ll 12-1 aShTadashapurANeShu yo dharmaH prochyate budhaiH l tatsarvaM bhagavAnvetti svayaM dharmeshvaro yataH ll 12-2 sUkShmadharmamanekArtham bahulokapradaM dhruvam l sulabhaM sarvajantUnAM mAdR^ishAmapi kAmadam ll 12-3 puNyadaM puNyashIlAnAM svargadaM svargagAminAM l mokShadaM mokShakAmAnAM putradaM putrakAminAM ll 12-4 pApaghnaM pApajantUnAM svalpAddharmAdapIshvara l sarvayaj~naphalaM tAta sarvatIrthaphalapradam ll 12-5 shivamAyuShkaraM deva kIrtanIyaM tvadAshrayam l j~nAnadaM bhaktidaM nAtha tvatpriyaM parameShThinaH ll 12-6 priyaM shakrasya dharmasya varuNasya tathA priyam l danadasya cha sarvasya tathA vai chandrasUryayoH ll 12-7 nakShatrANAM cha sarveShAM gandharvApsarasAmapi l devatAnAmR^iShINAM cha brAhmaNAnAM priyaM cha yat ll 12-8 puNyadeshaM puNyakAlaM puNyayogaM tathA kShayam l etAnsarvAnmahAbhAga vistarAdvaktumarhasi ll 12-9 asmAkaM tvadvachaH pathyaM pavitraM pApanAshanam l shrotukAmA amI viprA yajvAno R^iShayastathA l bhrAtaro me mahAbhAga pA~nchAlI pApavarjitA ll 12-10 natAH sma sarve jagatAM nivAsa pANDoH sutAnAM priyakR^itsuresha l tvatpAdamUlam tu vayaM hi sarve gatAH sma pAhIti tamityavochat ll 12-11 vaishaMpAyana uvAcha bhaktiM vij~nAya bhR^ityAnAM pANDUnAM hitakR^iddhariH l uvAcha madhuraM vAkyaM prINayansarvamAnasaH ll 12-12 shrIbhagavAnuvAcha sAdhu sAdhu mahAbhAga matiste vimalojjvalA l dharme te vartate buddhistasmAttvaM lokavishrutaH ll 12-13 shR^iNu pArtha mahAbhAga sarvashAstravishArada l vakShyAmi tava saMprItyai dharmasArasamuchchayam l nAradAya purA gItaM naimiShAraNyavAsine ll 12-14 marutvantam divi sthApya badarIvanavAsinA l vistarAdgatituM nAlaM mayA varShashatairapi ll 12-15 tasmAtsamAsato vakShye shR^iNu nAnyamanAH prabho l yasya shravaNamAtreNa sarvapApaiH pramuchyate ll 12-16 dharmaH shruto vA dR^iShTo vA kR^ito vA kArito.api vA l anumodito vA rAjendra nayatIndrapuraM mahat ll 12-17 dharmA bahuvidhAH proktAH puNyalokapradAyakAH l teShAM madhye yadekaikaM kR^itavAnnAkamashnute ll 12-18 tanUnAM mama sarvAsAM brAhmaNo hi vishiShyate l tatrApyadhyAtmaviduShe dattaM bhavati chAkShayam ll 12-19 kalatriNaM vA shAstraj~naM shrotriyaM vA guNAnvitam l yo dattvA sthApayedvR^ittiM tasya puNyaphalaM shR^iNu ll 12-20 mAtR^itaH pitR^itashchaiva dvikoTikulasaMyutaH l mama lokamavApnoti yatra gatvA na shochati ll 12-21 gaNyante pAMsavo bhUmergaNyante varShabindavaH l na gaNyate vidhAtrApi brahmasaMsthApane phalam ll 12-22 samastadevatArUpo brAhmaNa parikIrtitaH l jIvanaM dadatastasya kaH puNyaM gadituM kShamaH ll 12-23 devapUjAsu saktAya purANashravaNe tathA l deyaM prayatnato rAjanpurANapaThakAya cha ll 12-24 yo viprahitakR^innityaM sa sarvAnkR^itavAnmakhAn l sa snAtaH sarvatIrtheShu taptaM tenAkhilaM tapaH ll 12-25 yo dadasveti viprANAM jIvanaM prochyate naraH l so.api tatphalamApnoti kimanyairbahubhAShitaiH ll 12-26 bhUmidAnasamaM dAnaM sarvalokeShu no nR^ipa l paraM nirvANamApnoti bhUmido nAtra saMshayaH ll 12-27 bhUmidaH sarvadaH prokto bhUmido mokShabhAgbhavet l bhUmidAnaM tu yo dadyAt sarvapApaiH pramuchyate ll 12-28 dvijasya vR^ittihInasya sadAchAraratasya cha l jIvanArthaM mahiM dattvA tasya puNyaphalaM shR^iNu ll 12-29 ga~ngAtIre.ashvamedhAnAM shatAni vidivannaraH l kR^itvA yatphalamApnoti bhUmidastu tadashnute ll 12-30 bhUmidAnaM mahAdAnamatidAnaM prakIrtitam l sarvapApaprashamanamapavargaphalapradam ll 12-31 tasmAttvamapi rAjendra bhUdAnaM kuru sarvadA l purANavedashAstrANAM vaktR^INAM tvaM dadasva ha ll 12-32 taTAkaM kArayedyastu svayameva karoti vA l tasyaiva vaMshajAH sarve brahmalokaM vrajanti ddi ll 12-33 kartuM