harivaMsha, Volume II,  Appendix 1, pp.188-189, BORI 1971
itranslated by A. Purushothaman, purushothaman_avaroth @ yahoo.com
23

kR^iShNena saha rukmiNyA vivAhaH

vivAhaM ghoShayAmAsuryAdavAH shAr~NgadhanvanaH   |
alaMkurvantu rathyAshcha patAkAshchaiva sarvashaH  ||   23-1
AhUyantAM nR^ipatayo brAhmaNAshcha sahasrashaH  |
sUtAshcha mAgadhAshchaiva bandinashcha  tathApare  ||  23-2
kalashAshcha prapUryantAM samudrairapi vAribhiH  |  
uchChrIyantAm dhvajAH sarve AneyA vArayoShitaH  ||  23-3
purohitAshcha hUyantAm kumArAshchaiva sarvataH  |
AhanyantAM mahAbheryo mR^ida~NgAH sarvataH kShitau ||  23-4
nR^ityantAM nartakAH sarve gAyantAM gAyakAstathA |
bhojyantAM brAhmaNAH sarve dIyantAM cha dhanAni cha  ||  23-5
AlaMkriyantAM sarvatra prAsAdAH sarva eva hi  |
evamAj~nApayAmAsuryAdavA utsavotsukAH  ||  23-6
te cha sarve yathAj~naptvaM chakrushchaiva sahasrashaH  ||  23-7
kvachichcha susvaraM geyam gAyakAshchakrire tadA  |
kvachidbheryaH samAghnAtA mahAghoShaM prapUrire  |
rodasI pUrayAmAsuH pAtAlaM cha prapUritaM  ||  23-8
kvachiCha~NkhA mahArAja  vyAdhmAtA yAdaveshvaraiH |
pR^ithivIM kampayanto vai samudrAnabhyavardhayan  ||  23-9
kvachidgajA hayAshchaiva hyeShAM chakrurmahotsave  |
kumArA yadumukhyAnAM siMhanAdamaghoShayan  ||  23-10
adhyakShaH sAtyakishchAsItkeshave hyutsavonmukhe  |
itashchetashcha samyAti niyu~Nkte  tatra tatra ha ||  23-11
yasya yasya cha yatkAryaM taM taM tatra niyuktavAn  ||  23-12
baladevo.api dharmAtmA rAjabhiH sArdhamachyutaH  |  
yathArham tu yathAyogaM saMmAnaM samayojayat  ||  23-13
evaM kolAhale tasminkeshavaH paravIrahA  |
brAhmaNAMshcha mahArAja nAnAdigbhyaH samAgatAn  ||  23-14
yaduvR^iddhAmshcha  rAjendra  ugrasenapurogamAn  |
namskr^itya hR^iShikesho vivAhAya mano dadhe ||  23-15
anuj~nAtashcha tai rAjandhautavAsA  svalaMkR^ittaH  |
rukmiNyAH keshavaH pANiM jagrAha vidhivatprabhuH  ||  23-16
jayashabdaH samArabdho bRAhmaNairvedapAragaiH  |
tuShTuvushcha jagannAtham sUtamAgadhabandinaH  ||  23-17
AkAshe samapadyanta sh~NkhabherisvanAstadA  |
papAta puShpavarShaM cha vavau vAyuH sukhaM tathA  ||  23-18
brAhmanebhyastadA dattvA ratnAni cha janArdanaH  |
aShTau hayasahasrANi pratyekaM viprapuMgavAn  |
saMyojya cha hR^iShIkesho vAsAMsi vividhAni cha  ||  23-19
gajAnAM cha shataM sAgraM sahasramayutam gavAm  |
bhArAshchaiva suvarNAnAM koTIshatasahasrashaH  ||  23-20
idaM chovAcha rAjendra keshavaH paravIrahA  |
yadyachcha shobhanaM vastu dIyatAM ratnasaMj~nitam |
architAshchArthino rAjanbhUyAsushcha mahotsave  ||  23-21
evamAj~nApya govindo rukmiNyA saha yAdavAn  |
abhivAdya svapitaraM devakIM tadanantaram  ||  23-22
ugrasenaM cha rAjendraM vR^iddhAnanyAnsayAdavAn  |
te sarve chakrurashrUNi harShajAni yadUttamAH  ||  23-23
nivR^itte tu tadA rAjanvivAhe keshavasya ha  |
ye ye samAgatAstatra nR^ipA viprAH samantataH  |
anubhUya vivAhaM tu jagmuH sarve yathAgatam  ||  23-24


February 23, 2009