Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam - 3 itranslated by A. Purushothaman, purushothaman_avaroth @yahoo.com bhUdAnaprashaMsanam evaM prabodhitastena bhAgIratyAtmajena vai l dharmaputro mahAprAj~no yAdavendramabhAShata ll 3-1 yudhiShThira uvAcha devadevAravindAkSha mAyAtIta jagadpate l tvadbhaktiH shAshvatI me.astu tayA mokSho bhaveddhruvam ll 3-2 rAjyabhraShTA vayaM sarve tvadpAdakamalaM gatAH l pAhyasmAn puNDarIkAkSha dharmashAstropadeshataH ll 3-3 tvAm dharme satyamityAhuH sarvashAstravishAradAH l prANabhUtaM manuShyANAM jantUnAmapi sarvashaH ll 3-4 tvameva bandhushcha gurustvameva tvameva vidyA draviNaM tvameva l tvameva mAtA cha pitA tvameva tvameva sAkShAnmama jIvitaM cha ll 3-5 balAni sarvANi turaMgamAdyA nAgA rathAH shAstrabhR^itaH suhR^ichacha l sarve cha rAShTrA giri durgamAshcha kR^ipAsti chetsanti tathaiva nAtha ll 3-6 tvadAj~nAM kiM nu la~Nghyeyamahamavyaya muktida l kimarthaM puNDarIkAkSha kaTAkShairapi nekShase ll 3-7 rakShA mAM devadevesha dharmeNa jagadIshvara l shrIkAmo yo hi yogIndra yaddatvA vindhate shriyaM l prApnoti vipulAnkAmAn rakSha rakSha mahAmate ll 3-8 tvayA nAviditaM kiMchittriShu lokeShu suvrata l sarvAndharmAnmamAchakShva kR^ipA mayi tavAsti chet ll 3-9 suvratAni cha sarvANi tIrthAni cha visheShataH l dharmAdharmANi sarvANi kShetrANi phalavanti cha l dharmAnanyAnmamAchakShva devadeva namo.astu te ll 3-10 ityuktvA yoginAM nAthaM kR^iShNaM kamalalochanam l dharmaputro mahAprAj~nastUShNImAste satAM priyaH ll 3-11 tasya chittaM samAj~nAya R^iShINAmagrajanmanAm l provAcha vachanaM dhImAn dharmashravaNamichChatAm ll 3-12 shrIbhagavAnuvAcha sAdhu sAdhu mahAprAj~na matiste vimalojjvalA l yasmAddharme sadA bhaktirvartate tava suvrata ll 3-13 dharme shrute sadA bhaktyA manujairmanujeshvara l prApayante sadA sAdhU~nChrotR^Invai dharmatatparAn ll 3-14 shR^iNu pANDava vakShyAmi dAnAnAmuttamaM varam l bhUmidAnaM varaM j~neyam bhuktimuktiphalapradam ll 3-15 bhUmidAnAttu sarvANi saMbhavanti na saMshyaH l tasmAdbhUmiprado rAjansarvadaH prochyate budhaiH ll 3-16 bhUmiM sarvaguNopetAM yo dadyAtsasyashAlinIm l na tasya lokAH kShIyante yAvadAchandratArakam ll 3-17 agniShTomAdibhiryaj~nairiShTvApi bahudakShiNaiH l na tatphalamavApnoti bhUmidAnAdyadashnute ll 3-18 tapasvino.atha yajvAnaH satyavanto bahushrutAH l gurudevaratAshchaiva nAtikrAmanti bhUmidam ll 3-19 divi devAH prashaMsanti siddhAshcha paramarShayaH l bhUmidAnaM prashaMsanti tasmAdbhUmiprado varaH ll 3-20 atraivodAharantImamitihAsaM purAtanaM l shrotR^INAM sarvapApaghnamAyurArogyavardhanam ll 3-21 purA