Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 32 kAverimAhAtmyam vaishaMpAyana uvAcha shrutvaitatpuNyamAkhyAnaM prasannavadano nR^ipaH | kR^iShNaM bhaktapriyaM natvA pAhi pAhIti chAbravIt || 32-1 yudhiShThira uvAcha sha~NkhatIrthamiti khyAtaM kAveryA dakShiNe taTe | kR^iShNena sUchitaM deva tasyotpattiM vadasva me || 32-2 kAveryAH puNyanadyAstu sthAnaM yatpuNyavardhanam | yasmindeshe R^iShigaNAH devatAH satataM sthitAH || 32-3 puNyAshramasamAyuktamubhayosthIrayorapi | prakhyAtaM pApahaM sthAnaM tAta me saMprakIrtaya || 32-4 brahmakShatriyavaishyAnAM shUdrANAM chaiva yoShitAm | muktipradeti vikhyAtA kAveriM tAM prakIrtaya || 32-5 bhIShma uvAcha brahmaNA hi purA gItaM nAradAya mahAtmane | tenedaM mama dharmAtmankAruNyAdgaditaM khalu || 32-6 bhUpradakShiNakAle tu mayA vai sevitA purA | sarvapApaharA devI kAverI kalinAshinI || 32-7 tvadarthaM saMpravikShyAmi hyanubhUtaM mayA shrutam | tR^iptyarthaM tava vakShyAmi shR^iNu nAnyamanAH prabho || 32-8 kAveryA dakShiNe pArshve shrInivAsasya pR^iShThataH | sha~NkhatIrthamiti khyAtaM tIrthAnAmuttamaM param || 32-9 purA sudhAMshudharmAtmA chachAra tapa uttamam | madhukaiTabhahanturvai prasAdAtkAntimAptavAn || 32-10 yudhiShThira uvAcha kimarthaM tapyate tena tAraNAmadhipena vai | tasmai varaM kathaM dattaM viShNunA sarvajiShNunA || 32-11 devavrata mahAbhAga kathyatAM me kutUhalam | asthi chenmayi kAruNyaM tava devavrata prabho || 32-12 bhIShma uvAcha purA bR^ihaspaterbhAryAM shItAMshuH saumyarUpavAn | apahR^itya chiraM kAlaM tayA sArdhaM mumoda ha || 32-13 vij~nAya charitaM tvetadbhAryAyAH shashinaH prabho | mA meti prArthayitvA taM pashchAchchainaM shashApa ha || 32-14 kShayI bhava durAchAraH sarvalokeShu nindita | iti shaptvAH kShamasveti devaiH sa prArthito vibhuH | suralokaM visR^ijjyaiva prapede brahmaNaH sabhAm || 32-15 tadAprabhR^iti dharmAtmA visR^ijya cha varAnanAm | asminkShetre tapashchake bR^ihaspatibhayArditaH || 32-16 varShANAmayutaM rAjaMshchachAra tapa uttamam | shApAshcha tapasA chaiva kR^ishA~Ngo bhAti chandramAH | avashiShTakalAmAtro devAnAmagrabhuktadA || 32-17 vAgIshaM tuShTuvurdevAH kShmyatAM kShamyatAM prabho | vR^iddhiM dadasva bhUyastvamasmAkaM hitakAmyayA || 32-18 bhIShma uvAcha tathAkaroddevagururdevAnAM hitakAmyayA | tapasA kR^ipayA chaiva bhUyo vR^iddhimavAptavAn || 32-19 tasminkAle jagannAthamastauShItkamalApatim | sraShTAraM sarvalokAnAM yogidhyeyamariMdamam || 32-20 chandramA uvAcha namaste lokanAthAya namaste dharmarUpiNe | namaste kamalAkAnta praNatArtipraNAshana || 32-21 AdyantashUnyaM deveshaM sR^iShTisthityantakAriNam | vedamUrti sahasrAkShaM naumi sarvAtmakaM harim | jagadrUpamudArA~NgaM pItAmbaradharaM harim | kaustubhena virAjantaM sarvagaM taM namAmyaham || 32-22 pApaghnaM sarvabhaktAnAM divyamAlAvibhUShitam | nIlajImUtasaMkAshaM taM nato.asmi ramApatiM || 32-23 AkAshamadhyagaM devamanatamaparAjitam | vAsudevaM prapanno.asmi sarvapApakShayo.astu me | namaskAraprabhAvena nashyatvadyAmayaH prabho || 32-24 stUyamAnaM sadA devairvedaishcha brahmavAdibhiH | nato.asmi taM hariM sUkShmaM nAshaM yAtu cha me jarA || 32-25 antaryAmi~njagatsAkShinbhaktavatsala sarvaga | matkalmaShANi sarvANi yAntu nAshaM nato.asmi te || 32-26 iti stuto jagannAthaH sarvasiddhiniShevitaH | Ayayau garuDArUDho yatrAste rohiNIpatiH || 32-27 dhyAyantaM sarvagaM devaM hR^idi sha~NkhAdibhUShitam | dR^iShTvA sarvagato viShNurvidhumAha savismayaH || 32-28 varaM varaya bhadraM te nishAkara sudhAkara | stotreNa tapasA chaiva tuShTo.ahaM nitarAM prabho || 32-29 ityukto devadevena sudhAMshustaM praNamya cha | yayAche shrIpatiM devaM varANAmuttamaM varam || 32-30 pAhi pAhi jagannAtha kAntiM me vardhayasva ha | saubhAgyamaNDalaM dehi guroH shApaM nivArayaH || 32-31 ityukto vai jagannAthaH sha~NkhapUtena vAriNA | abhiShichya varaM tasmai dadau sarvagataH prabhuH || 32-33 tamAha sharvarInAthaM namantaM saumyavarchasam | paripUrNAH kalAH sarvA hrAsavR^iddhyA bhavantu te || 32-34 shR^iNu saumya mahAbhAga tvayA yatsevitaM sthalam | sha~NkhatIrthamiti khyAtiM gamiShyati na saMshayaH || 32-35 tvayA cha yatkR^itaM stotraM paThatAM shR^iNvatAmapi | sarvapApAni nashyantu rogANi balavanti cha || 32-36 shrasminvai majjanAttirthe sarvasaMpadbhaviShyati | asnAyinAM manuShyANAM dAridryaM bhavti dhruvam || 32-37 evamuktvA jagannAthaH shItAMshuM dharmanandana | adUre tasya purataH shrInivAsasthalaM gataH || 32-38 sthitvA tatra muhUrtaM tu pUjito devatAgaNaiH | svadhAma prayayau shrImAnnAradAdyairabhiShTutaH || 32-39 nishAkaro.api dharmAtmA munibhiH paripUjitaH | tasmAddeshAdyayau svargaM prapede cha svakaM padam || 32-40 sarve R^iShigaNA vidvanstavaM chakrurakalmaShAH | yaj~nairyaj~napatiM kechijj~nAnayogavichakShaNAH | ArAdya taM chiraM kAlaM tatpadaM te prapedire || 32-41 paulastyanidhanaM kR^itvA rAmachandra pratApavAn | atra snAtvA kapigaNaiH punItaH svapuraM yayau || 32-42 purAH hi bhArgavo rAmo rAjavaMshyAnnihatya cha | snAtvAtraiva chiraM kAlaM prapede paramaM padam || 32-43 sutrAmA devarAjashcha ahalyAM kAmamohitaH | gatvA tu tatphalaM prApya strIchihnaM gautamAtkhalu || 32-44 taddoShaparihArArthaM snAtvA chAbdatrayaM prabho | atraiva prAptavAnrUpaM sarvatejomayaM shubham || 32-45 shrInivAsamidaM kShetraM sha~NkhatIrthAtpuraH sthitaM | snAtAnAM sarvapApaghnaM bhuktimuktiphalapradam || 32-46 kAverimajjanaM puNyaM durlabhaM hyakR^itAtmanAm | purA saMchitapuNyAnAmaprayatnena labhyate || 32-47 purA lokahitArthAya brahmaNA nirmitA tviyam | tasmAtsthAtavyamatraiva nityashaH pApabhIrubhiH || 32-48 karomi majjanaM devyAM kAveryAM yo vadetsudhIH | vadate tasya pApaugho nAshakAlo mameti cha || 32-49 AkalpajanmabhiH pApaM saMchitaM yannaraiH prabho | tatsravaM bhasmasAnmAghe kAverimajjanAtbhavet || 32-50 tejomayeShu lokeShu bhuktvA bhogAnanekashaH | paschAnmokShamavApnoti kAveryAM snAti yo naraH || 32-51 kAverI tu mahApuNyA smR^itA pApapraNAshinI | saMsevyA sarvadA vipraiH saMsArachChedalipsubhiH || 32-52 pApakShayakaraM snAnaM sR^iShTikartA pitAmahaH | dvayaM lokahitArthAya nirmame nipuNaH kShitau || 32-53 dakShiNasyAM dishi vibhuH kAverI kalinAshinIm | ga~NgAmuttaradigbhAge nashyanthIM pApinAmagham | sR^iShTvA mudaM yayau shrImAMstasyAM snAtvA tu no bhayam || 32-54 viShNupAdodbhavA devI kAverI pApanAshinI | majjatAM sarvapApAni Chinatyeva na saMshayaH || 32-55 chandrasUryagrahe chaiva saMkrAntAvayane tathA | siddhayoge puNyadine chandrAdityamarudganAH || 32-56 gandharvA lokapAlAshcha yakShavidyAdharA nR^ipa | brAhmI mAhesvarI lakShmI shachI menAditirditiH || 32-57 ghR^itAchI menakA rambhA hyurvashI cha tilottamA | anyAshchApsarasAM saMghAH kAveryAH snAnatatparAH | mAghe chaitAstu tithiShu snAtvA yAnti surAlayam || 32-58 bhasmAni yatra dR^ishyante kAveryA pArshvayorapi | surANAM tu makhasnAnaM viddhi tatraiva bhArata || 32-59 tapaH kurvanti munayo hyadyApi manujeshvara | shAntA jitAriShaDvargA hyaddR^iShTA pApakarmabhiH || 32-60 snAtavyaM yatnato rAjankAveryAM dharmamichChatA | snAtAnAM tu shubho loko bhaviShyati na saMshayaH || 32-61 tasmAttvamapi rAjendra kAverI snAnamAchara | vA~nchitArthapradA devI kAverI pApanAshinI || 32-62 vaishaMpAyana uvAcha yA idaM puNyamAkhyAnaM nAradena prabhAShitaM | shrutvA pApavinirmukto brahmalokaM sa gachChati | 32-63 March 11, 2009