Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam - 6 itranslated by A. Purushothaman, purushothaman_avaroth @yahoo.com annadAnaprashaMsA vaishaMpAyana uvAcha godAnasya phalaM shrutvA dharmarAjo mahAmatiH l punarevAparaM dharmaM paprachCha dvijasaMsadi ll 6-1 yudhiShThira uvAcha lokanAtha namaste.astu namaste bhaktavatsala l trAhi maM puNDarIkAkSha dharmashAstropadeshataH ll 6-2 sarveShAmeva dAnAnAM yaddAnaM sumahatphalam l sadyastuShTikaram chaiva sarvapApapraNAshanam ll 6-3 tvameva vetsi tatsarvaM lokanAtha yadUttama l tvadbhR^ityAnpAhi dharmAtmansatkathAshravaNena cha ll 6-4 shrIbhagavAnuvAcha vakShyAmi pANDavashreShTha dAnAnAmuttamaM varam l sadyastuShTikaraM puNyamAyurArogyavardhanaM ll 6-5 annadAnAtparaM dAnaM nAsti kiMchijjagattraye l annena jAyate loko hyanne prANAH pratiShThitAH l tasmAdannAtparaM dAnaM nAsti pArtha hi me matam ll 6-6 adya te.ahaM pravakShyAmi itihAsaM purAtanam l shR^iNvatAM sarvapApaghnaM bhuktimuktiphalapradam ll 6-7 purA kila mahArAja brAhmaNo vedabhUShaNaH l sarvashAstrArthasaMpanno bahuputro mahAdhanI ll 6-8 atithipriyakR^innityaM bandhUnAM hitakR^innR^ipa l annamevaparaM dAnaMmityuktvAsau karoti cha ll 6-9 durbhikShe vA subhikShe vA hyannameva sadA dadat l dvijashUdrAntavarNAnAM prabhR^iShTAnnaM dadAti cha ll 6-10 annadAnaM dR^iDhaM kR^itvA sthite tasminmahAtmani l suraloke.atha gandharvAH kIrtayanti sma taM dvijam ll 6-11 etachChrutvA devapatiH parIkShAyAM samutsukaH l AjagAmAtha viprasya mandiraM bahupUjitam ll 6-12 saMdishya cha mahAmeghAnpuShkalAvartakAndrutam l vR^iShTimutpAdayAmAsa saptarAtraM nirantaram ll 6-13 jalAkulamabhUtsarvaM dashayojanamAtrakam l tasminkAle.apyasau devashchAyayau viprarUpadhR^it ll 6-14 kR^ishaH kha~njo yaShTihastaH sUkShmadR^iShTiH kShudhAturaH l svastItyuktvA yayAche.annaM ghargharAghoShasaMyutaH ll 6-15 viprarUpadharaM devaM dR^iShtvA rAjendra dharmavit l pratyuthAnAbhivAdAbhyAM pAdau chApi prapIDya cha ll 6-16 uvAcha matimAndharmI brAhmaNeShu dR^iDhavrataH l kR^itArtho.asmi mahAbhAga bhavadAgamanena hi ll 6-17 kulaM vittaM shrutaM gehaM putrapautrAdayaH suhR^it l sarve te mama patnyashcha dhanyA eva tvadAgame ll 6-18 pitaro me mahAbhaga gAvo me janma chaiva hi l dhanyA evAgnayaH sarvA bhR^ityA janmAntarANi cha l idAnIM sudinaM jAtaM jIvitaM cha sujIvitaM ll 6-19 evaM vadati viprendre tasmindhArAkule dine l agniM prajvAlya yatnena sAdhvI pAkamathAkarot ll 6-20 tataH prakShAlya viprendraH padau tasya dvijasya cha l tadannaM pAtrasAtkR^tvA viShNubuddhyA nanAma ha ll 6-21 tasminnavasare shakro bahurUpI sureshvaraH l manasAchintayaddevAMste.api tatra samAgatAH ll 6-22 brahmarUpA mahAtmAno jvalanArkasamaprabhAH l annaM yayAchire vipraM svastItyktvA samuchChritAH ll 6-23 bhoktuM samudyataH sakraH shrutvA tu karuNAM giram l surANAM tu samAhUya