kR^itayuge rAjan brAhmaNo yogabhUShaNaH l sarvavedArthatattvaj~naH sadA dAntashcha shIlavAn ll 3-22 adhyAtmavidyAnirato nirdhano brahmavittamaH l niShkiMchanatvAtsubhR^ishaM bAdyate chAnishaM sutaiH l tathApi manyuM na prApa shUnyajanmAntarapradaH ll 3-23 kadAchidbaishvadevAnte baliM datvA gR^iha~NgaNe l AyAntaM taM dvijaM prAha kalyANI tatpriyA satI ll 3-24 ete tavAtmajA nAtha kShuditAH patitA bhuvi l luThanti bhR^ishaduHkhArtA rudanto rodayanti mAm ll 3-25 tvaM nirIkShayase naitA~njaTharAgni prapIDitAn l ashaktA rakShaNe chaiShAM kiM karomi cha tadvada ll 3-26 pAnIyameva pItvAhaM varteyaM shAkameva vA l tvadbhuktasheShaM bhu~njanti hyete vai tava sUnavaH ll 3-27 putragrAhasamAyuktAM patidhikkArasha~NkinIm l dAridryavAridhau magnAM dhi~N mAM nirghR^iNavallabhAm ll 3-28 anyA gr^ihiNyastiShThanti niShkakaNtyo dhanAnvitAH l vartante godhanaishchAnyA dhAnyaimArhiShikaiH parAH l dIrghash^Ri~NgairnaDudbhiH shakaTairdAsibhiH parAH ll 3-29 dAsaiH parikaraiH kShetrairbandhubhiH sahitAH pare l mAdR^ishyo naiva dR^ishyante tvAdR^ishA gR^ihamedhinaH ll AtmajA iva dR^ishyante kutrachinna cha duHkhitAH ll 3-30 evamuktvA tadA chaNDI jaTharaM pratyatADayat l prakIrya kabariM chaNDI hyupalena shiro.ahanat ll 3-31 AkroshantIM rudantIM tAmAtmajaiH pariveShTitAm l AshvAsya dhImAnviprendra idaM vachanamabravIt ll 3-32 kimarthaM kopasaMyuktA bhadre rodiShi kopane l na hyasaMchitapuNyAnAmekaM shokaM hi shobhane ll 3-33 satpAtre ye prayachChanti svalpAmapi vasuMdharAm l te nekShante hyalakShmIM cha duHkhAM narakayAtanAm ll 3-34 tasmAtkiM shochase mUDhe yatkR^itaM tatprabhujyate l tvayA mayA cha yatkiMchinna dattaM pUrvajanmani ll 3-35 mAsamAtram kShamasva tvaM putrAnsaMrakSha shobhane l AhariShye shriyaM gehe tapasA sAdhu ramyatAm ll 3-36 AshvAsya dhImAnviprendrastapase kR^itanishchayaH l shlokamekaM jagau sAraM satyavAkpriyadarshanaH ll 3-37 dAridryAya namsatubhyaM siddho.ahaM tvadprasAdataH l ahaM tu sarvAnpashyAmi mAM cha ko.api na pashyati ll 3-38 ityuktvA so.api viprendro jagAma tapase vanam l tatra chAgniM pratiShTApya chachAra tapa uttamam ll 3-39 grIShme panchAgnimadhyastho vAyubhakSho jitendriyaH l niruddhya hR^idaye vAyumAtmAkAshaM samAgataH ll bAhyastAnviShayAnkiMchinna viveda sa yogavit ll 3-40 sh~NkhachakragadApANiM khaDgashAr~NgadharaM shubham l kaustubhena virAjantaM shrIvatsa~Ngita vakShasam ll 3-41 pItAmbaradharaM devaM vanamAlAvirAjitam l kAlameghanibhaM devaM vidyuchch~nchalalochanam ll 3-42 dhyAyanstuvannamasyaMshcha manasA kR^itanishchayaH l madbhakto bhAratashreShTa tasminnAste tapovane ll 3-43 suraistu