Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 55 mAsavratAdimAhAtmyam yudhiShThira uvAcha sheShamAse tu yaddharmaM vArayoge nadIsuta | shrotumichChAmi tattvena nAtaH parataraM hi me || 55-1 bhIShma uvAcha jyeShThamAse paurNamAsyAM gopUjaM kuru te tu yaH | godhanAni cha sidhyanti prApayanti divaM hi tat || 55-2 pUrvamabhyarchitA gAvo gopaiH kR^iShNaprachoditaiH | daduH puNyaphalaM teShAM yena te tridivaM gatAH || 55-3 goShu brAhmaNamukhyeShu bhaktimAnyo bhavetpumAn | prayAti harisAlokyaM punarAvR^ittivarjitam || 55-4 yoganakShatravAreShu yadvR^ittaM tannibodha me || 55-5 yogeShu cha vyatIpAto nakShatraM viShNudaivatam | vAreShu bhAnuvAro.asau somavAro bahupradaH || 55-6 tAni vakShye sumukhyAni vratAni vratinAM varaH | vyatIpAto mahAyogaH somasUryasutaH prabhuH | pApaghno rogahArI cha bahubhAgyaprado nR^iNAM || 55-7 vyatIpAte puNyayoge susnAtaH kR^itapUjakaH | brAhmanAnvarayedbhaktyA trInvAtha chaturo.api vA || 55-8 shrotriyAnharibhaktAMshcha viShNupUjAratAnsadA | pAyasaM kArayedbhaktyA sUkShmagodhUmataNDulaiH || 55-9 mishritaM shuddhapayasA gavaM chaivAjyasaMmitam | shvetasharkarayA samya~NmishritaM jalavarjitam || 55-10 kaduShNaM tu samAnIya harernaivedyamarpayet | godhUmaparamAnnaishcha harernaivedyamarpayet | naivedyasheSham tatsarvaM brAhmaNAnbhojayetvratI || 55-11 tatastAngandhapuShpAdairalaMkR^itya samAhitaH | dadhyAtvisheShatasteShAM satAmbUlAM tu dakShiNAm || 55-12 yastevaM kurute rAjanprativarShaM tu bhaktitaH | sa muktaH sarvadAridryAtsaubhAgyaM sukhamashnute || 55-13 bhogArthI bhogamApnoti svargArthI svargamashnute | paramAnnasya dAnena so.akShayaM sukhamashnute || 55-14 pratyakShametalloke.asmindAtR^INAM tu sukhapradam | mantrayuktena dAnena bhoktR^INAM tu daridratA || 55-15 tasmAttvamapi rAjendra vyatIpAtavrataM kuru | anena te bhavetsaMpannAtra kAryA vichAraNA || 55-16 yastvekavatsaramapi jyeShThe tvevaM karoti yaH | so.api labdhvA parAM kIrtimakShayaM sukhamashnute || 55-17 puNye shravaNanakShatre hyupavAsaparAstu ye | te yAnti harisAlokyam satyaM nAradabhAShitam || 55-18 putradaM kAmadaM viddhi mokShadaM bharatarShabha | satataM kurvatAM bhaktyA shravaNaM haritoShaNam || 55-19 ekAdashIvrataM yadvaddvAdashyAM pUjanaM hareH | tathA kurvIta matimA~nshravaNAntamanuttamam || 55-20 puNye shravaNanakShatre dvAdashI yadi sambhavet | tatropavAsaM kurvIta koTiyaj~naphalaM labhet || 55-21 ekAdashI yathA proktA harivipraprapUjane | tathA cha viShNunakShatravrataM kurvIta buddhimAn || 55-22 abdatrayaM Shadabdam vA hyekAbdamatha vApi vA | shravaNavrataM prakurvANo viShNusAyUjyamApnuyAt || 55-23 shravaNavratasya sAdR^ishyamekAdashyAstathA nR^ipa | na pashyAmi cha shAstreShu kuru tasmAtkurUdvaha || 55-24 bhAnuvAre dvimuktaM tu ye kurvanti narAdhamAH | AbrahmakalpaparyantaM vasanti kShAarakardame || 55-25 ekamuktaM tu matimAnyaH kuryAdravivAsare | sa muktaH sarvapApebhyo ga~NgAsnAnaphalaM labhet || 55-26 saMkrAntau ravivAre cha vyatIpAte cha parvasu | narakaM yAti rAjendra nishibhukpApakarmakR^it || 55-27 AdityasyodayAdpUrvam tadvAre snAti yo naraH | tatpUrvasaptavAreShu kR^itaM pApaM vinashyati || 55-28 sarvavyAdhiharaM puNyamAyurArogyavardhanam | bhAnuvAre vratamidaM tathA brAhmaNabhojanam || 55-29 bhAnuvAre prasannAtmA hariH sarvagataH prabhuH | vratAnAM phalado nityaM tasmAttaM pUjayetsudhIH || 55-30 atha vai sampravakShyAmi somavAravrataM shubhaM | ekabhuktena naktena shivaH prIto bhaveddhruvam || 55-31 upavAsena rAjendra svapadaM saMprayachChati | punAti sakalAnvaMshyAnupavAsaparo naraH || 55-32 umAkAntaM pratiShThApya sthaNDile shubhadarshane | rudrasUktena mantreNa hyabhiShekaM prakalpayet || 55-33 atha vA vAmadevyAdyairmantrairabhyarchayechChivam | gAyatrAdimahAmantraistaM prayatnena pUjayet || 55-34 upavAsavrataparaH sa snAyAtpuNyavAriShu | karavIrAdikaiH puShpaiH samyagdevaM prapUjayet || 55-35 nR^ittagItAdivAditraiH sha~NkhadundubhinisvanaiH | purANashravaNairdIpaiH pUjayettaM prayatnantaH || 55-36 vastramaNDanayuktAbhiH pUjanAbhiH sureshvaram | bhaktimAnpUjayedrAjanvittashAThyaM na kArayet || 55-37 adhakShayo hyekabhuktena naktena divi pUjanam | upavAsAttu sAyUjyaM labhate nAtra saMshayaH || 55-38 devabhUtapatau sAkShAtvratenAnena toShite | yaM yaM kAmayate kAmaM taM tamApnoti nishchitam || 55-39 vratAnAmapi sarveShAM dAnAnAM tapasA tathA | kR^iShNe bhaktiryadi bhavettatsarvaM saphalaM bhavet || 55-40 shravaNam kIrtanaM viShNoH smararaNaM pAdasevanam | archanaM vandanaM dAsyaM sakhyamAtmanivedanam || 55-41 srIkR^iShNa viShNo nR^ihare murAre pradyumna saMkarShaNa vAsudeva | ajAniruddhAmalavishvarUpa tvaM pAhi naH sarvabhayAdajasram || 55-42 May 3, 2009