Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 18 narakavarNanam yudhiShThira uvAcha shrImate vishvarUpAya vAsudevAya chakriNe | bhaktapriyAya devAya devAnAM pataye namaH || 18-1 prANehsvarAya yogIndra sarvasaMpatkarAya cha | balAya vAsudevAya kR^iShNa viShNo namo.astu te || 18-2 bhUtAtmanbhUtakR^iddeva pANDUnAM hitavardhana | tvatprasAdAtprasannAtmanpApairadya vimochitaH || 18-3 dharmashAstropadeshena kR^ipAlo madhusUdana | idAnIM shrotumichChAmi pApAnAM tu yadAshrayam || 18-4 pApino yeShu pachyante narakeShu cha saMtatam | vadasva me vishAlAkSha tathA ghorAshcha yAtanAH || 18-5 shrIbhagavAnuvAcha pApabhedAnpravakShyAmi tathA sthUlAshcha yAtanAH | shR^iNuShva dhairyamAsthAya raudrA hi narakA yataH || 18-6 yasya pApasya yaH prokto narako brahmavAdibhiH | tamahaM saMpravikShyAmi shR^iNu nAnyamanA nR^ipa || 18-7 brahmahA cha surApI cha stheyI cha gurutalpagaH | mahApAtakinashchaiva tatsaMyogI cha pa~nchamaH || 18-8 eteshAM pApabAhulyaM pravakShyAmi yathAmati | pa~nchAnAM pAtakAnAM cha tatsamAnAM nR^ipottama || 18-9 brahmahA tapanaM ghoraM vyAghrashUlapramardanam | tapane tapyamAnashcha shUle vyAghraishcha bhakShitaH || 18-10 pramardano mardamAnastiShThedvarShAyutaM naraH | taptAyaH piNDavadano rudanbahuvidhaM muhuH | hA hato.asmi hato.asmIti rakSha rakSheti tiShThati || 18-11 tataH paraM tamAkR^iShya kumbhIpAkena pachyate | punarvarShasahasrANi dahyamAno mahAgninA || 18-12 narakeShu cha sarveShu bhuktvAH bhogAnanekashaH | sa pashchAdbhuvamAsAdya bhavati brahmarAkShasaH | tatra pa~nchayugam sthitvA chaNDAleShvabhijAyate || 18-13 surApasya gatiM vakShye nArakIM shR^iNu pANDava | surApi malamUtraM cha pibedvarShAyutaM nR^ipa || 18-14 taptAyaH piNDamAdAya tADayanti cha kiMkarAH | taptAyaH piNDavadanaH sUchipUritalochanaH || 18-15 nakhasaMdhiShu sarveShu pATyamAnashcha sha~NkubhiH | a~NgArashayane ghore luThanyugashataM bahuH || 18-16 sthitvA yugAShTakaM rAjandhUmapAnaM vrajettataH | tatra taptasurAM pItvA hA hateti rudanbahu || 18-17 pishAchatvamavApnoti tatra sthitvA yugAShTakam | anubhUya cha sarvANi hInajanmAni bhArata | paulkasAdiShu saMjAto vyAdho bhavati bhUtale || 18-18 steyinastu gatiM vakShye duHkhadAM shR^iNu bhUpate | niShkatrayapramANaM tu sauvarNaM yo harennR^ipa || 18-19 steyIti sa hi vij~neyaH sarvakarmabahiShkR^itaH | prAyashchittavihInasya vakShye tasya cha yAtanAH || 18-20 bhUShAvasthA tathA kUpaM mUShikaiH paripUritam | himotkaTaM shUlayantraM shvabhakSho mAMsabhojanaH || 18-21 etAnyugashatAnpa~ncha hyanubhUya nR^ipottama | krakachaishchUrNyamAnastu tADyamAnastu charmabhiH || 18-22 sthAvarAdiShu jAyeta tasmisthitvA yugAShTakam | tataH kirAtayonIShu jAyate nAtra saMshayaH || 18-23 pApinAM narakaM vakShye gurudArAbhigAminAm | jyeShThamAtA mAtR^ipatnI yaj~napatnI nR^ipottama || 18-24 adhyApakasya yA patnI shvashurI mAtulasya cha | pitR^imAtR^iShvasA chaiva mAtA gurusutA guroH | gurutalpasamAnAnAmeteShAM shR^iNu pAtakam || 18-25 manvAdiShu cha shAstreShu prAyashchittAdikalpanaiH | naiva shudhyati yaH pApI tasya pIDAM vadAmi te || 18-26 tadidaM kAlasutraM cha mahArauravarauravo | krandanyugashataM rAjanhA hato.asmi hato.asmi cha || 18-27 niruchChvAsaM tataH prApya asipatravanaM kramAt | ChidyamAno mahAkAyairyamadUtairbhayaMkaraiH || 18-28 pa~nchAshadyugaparyantaM pachyate kAlasUtrake | ChitvA shishnaM savR^iShaNama~njalau pratigR^ihya cha | tailavastrairbadhyamAno dahyate yamakiMkaraiH || 18-29 anubhUya cha tAnsarvAnrAkShaso bhavati dhruvam | tataH paraM shvAnayonau chaNDAleShu tataH param || 18-30 tatolUkastataH kAkaH tato gardabhajanmasu | evaM janmashataM prApya ShaNDho bhavati dharmaja | gurutalpagAmino hyevaM tato vakShyAmi chetarAn || 18-31 jyeShThasya patnigamane yAti vaitaraNIM nadIm || 18-32 retomUtrAdipAnaM cha bhuktvAH yugasahasrakam | tadante nirjane deshe bhavati brahmarAkShasaH || 18-33 adhyApakasya yA patnI mAtR^ivatparipAlyate | tasyA gamanamatyugraM taptatailaM mahAsvanam || 18-34 etAsAM gamane rAjanyugAnAM pa~nchaviMshatiH | jAtyandho jAyate rogI nirvIryo braNashishnakaH || 18-35 alpAyuranapatyashcha daridro vyAdhikarshitaH | yauvane hInajAyashcha kR^ishA~Ngo bhavati vraNI || 18-36 evamanyastriyaM gatvA narakAnanubhUya cha | bhavanti narashArdUla puruShAH puruShAdhamA || 18-37 rajasvalAM striyaM rAjanyo gachChetkAmamohitaH | raktakUpe nimagnaH sanvasedyugashataM prabho || 18-38 kirAtshUdrachaNDAlaveNukAmAdyapAdayaH | etatstrIgamane rAjanmahAghoraM prakIrtitam || 18-39 tathApi shR^iNu vakShyAmi taptAyaH piNDabhakShaNam | adhaHshiraHshoShaNaM cha marutpatanakaM tathA || 18-40 shvamAMsabhojanaM chaiva vahnijvAlapraveshanam | pa~nchAshadyugaparyantameteShu narakeShu cha | bhuktvA rAjaMstataH pashchAtpaulkasAdiShu jAyate || 18-41 parastrImAtr^igamane visvastAgamane tathA | kaNTakopari saMveshya tathopari cha kaNTakAn | shilAbhAraiH pIDyamAno vasetyugashataM rudan || 18-42 shvamAMsabhojanaM chaiva vahnijvAlapraveshanam | bhuktvA rAjaMstataH pashchAtpaulkasAdiShu jAyate || 18-43 paNyastrIgamane rAjanraktakUpe yugaM vasan | kShArodake tathA chAShTau shvAno bhavati nAparaH || 18-44 eteShAM sahavAsaM tu pAtakInAM prajApate | saMgamaM tu na kartavyaM kuryAchchetpAtakI bhavet || 18-45 tasya chaiteShu sarveShu narakeShu cha yAtanAH | paulkasAdiShu ghoreShu jantotasya janirbhavet || 18-46 pa~NkibhedI pR^ithakpAkI nityaM brAhmaNanindakaH | AdeshI vedavikretA pa~nchaite brahmaghAtakAH || 18-47 kumbhIpAke mahAghore dahyamAno yugAyutaM | tato bhUmiM samAsAdya sUkaratvamupAgataH || 18-48 brAhmaNAnyaH samAhUya dAsyAmiti dhanAdikam | pa~nchAnnAstIti yo brUyAttamAhurbrahmaghAtakam || 18-49 asipatravane rAjaMshChidyamAno yugaM vaset | yena dharmAnparij~nAya tameva dveShTi yo naraH | karoti vApyudAsInaM tamAhurbrahmaghAtakam || 18-50 vrAtyo bhavati chaNDALo brAhmaNAndveShTi yo naraH | shvAnayonishataM gatvA gardabheShu cha jAyate || 18-51 R^iShabhANAM gavAM rAjanbrAhmaNAnAM tu yoShitAm | AhArasya cha vighnaM yaH karoti cha sa pAtakI | narakaM tasya vij~neyaM mahAshUlam bhayApaham || 18-52 tasyopari shataM sAgraM yugAnAmanubhUya cha | mlechChajAtiShu saMjAto mR^igANAM hiMsako bhavet || 18-53 snAnadAnatapobhishcha japeShu niratasya cha | vighnakR^innarake ghore patatyeva na saMshayaH || 18-54 jyotiShaM vyavahAraM cha prAyashchittaM chikitsakam | vinA shAstreNa yo bhUyAttamAhurbrahmaghAtakam || 18-55 narakaM tasya vij~neyaM mUShikAgaNapUritam | bhakShyamANastato yAti kharayoniShu bhArata | ayutaM janma saMprApya sUkarAdiShu jAyate || 18-56 aishvaryamadamattAnAM kAmukAnAM dvijanmanAm || AkShepakAriNAM rAjannirghR^iNAnAM nR^ipottama || 18-57 asatyaniratAnAM cha nindakAnAM bahushrutAm | adharmasyAnumantR^INAM brAhmaNe marmavAdinam | eteShAM pAtakAnAM tu shR^iNu vakShyAmi yatanAH || 18-58 mahAkrUraiH shvabhirnitayM bhakShyamANo yugAyutaM | shvabhakShyAnnarakAttUrNaM niyataH pakShitAM vrajet || 18-59 anyodvegakaro dveShI tathA chAnnasya sUchakaH | mUtrapAnamiti khyAtaM tasyaiva narakaM dhruvaM || 18-60 ghoraM tu narakaM j~nAtvA pAtakAnna smaretsudhIH | tasmAttvaM pAtakaM rAjansvapne vA na smariShyasi || 18-61 shR^iNoti yaH sadA bhaktyA kIrtyamAnaM dvijanmabhiH | sa muktaH sarvapApebhyo ga~NgAsnAnaphalaM labhet || 18-62 Note : 18-41 and 18-43 are identical except for the middle line of 18-41 January 6, 2009