tattapoddhvignai rambhAmenAdibhiH kR^itam l tapovighnaM kurushreShTa yadyattanna cha veda saH ll 3-44 pakShAmAtraM gate tasminbrahmanADIsamudbhavaH l dadAha pAvako lokAnsamtrastAH sasurAsurAH ll 3-45 tato devapatirbhIto brAhmaNodyogash~NkayA l brahmalokaM yayau devairdikpAlaiH saha dharmaja ll 3-46 tuShTAva devaM lokAnAmIshvaraM prapitAmaham l natvA pUrvamapUrvarthe natvA pUrvamariMdama || 3-47 deva uvAchA namo visvAya devAya IsvarAya kapardine l shaMbhave brahmaNe tubhyaM mAyine viShNurUpiNe ll 3-48 devAya devarUpAya vedAntAya namo namaH l sarvaj~nAya svarUpAya purANAya namo namaH ll 3-49 yamAya yamarUpAya dharmarUpAya te namaH l mR^ityave shatrurUpAya namaste jalamUrtaye ll 3-50 namaH pa~NkajanetrAya hiraNyapataye namaH l sarvopaniShadarthAya vedAnAM pataye namaH ll 3-51 R^itUnAM pataye tubhyaM vratAnAM pataye namaH l hiraNyaretase tubhyaM vedarAshe namo.astu te ll 3-52 ArtAnAM duHkhanAshAya devAnaM prapitAmaha l karoShi yatnaM devesha bhUyo bhUyo namo.astu te ll 3-53 brahmovAcha aho hi bhagavAnviShNurantaryAmI jagadguruH l mahAviShNuH prasannAtmA karmaNAM phaladAyakaH ll 3-54 tamR^ite puNDarIkAkShaM sargasthityantakAriNam l karmanAM phaladAtA hi kaH samartho mahItale ll 3-55 tameva sharaNaM gatvA te sarve sarvatomukham l prArthayAmo vayaM devA iti chintAparo.abhavat ll 3-56 tAsmiMshchintAkule pArtha praviShTo bhagavAn hariH l chodayAmAsa tadvR^ittaM phalam tasmai nyavedayet ll 3-57 tato harShAkulo brahmA kR^ipayA muravairiNaH l pratyuvAcha cha tAndevA~nshatakratupurogamAn ll 3-58 mA baiShirdevarAja tvaM stotreNa paritoShitaH l dadAtu bhagavAnviShNuryadyachchetasi vartate ll 3-60 indra uvAcha tapasA yogabhUShasya saMtaptaM hi jagattrayam l tasya chittagataM kAmaM j~nAtva cheShTaM dadasva ha ll 3-61 vaishaMpAyana uvAcha tatheti brahmA sarvAtmA daivaiH sArdhamariMdama l taM deshamagamadvidvAnvaraM datum mahAtmane ll 3-62 tapashcharantaM viprendraM saMprekShya cha pitAmahaH l pidhAya brahmanAdIM tAmidaM vachanamabravIt ll 3-63 yogabhUShaNa madvAkyaM tapasA toShitaH shR^iNu l varaM varaya bhadraM te brahmANaM viddhi mAmiha ll 3-64 nivR^ittayogo viprendro vismayotphullalochanaH l baddhA~njalirnamaskR^itya vachanaM chedamabravIt ll 3-65 aishvaryaM dehi me brahmAndAridryAdbhR^ishaduHkhitaH l aShTaishvaryaM dadasva tvamanyApekShA yathA na me ll 3-66 brahmovAcha tathAstu brAhmaNashreShTa maddattAM dravyasaMpadam l brAhmaNebhyo dadasva tvaM bhUyo vR^iddhimavApsyasi ll 3-67 ityuktvAnantardadhe devo daivaH sArdhe pitAmahaH l svapuraM prAptavAnrAjanbrAhmaNashcha gR^ihaM gataH ll 3-68 November 20, 2008