harivaMsha, Volume II,  Appendix 1, pp.205-209, BORI 1971
itranslated by A. Purushothaman, purushothaman_avaroth @ yahoo.com
27
itranslated by A. Purushothaman, purushothaman_avaroth @ yahoo.com
narakAsuravadhAya  R^iShibhiH  kR^iShNaprArthanA  

27a  (pp. 205)


tAM sabhAM vivishurhR^iShTAH  sashiShyA munisattamAH  l
tAndR^iShtvA samanuprAptAnkeshavaH keshisUdanaH   ||   27a-1
namaskrR^itya  munInsarvAnAsanAnItyavochata  |  
AsanAni  samAvishya  munayaH saMshitavratAH  |
arghyaM cha tebhyaH  pradadau  pAdyamAchamanaM  tathA  ||  27a-2
utsR^ijya gAM jagannAtho  madhuparkaM dadau punaH  |
andhakA vR^iShNayashchaiva  praNAmaM chakrire munIn  ||  27a-3
tairapyanumatAH  sarve yAdavA  munisattamaiH  |
svaM svaM hi bhejire  te tu AsanaM  lokavishrutAH  |
keshavo.api  mahArAja  svaM sthAnaM  samavApa ha  ||


December 18, 2008   

27b  (pp. 205 - 208)