taTAkaM yo martyaH prArambhaM kurute yadi l so.api tatphalamApnoti tadupAya pradashcha yaH ll 12-34 mR^idaM tu bhAramAtram yastattaTAkAdvahiH kShipet l triviShTapamavApnoti yAvadAchandratArakam ll 12-35 taTAkArdhaphalaM rAjankAsAre parikIrtitam l kUpaM pAdaphalaM j~neyaM kulyAyAM tachChatottaram ll 12-36 devAlayaM taTAkaM vA grAmaM vA pAlayettu yaH l teShAM shataguNAM j~neyaM kartR^ibhyo.api mahIyate ll 12-37 devatAyatanaM yastu kurute kArayatyapi l sa chandradhavalairyAnairmama loke sukhI bhavet ll 12-38 shivasya vA harervApi yaH karoti mamAlayam l brahmalokAdikAnbhuktvA tadante mAmupaiti saH ll 12-39 dR^iShadbhiH kArayedyastu dhanADhyo devatAgR^iham l mR^idA daridraH kurute samapuNyaM prakIrtitam ll 12-40 ArAmaM kArayedyastu bahujantUpakArakam l sa chandradhavalairyAnairmama lokaM hi gachChati ll 12-41 sthApayedvR^ikShamekaM vA daridro lokasAdhanam l sa yAti brahmaNo lokaM yamena paripUjitaH ll 12-42 gAvo vA brAhmaNo vApi pathiko vA nR^ipottama l kShaNArdhamapi tachChAyAM tiShTannAkaM nayatyamum ll 12-43 puropakaNThe pathi cha vR^ikShArAmapravartakaH l tatra yAvanti parNAni bIjAni kusumAni cha l tAvatkAlam vasannAke shatakoTikulAnvitaH ll 12-45 tulasIropaNaM ye tu kurvanti manujottamAH l sarvAnvaMshAnsamuddhR^itya yamena paripUjitAH l taptahATakavarnaishcha yAmairyAnti mamAlayam ll 12-46 UrdhvapuNDrakaro yastu tulasImUlamR^itkaNaiH l tatraiva netraM tatrAsInmUrdhnIndorbhibhR^iyAtkalAm ll 12-47 tR^iNAni tulasImUlAdyAvadutpATitAni vai l tAvatI brahmahatyA vai chChinantyeva na saMshayaH ll 12-48 tulasIM sechayedyastu chulukodakamAtrakam l pitarastR^iptimeShyanti brahmalokaM vrajanti hi ll 12-49 dadAti brAhmaNAnAM yastulasIdalakomalam l yamena pUjito yAti mama lokaM cha shAshvatam ll 12-50 tulasIkAShThamaNinA nirmitena prayatnataH l gAyatryAdijapaM kuryAttasya nAsti mahadbhayam ll 12-51 sadA saMdhArayedyastu tulasImaNimAlikAm l bhUtapretapishAchaistu na dR^iShTo vartate sukhi ll 12-52 kaNThe bhujadvaye yastu dhArayettulasImaNIm l yamadUtA mahAtmAno namasyanti hi taM dvijaM ll 12-53 kaNTakAvaraNaM vApi prAkAraM vApi bhUpate l tulasyAH kurute yastu mama lokaM sa gachChati ll 12-54 yo.archayeddharipAdAbjaM tulasIkomalairdalaiH l na tasya punarAvrittirbrahmalokAtkadAchana ll 12-55 tulasIkAnanaM yatra yatra padmavanAni cha l vasanti vaiShNavA yatra tatra saMnihito hariH ll 12-56 tulasIma~njarIbhistu pitR^Inarchanti ye narAH l prahR^iShTa pitaraH sarve mama lokaM vrajanti hi ll 12-57 ga~NgAM tu tulasIM chaiva sarvakAleShu saMsmaret l duHsvapne durnimitte cha duShTabhAve kShuteH khale ll 12-58 tasmAttvaM pitR^ikAryeShu pitR^Inarchaya mAM smaran l pitaraste pradAsyanti yatte manasi rochate ll 12-59 brahmA devAstathA siddhA yakShagandharvakiMnarAH l pitaro lokapAlAshcha pArthaitA mama mUrtayaH ll 12-60 amR^itAMshuH kaThorAMshurAkAsho bhUmireva cha l ApaH parvatajAlAni viddhi pArtha mamAMshavaH ll 12-61 mahAnadyo mahAbhAga vAyuragnishcha sAgaraH l avyaktaM vyaktarUpaM cha viddhi mAM pANDunandana ll 12-61 archyo vandyastathA dyeyo japyaH stutyaH parA gatiH l mAmevaM viddhi bhUpAla mayi sarvaM pratiShThitam ll 12-62 mamArchanaparo nityaM mAmeva samupaiShyasi l tava dehAbhimAnasya kartAhaM sarvadAnagha ll 12-63 kiM tu vakShyAmaham pArtha yatte manasi vartate l tadAchakShva vichArya tvamatra mu~nchasi sAdhvasam ll 12-64 vaishaMpAyana uvAcha ityukto devadevena dharmaputro mahAmatiH l matiM chakre punardharmA~nshrotuM deve janArdhane ll 12-65 idaM bhagavatA proktaM devadevena chakriNA l yaH shR^iNoti sadA bhaktyA pAtakebhyaH sa muchyate ll 12-66 December 4, 2008