Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam 10 itranslated by A. Purushothaman, purushothaman_avaroth @ yahoo.com satyavrataprashaMsA yudhiShThira uvAcha gatvA svAshramapadaM brAhmaNo bandhuvatsalaH | kimabravInmahAbhAga bhAryAM chaiva svaputrakAn || 10-1 satyavAkyaH punarj~nAtvA vyAghrapArshvaM kathaM gataH | tanme kathaya sarvesha pANDUnAM hitakR^ittama || 10-2 shrIbhagavAnuvAcha mAM dhyAyansarvalokeshaM sR^iShTisthityantakAriNam | mAmakaM pauruShaM sUktaM japannAshramamAyayau || 10-3 AshramasthAnsvakA~nshiShyAnAhUya brahmavittamaH | svapatnImAtmajAMshchaiva idam vachanamabravIt | shR^iNvantu madvachaH putrAH satyaM brUyAM hitAya cha || 10-4 vede cha dharmashAstre cha yo dharmaH prochyate budhaiH | tameva sarvakAleShu kurudhvamavish~NkayA || 10-5 charAcharAtmakaM vishvaM devAtiry~NnarAdikam | viShNurUpamidaM sarvaM pashyadhvamavish~NkayA || 10-6 vA~NmanaHkarmabhirnityaM hInaishcha dravyasaMchayaiH | mA vR^ittiM sarvathA hInAM kurudhvamavish~NkayA || 10-7 sarvadharmamayaM sAraM vakShyAmi cha hitAya vaH || paradArAnparadravyaM svapne vA na smariShyatha || 10-8 ityuktvA brAhmaNashreShThaH satyavAganahaMkR^itiH | agnihotragr^ihaM vidvAnAsasAdAtiharShitaH || 10-9 agnau hutvA sadArastu praNamya prayatendriyaH | samAropayadagnIMstAnsvasyAtmani madAshraye || 10-10 svakAM putravatIM bhAryAM sAdhvIM tAM priyavAdinIm | AhUya vachanaM vAgmI provAcha bharatarShabha || 10-11 he priye shR^iNu madvAkyaM kalyANi hyatithipriye | putrAn saMrakSha dharmeNa paraM shreyo gamiShyati || 10-12 dharmaM bhajasva satataM bhUtahiMsAM sadA tyaja | jahi kAmAnsvadehasthAnsAdhusa~NgaM sadA kuru || 10-13 harimarchaya bhadre tvaM satyashIlA tathA bhava | dehe.asminbudbudAkAre mamatAM tyja sarvadA || 10-14 iti vAdini dharmiShThe bhAryA tasya priyA sati | shirasA~njalimAdhAya duHkhitA vAkyamabravIt || 10-15 bhagavannIdr^ishI vANI noktapUrvA tvayAnagha | sAsha~NkA iva me bhAti kathaM vaktuM tvamarhasi || 10-16 sumatiruvAcha samitpuShpakushArthaM tu hyAgatasya tanurmama | vyAghrasya dattA tR^iptyarthaM kShuditasya mayAnaghe | tannimittamahaM vachmi tatsakAshaM vrajAmyaham || 10-17 evamuktA tadA sAdhvI brAhmaNI shokakarshitA | papAta sahasA bhUmau hA hatAsmIti duHkhitA || 10-18 samutthApya tadA sadhvIM brAhmaNo brahmavittamaH | niHspR^ihaH sarvakAmeShu tadA vAkyamabhAShata || 10-19 madvachaH shrUyatAM bhIru dharmabuddhIM sadA kuru | dharmamArgaparANAM tu dharma eva parA gatiH || 10-20 pativAkyaratAnAM tu strINAM chaiva sushobhane | strIjanma nAsti nAstyeva devA evaM vadanti hi || 10-21 dharmaniShThA taponiShThA satyaniShThA sadA bhava | madarthaM kuru kalyANi yatkiMchidvai dadAsi cha || 10-22 evamuktA tadA sAdhvI brAhmaNI dharmanandana | tathA karomItyuTajaM pravivesha sutAnvitA || 10-23 dhyAyantI parNashAlAyAM sarvadAtAramachyutam | tuShTAva puNDarIkAkShaM yogidhyeyamariMdamam || 10-24 brAhmaNi uvAcha lakShmIpate namastubhyaM sR^iShTisthityantakAriNe | chirakAlaM mamAnantaM sauma~NgalyaM dadasva ha || 10-25 anAthabandho devesha pAhi mAM patidAnataH | tvadpAdakamalAdanyA gatirmama na vidyate || 10-26 kAlAtmansarvabhUtAtman bAlApatyAM tapasvinIm | pAhi mAM sarvalokesha patidAnAtprajApate || 10-27 shiShyeShu vA