vachanaM chedamabravIt ll 6-24 shR^iNuShva madvacho vipra te sarve kShuditA bhR^isham l taishcha sArdhamahaM bhoktumichChAmi na cha tairvinA ll 6-25 tachChrutvA vachanaM tasya brAhmaNo.atithivatsalaH l kuru pAkaM kShaNena tvamiti patnImabhaShata ll 6-26 brAmaNyuvAcha kiM karomi cha dharmAtmannindhanaM nAsti madgR^ihe l kShuditA brAhmaNashreShThA yadupAyaM vadasva tat ll 6-27 brAhmaNa uvAcha vastrANi cha bahUnyatra ghR^tatailaghaTastathA l saMyojya vartikAM teShu dIpayasva samR^iddhavat ll 6-28 vaishaMpAyana uvAcha bhartR^ivAkyaM tathA shrutvA vastramekaM yathA bhavet l ghR^itaM tailaM tu niHsheShaM tathA sAdhvI chakAra ha ll 6-29 sarvAbhAve patiM prAha shrUyatAM vachanaM prabho l vastrAjya tailam niHsheShaM mA bhUtkiM karavANyaham ll pAkashcha nAbhavadvidvankartavyaM kimataH param ll 6-30 shrIbhagavAnuvAcha shrutvA vachaH punastasyAH kopAtsaMraktalochanaH l abravItparuShaM vAkyaM sAkShaddevena choditaH ll 6-31 duHkhitAshchaiva tiShTanti kShuditA brAhmaNottamAH l pAdau prasArya te chAgnau kuru pAkaM hi durjane ll 6-32 pativAkyaM tadA shrutvA prItA sAdhvI nR^ipottama l tathAkarotsvapAdau cha tailasechanacharchitau ll 6-33 pAkastadAbhavaChIghraM ja~NghANDena vahninA l sA sAdhvI veda nAkiMchinnaiva vindati nAdunot ll 6-34 patistu pAkakartA cha kR^itvA pAkAnanekashaH l tataH prakShAlya pAdau cha pUjayAmAsa chAkShataiH ll 6-35 prasArya bhAjanaM dIpaM sthApayitvA sa dharmavit l dAtumannaM samArebhe saMbhramAdavichArayan ll 6-36 tataH purandaraH prAha brAhmanaM vigataspR^iham l patnIM samAnayasveti hyannaM sA dAtumarhati ll 6-37 patnyA virahite gehe vastumadya na shakyate l bhoktuM kimuta viprendra gR^ihiNI gR^ihamuchyate ll 6-38 yasya bhAryA gR^ihe nAsti sadvR^ittA dharmachAriNI l araNyaM tena gantavyaM yathAraNyaM tathA gR^iham ll 6-39 patnyA virahite gehe bhartuH saukhyaM na vidyate l tathaiva dvija sarveShAM madvidhAnAM kimuchyate ll 6-40 atithInAM yathA sAdhvI prItA dAsyati putravat l prItA bhavanti te devAH karmashraddhAsamIpsavaH ll 6-41 maunaM balaM hi yogInAM dvijAtInAM shrutaM balam l patnI balaM gR^ihastAnAM pakShau vai pakShiNAM balam ll 6-42 annaM balaM manuShyANAM puruShANAM dhanaM balam l rAjA balaM durbalAnAM yodhAnAM tu dhR^itirbalam ll 6-43 chakShurbalaM hi jantUnAM dharmaM vai saMpadAM balam l shIlaM balaM hi nArINAM gR^ihiNI gR^ihamedhinAm ll 6-44 tasmAttvaM balahInashcha kiM karoShi vR^ithA mama l bhAryA na chettu yAsyAmastiShTha tvaM tu sukhaM dvija ll 6-45 iti devapatervAkyaM shrutvA bhItisamanvitaH l dhyAtvAtha mAM viveshAshu pAkashAlAM kurUdvaha ll 6-46 pAriplavAkShIM veShtantIM bhuvi dInAM sumUrchChitAm l hInaja~nghAM svakAM bhAryAmidaM vachanamabravIt ll 6-47 aho.ahaM pApadhIrnityaM krUravA~N nirghR^iNo.asuraH l anukUlAM svakAM bhAryAmIdR^ishIM karavANi yat ll 6-48 aviveko hi sarveShAmApadAM