vaishaMpAyana uvAcha

AsIneShu jagannAtho  munivIreShu tatra ha  |
uvAcha vachanaM kAle  sopaskaramidaM  hariH   ||   27b-1
kushalaM   sarvakAryeShu  tapaHsu  cha tapodhanAH  |
yuShmadAgamanaM   mahyaM  prINAti satataM bhR^isham  ||  27b-2
yAdavAshcha  parAM prItimAsthitA  munisattamAH   |
yuShmadAgamanAdviprAH  kimu vaktavyamatra ha  ||  27b-3
kulaM pUtaM sadA viprA   yasminviprAH  samAgatAH  |
yuShmadAgamanaprashno  na yukto  vaktumatra  naH  ||  27b-4
tathApi no manAMsIha  prasahya   munisattamAH  |
kautUhalaM   samAyAnti  prashnashravaNasaMnidhau  |
tasmAdviprA  yathAtattvaM  vaktavyaM  kAraNaM tadA  ||  27b-5
evaM pR^iShTAstadA  viprAH keshavena  mahAtmanA  |
UchuH prA~njalyaH sarve  keshavaM keshisUdanam  |
shR^iNu  deva jagannAtha kAraNaM  kAraNatmaka  || 27b-6
narako nAma devesha bhaumo dAnavasattamaH   |
bAdhate no jagannAtha  dAnavairdAnavAdhamaH  ||  27b-7
jaghnuste dAnavA  deva hutaM  hotavyameva cha  |
abhakShayanta   te deva  yaj~nabhANDAnsahasrashaH  ||  27b-8
idaM chovAcha duShTAtmA ijyo.asmIti  cha mAdhava  |
bibhiduste   durAtmAno  dAnavA nagayodhinaH  ||  27b-9
kamaNDalU~njaTAshchaiva  uTajAni sahasrashaH  |
na kvachichCharma  devesha lapsyAmo  yadi jIvati  ||  27b-10       
tasminduShTe jagannAtha  dhiggatA nirayaM  vayam  |
jahi taM devadevesha  dAnavaM duShTachetasam  |
rakSha naH sakalAnhatvA  dAnavAnduShTapauruShAn  ||  27b-11
R^iShipatnIH samAnIya  svapuraM nItavAndanuH  |
rakShA  hi tvayi  govinda  sthitA nityaM jagatpate  ||  27b-12
kShAtraM  vR^ittaM  samAsthAya dvAaravatyAM  vasanhare  |
nigR^ihya  duShTAnrakShasva  sAdhUnsAdhupriyo hyasi  |
ArtA vayaM jagannAtha  hatAstena  durAtmanA  ||  27b-13
iyaM cha bhavate deva nItA hyasmAbhirachyuta  |
badarIsaMhatirdeva  pUrvabhuktA  tvayA vibho  ||  27b-14
ityuktvA  munayaste tu  daduH  sarvaM  jagatpateH  |
AhR^itA~nChiShyavargeNa  bhinnAndAnavasattamaiH  |
yaj~nabhArAnmahArAja   darshayAmAsura~njasA  ||  27b-15
dR^iShTvA shrutvA   cha devesho  roShatAmrAkulekShaNaH  |
kaShTaM kaShTaM mahajjAtamR^iShINAM  bhAvitAtmanAm  |
iti matvA jagannAtho  nottaraM  pratyapadyata  |
chintAviShTe jagannAthe  rakShamAtmani chintite ||  27b-16
tuShTavuH puNDaRIkAkShamR^iShayo  vItamatsarAH  |
arthyAbhirvAgbhiriShTAbhirIshvaraM  praNatAstadA  ||  27b-17
namaH prapannArtiharAdideva
jagatpate kAraNa kAraNAtman  |
svabhAvashuddhAntapurodhase  namaH
prasannagovindaguNAnurUpiNe  ||                   27b-18
namo namo deva sanAtanAtmane  
namo namo deva janArdano.asi  |  
namo namo mAdhava bhaktavatsala  
namo namo vAmana vAmanAkR^ite  ||            27b-19
namah svabhAvaprabhava prabho hare  
jayAchyutAnanta  jagannivAsa    |
jaya prapannArtiharAmaresha 
jayAmareshesha sanAtano.asi    ||                     27b-20
tvayi prabhuddhe jagadAdideva  
prabuddhamAsItsakalaM  sadaivam  |
suptotthite deva  jagannivAsa  
prabodhamAyAti  kathaM nu lokaH  ||            27b-21
ananyatulyA  tava shaktireShA  
durbodharUpA  sakalaiH surairapi  |
adyApi tAM vettumananyachetA  
brahmA samIShTe  niyataM  janArdana  ||     27b-22
kathaM vayaM vettumalaM jagatpate
magnA hi saMsAramahArNave  hare  |
nirUpayantaH  satataM bhavantaM
j~nAtuM vayaM deva  yatAmahe guro  ||      27b-23
tathApi sUkShmaM   saka|eshvarasya
jagatpate te satataM  niyAmaka  |
sthUlaM  tu nityaM  jagatAM nivAsa
tamarchayAmo  vayamAdideva  ||                  27b-24
tameva nityaM janakAdayaste
bhajanti santo  bhagavanyatIndrAH  |
tamarchayAmaH  satataM purAtana
prabho prapannArtiharAdideva  ||                  27b-25
natAH sma nityaM  jagatAM nivAsa
bhavatpadaM  yatparamaM  sanAtanaM  |
natAH sma govinda  guNAnurUpa  
jagatpate kArANa  kAraNAtman  ||              27b-26
namastubhyaM namastubhyaM deva deva hare hare  |
namo govinda durj~neya yogidhyeyA~Nghripa~Nkaja   ||  27b-27
yatpadaM paramaM nityaM  tava viShNo hare paraM |
taM namAma  jagannAtha  yattu pashyanti yoginaH  |
namo namo hare viShNo namo mAdhava keshava  ||  27b-28
yattu pashyanti satataM yogino yatachetasaH  |
yatprApya na nivartante  tannamAma padaM tava  ||  27b-29
yA mAyA tava govinda durj~neyA yogachintakaiH  |
tAM natAH sma jagannAtha  yAmAshritya sthitiM  sthitAH  |
yA rakShati  jagadviShNo  tAM namAma hare sadA  ||  27b-30
R^igyajushcha tathA  sAma  yaM stauti  satataM  hare  |
dvAbhyAM  dvAbhyAM   tribhishchaiva  pa~nchabhishcha   janArdana ||  27b-31
punashchaiva jagannAtha  dvAbhyAM stauti jagatpate  |
taM tvAM  natAH sma  devesha  R^igyaujuHsAmarUpiNam  ||  27b-32
akAro.asi  jagannAtha   tathaivokArasaMj~nitaH  |
makAro.asi tathA viShNo  namaste praNavAtmaka  ||   27b-33
udgIthAya  namo nityaM  namo hotre janArdana  |
adhvaryave  namstubhyaM  yaShTR^irUpAya   te namaH  ||  27b-34
chAturhotra namastubhyaM  chAturvarNyavibhAvana  |
jagatsarvaM tvamevAsi  jagachcha tvayi tiShThati  ||   27b-35
saMhartA  chAsi jagatAM  tathA pAtA jagatpate  |
sraShTAsi cha tathA deva  sthitau sthitimatAM  vara  ||  27b-36
namaH sarvAtmane tubhyaM  sarvabhUtahR^idisthita  |
sarvAtmansarvakartAsi  sarvabhAvanabhAvana  ||          27b-37
namaH sarvAtmane tubhyaM  bhUyo bhUyo namo namaH  | 
evaM stutvA jagannAthaM  praNAmaM   chakrire hareH    ||  27b-38
tatashcha vR^iShNayaH sarve  shinivIrapurogamAH  |
uthAya chAsanAtsarve   praNAmaM   chakrire hareH    ||  27b-39
sarve te yAdavAstatra  prasannamanaso.abhavan  |
so.ayameSha jagannAthaH  pAti no.asminvasansadA  |
AshrityainaM  sukhaM sarve  vatsyAmo yAdavIM  purIm  ||  27b-40
iti matvA  tadA sarve   yAdavAH kR^iShNamavyayam  |
vavandire  mahAbhAgAH  stutaM munibhiravyayam  ||   27b-41