mayi sute kR^ipA yadi tavAsti chet | sauma~NgalyaM dadasva tvaM bhUyo bhUyo namo.astu te || 10-28 dhyAyantI devadevashamiti natvA punaH punaH | adhyAste parNashAlAM tu gatashokA pativratA || 10-29 brAhmaNo gatavAMstUrNaM shiShyaiH parivR^ito vashI | vyAghro mR^igAriryatrAste taM deshaM pANDunandana || 10-30 sthApya dUre svakA~nshiShyA~nshAntisUktaM nivedya cha | vyAghrasya saMmukhaM chAgAdgatabhIH kIrtivardhanaH || 10-31 tasminnavasare shiShyA japtvA sUktAni pauruShAn | dishAM patinnamaskR^itya prArthayAmAsuravyayAn || 10-32 natAH sma devarAja tvAM pAhi lokapate prabho | yaj~nAmshabhAgine tubhyamasmadgurumakalmaSham || 10-33 vaivasvata natAH sma tvAM dharmarUpa satAM pate | apamR^ityubhayAdpAhi guruM no lokavanditam || 10-34 apAM pate natAH sma tvaM pAhi naH pAshadhAriNe | vyAghrachorabhayAddeva guruM niShkalmaShaM prabho || 10-35 nidhIsha niHspR^ihaM shAntaM pAhi no gurumavyayam | tvadpAdaM tu vayaM sarve prapannA eva dharmapa || 10-36 iti stutA dikpatayo devagandharvakoTibhiH | udgIyamAnAH sarvatra taM deshamagamannR^ipa || 10-37 piNDIkR^itAM tanuM dR^iShtvA brAhmaNasya nR^ipottama | vismayaM paramaM jagmurdevAH sarve divi sthitAH || 10-38 bhakShyatAM bhakShyatAM vyAghra kShudito.asi tanurmama | ityAkarNya vachastasya sarve vismayamAgatAH || 10-39 sarve divaukasau rAjansarvashAstravishAradam | puraskR^itya guruM shreShThaM sutrAmANaM babhAShire || 10-40 tR^iptimasmai prayachCha tvaM vyAghrAya tridasheshvara | triviShTapaM dadasva tvaM brAhmaNAya mahAtmane || 10-41 tatheti cha samAhUya brAhmaNaM vigathaspR^iham | divaspatiruvAchedaM sarvabhUtahite ratam || 10-42 sumate brAhmaNaShreShTha vraja svargaM dadAmi te | satyapratij~nA dR^iShTA hi mayaiva hi tavaiva hi || 10-43 suraloke tathA saukhyaM tena satyena suvrata | bhu~NkShva bhogAnvichitrAnvai yAnamAroha te.arpitam || 10-44 divaspatiH vachaH shrutvA sumatirbrAhmaNottamaH | dR^iShTva devAndivisthAnvai nanAma cha suvismitaH || 10-45 sumatiruvAcha shiShyANAM chaiva sarveShAM bhAryAyAshcha divaspate | yadi nAkaM dadAsi tvaM vyAghrasya cha tathAstu me || 10-46 sumatestu vachaH shrutvA tadA devaptiH prabhuH | abravInmadhuraM vAkyaM brAhmaNaM gatakalmaSham || 10-47 bhuktvA bhogAnyatheShTaM tvaM sashiShairbhAryayA saha | divaM gachCha mahAbhAga kIrtiste shAshvatI bhavet || 10-48 shatrau te mitratAbuddhirdR^iShTA nAnyeShu suvrata | tasmAttavepsitaM sarvaM pradAsyAmi varaM dvija || 10-49 parIkShArthaparAH sarve hyete tridashapuMgavaAH | vyAghravyAjena suprItAstavAntikamupAgatAH || 10-50 ityuktvAntardadhe pArtha gothrabhitsapurohitaH | vimAne vyAghramAropya hyAditeyA divaM gataH || 10-51 brAhmaNo vismayAviShTaH shiShyaiH saha yudhiShThira | AshramaM prApa dharmaj~no bhAryAyAstannyavedayat || 10-52 karmakANDamasheSheNa kr^itvA shiShyAnvivAhya cha | bhuktvA bhogAn yatheShThaM tu shiShyaiH saha divaM gataH || 10-53 tasmAtsatyaM paraM dharmaM daivatairapi durlabham | svargalokapradaM pArtha satyamevaM vadanti hi || 10-54 satyashIlo bhava tvaM cha dhR^itiM mA mu~ncha saMprati | satyena te bhavetsvargastvamapyevaM samAchara || 10-55 ya idaM puNyamAkhyAnaM shR^iNoti shraddhayA naraH | sa vidhUyeha pApAni svrgaloke mahIyate || 10-56 November 30, 2008