paramaM padam l vivekarahito yastu pashureva na saMshyaH ll 6-49 atarkayantaM vidvAMsamapi shAstravishAradam l pravishanti yathA nadyo duHkhAni cha mahArNavam ll 6-50 ityuktvA tvaM kShamasveti madvachaH paruShAkSharam l abravItpunarevAshu kalyANIM tAM pativratAm ll 6-51 kimidam suvrate sAdhVi prAkR^itastrIjano yathA l AgatAnatithInsarvAnpAlayasva cha mAmiha ll 6-52 tvayA vinA katham vastumutsahe dharmachAriNi l kAlo hyayaM naiva dR^iShTo noktapUrvaM mayeddR^isham ll 6-53 tvaM dharmastvaM priyAH prANAH devatA cha tvameva me l atithInAmayaM dharmastvayyeva cha nivartate ll 6-54 evamuktApadadbhUmau shokamohasamanvitaH l utthitA puruhUtasya kR^ipayA sA pativratA ll 6-55 vismitA jAta ja~NghorU jAmbUnadavibhUShitA l bhojayAmAsa tAnsarvAnbrahmarUpadharAnsurAn ll 6-56 tR^iptAH pramuditAH sarve sukhAsInA dvijottamAH l bhartAramAnayasveti tAmUchurdharmanandana ll 6-57 shokArNave patiM dR^iShtvA patitaM taM suduHkhitam l kimetaditi sA sAdhvI vyAjahAra suduHkhitA ll 6-58 kiM tvaM shochasi kalyANa nitarAM prAkR^ito yathA l bhuktvA tuShTA dvijavarAH kariShyantyAshiShaM shubhAm l teShAM sakAshaM gachCha tvaM prArthayasva shubhAndvijAn ll 6-59 shokasthAnasahasrANi bhayasthAnashatAni cha l divase divase mUDhamAvisanti na paNDitam ll 6-60 shrIbhagavAnuvAcha svapnadR^iShTeva tatsarvaM vichintya cha muhurmuhuH l gatvA praNamya tAnsarvAnuvAcha kurunandana ll 6-61 adya me saphalaM janma bhavatpAdAbhivandanAt l adya me vaMshajAH sarve yAtA vo.anugrahAddivam ll 6-62 patrashAkAdidAnena kleshitA yUyamIdR^ishAH l tatkleshajAtaM chitteShu vismR^itya kShantumarhatha ll 6-63 evamuktvA nanAmAshu sa vipro vai punaH punaH l jyotirmayAMstadA dR^iShtvA vismayaM paramaM gataH ll 6-64 tato devapatiH prAha prahasanbrAhmaNottamam l tR^ipto.asmi devAstR^ipyanti mAmindram viddhi dharmabhR^it ll 6-65 devA hyete vayaM prAptAstvatparIkShAbhilipsavaH l yAvasthito.ahaM svarloke tAvattvaM sthitimeShyasi ll 6-66 tava dharmasya viprendra pratyUho na bhaviShyati l ityuktvA tAM dharmapatnImabhinandhya muhurmuhuH l tirodadhe sa sutrAmA devaiH sArdhamariMdama ll 6-67 sa vipro bhAryayA sArdhaM bhuktvAH bhogAnyathepsitAn l ante jagAma svarlokaM bhAryayA saha dharmaja ll 6-68 tasmAttvamapi rAjendra dadasvAnnaM narAdhipa l annadAnena te svargaM bhaviShyati na saMshayaH ll 6-69 bhaktyA paramayAH yuktaH striyAH sArdhamariMdama l sapatnIko yathA viprastathA tvaM kIrtimeShyasi ll 6-70 IshvaraH sarvabhUtAnAM hR^iddeshe samavasthitaH l tasmAdatithayaH pUjyA bhoktA cha parameshvaraH ll 6-71 yasya gehe yadA tuShTo hyatithIrbhakShyabhojanaiH l tadA devAshcha tuShyanti tasmAdannaprado varaH ll 6-72 vaishaMpAyana uvAcha ityevamuktvaMitevamuktvaM yadupuMgavena dharmaM mahAtmA kurunandanashcha l punastathovAcha nipatya mUrdhnA pAdAravindaM paramasya puMsaH ll 6-73 November 23, 2008