harivaMsha, Volume II,  Appendix 1, pp.38-40, BORI 1971

9A
itranslated by A. Purushothaman, purushothaman_avaroth @ yahoo.com

yashodAyai gopInAM kR^iShNadushcheShTitakathanam   

kvachidveshmani saMgamya shikyasthAnpayaso ghaTAn  |
AdAya yugapatsarvAnpayaH pItvA mudA bhR^isham  |
abhihatya tataH sarvAnniShpipeSha hasanbahiH  ||   9A-1
AchChidya shikyamanyatra tato daghno ghaTAnkShipan  |
yathAkAmaM tataH pItvA dArakebhyastato dadau  ||  9A-2
atha vegAnmudA kR^iShNaH kvachidanyatra veshmani  |
guptAnghaTAnupAdAya tvarito.atha babha~nja ha  ||  9A-3
kvachidghR^itaghaTAnpUrNAnbahUnAdAya veshmani  |
vyabhajaddArakebhyastu  bhakShayaMshcha svayaM dadau  ||  9A-4
anyato veshmanaH shikyAnghaTAMstakrasya  pUrayan  |
AdAyAdhUya bahudhA tasminneva muhuH kShipan  |
vyahasadvividhaM hAsaM nanarta cha sa dArakaH  ||  9A-5
takreShu cha payaH kShipya takram cha payasi kShipan  |
payo jaleShu saMyojya ghR^itamaghnau  juhAva cha  |
evaM tau satataM  tatra chakraturveshmasaMgaram  ||  9A-6
atha vatsAnmuhurbaddhAndAmabhiH kIlakeShu vai  |
bhittvA ChittvA cha dAmAni vatsAndhenuShvanIyatAm  ||  9A-7
dAmAnyAchChidya sarvatra vatsAndikShu prakAlayan  |
AkR^iShya dArakAnkeshairanyonyaM samabandhata  ||  9A-8
nirudhyamAno gopIbhiH sa chakre vai muhurmuhuH  |
sarpiShA payasA chaiva daghnA takreNa shUnyakam  ||   9A-9
prAyeNa govrajaM chakre pUravajena sahAyavAn  |
pashyantInAM cha gopInAM kR^iShNo nityaM sa saMbhramam  |
pibanpayashcha vividhaM  chakre chaivaM sa vaishasam  ||  9A-10
krandantyo.atha muhurgopyo yashodAnikaTaM yayuH  |
kR^iShNasya cheShTitaM sarvaM yashodAyai nyavedayan  ||  9A-11
mama kumbhyo dasha hatAH  putreNAnena  durmate  |
na cha shiShTaM payastakraM ghR^itaM vA dadhi |eshakam  |
kimadya kriyate mUDhe  jIvikA mama nashyati  ||  9A-12

anyAH

pa~njAshanmama kumbhInAM  shikyAdAdAya te sutaH  |
ghR^itasya  pUrNAnsushliShTAnpashyantyA  mama hanti ha  ||  9A-13

aparAH

antarveshmanyashUnyAMshcha kumbhAnsarvAnghR^itena vai  |
tA~nshUnyAnkArayAmAsa na cha shiShTaM ghR^itaM mama  ||  9A-14
atikruddhA  tathAnyAha keshAnArujya sarvashaH  |
pa~nchatriMshadghaTAnkR^iShNo ghR^itena payasA samam  |
AdhUyotkShipya  chAvidhya niShpipeSha cha bhUtale ||  9A-15
na kimchidvya~njanaM mUDhe mama veshmani  vidyate |
gAvashcha vatsakaiH pItAH kR^iShNenAnena mokShitaiH  ||  9A-16

anyAH

pAyasaM bahu pakvaM me bhadre jagdhamanena vai  |
dadhyodanaM bhR^ishaM dattaM dArakebhyo rasAnvitam  ||  9A-17
apUpA bahavo jagdhA bhartrarthe rakShitA mayA  |
saktavo bahavaH pItAH saMskR^itAH sharkarAdibhiH  ||  9A-18
kiM gR^iheNa cha me kAryaM kiM ghoShaiH kiM gavAdibhiH  |
eShA yAsyAmi durmedhe mUDhe duShputrasUyini  ||  9A-19

anyAH

dhenavo mama naShTAH syurvatsaiH sArdhaM dashAdya vai  |
anena kAlitA mUDhe tava putreNa durhR^idA  ||  9A-20
bhakShitaM navanItaM me valmIkapratimaM navam  |
jIvikA mama naShTAbhUdeShA yAsyAmi deshakam  ||  9A-21
evamatyantato gopyo vinedurvisvaraM bhR^ishaM  |
kA gatirvada bhadreti gopyaH sarvAstadAbruvan  ||  9A-22
atha tAbhyo yathAnaShTaM yashodA dattavatyalam  |
samAshvAsya tataH sarvAH svaM svaM veshma vyakAlayat  ||  9A-23




November 24, 2008