December 20, 2008

27c  (pp. 208 - 209)

vaishaMpAyana uvAcha

evaM stuto  jagannAtho  munibhiH puNyakIrtibhiH  |
paribR^iMhitamAtmAnaM  mene yAdavasattamaH   ||   27c-1
antaH  prItiyutashchAsItprakR^itistho.api  keshavaH  |
pratij~nAmakarottebhyo  munibhyo yadusaMsadi  ||  27c-2
eSho.asmi sagaNaM hatvA  narakaM duShTapUruSham  |
niShkaNTakamimaM  lokaM kariShyAmi  munIshvarAH  27c-3
sthAvaraM ja~NgamaM  chaiva  sukhaM svapsyati  mAchiram  |
chakreNa nishitenaiva  shirashChetsyAmi  dAnavam  ||  27c-4
muraM cha dAnavaM  viprA  hayagrIvaM cha dAnavam  |
sarvAnetAnhaniShyAmi  gachChadhvaM  vigatajvarAH  |
ArabhyantAM  kriyAH  sarvAH  kiM vilambatha mAchiram  ||  27c-5
pratij~nAte  jagannAthe  vineduryAdavAstadA  |
munayashcha tadA deve  pratij~nAte  tu keshave  |
AshIrvAdAMstadA  viprA dadustasmai  mahAtmane  ||  27c-6
nirvighnA  tava devesha pratij~nA shatrutApana  |
bhUyAdbhUtahitArthAya  sAdhayAma ito vayam  |
svasti te.astu  gamiShyAmo  badarIM tava shobhanAm  ||  27c-7
ityuktvA munayaH  sarve praNipatya cha keshavam  |
jagmuH shiShyairmahArAja  badariM tAM  tapodhanAH  || 27c-8
gateShu teShu vipreShu  sahashiShyeShu  yAdavAH  |
vismayaM  paramaM gatvA  yathAyogamupAsate  ||    27c-9



December 20, 2008