Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam - 14 itranslated by A. Purushothaman, purushothaman_avaroth @yahoo.com nAnAdAnaprashaMsA yudhiShThira uvAcha nAnAdravyANi deyAni vastrAdIni phalAni cha l sugandhashcha supuShpANi dhAnyAni vividhAni cha l kasya deyAni yogIndra tanme tvaM kR^ipayA vada ll 14-1 shrIbhagavAnuvAcha sarveShAmapi dAnAnAM kartAhaM pANDunandana l mama mUrtidharAyeha viprAyaiva dadasva ha ll 14-2 vastraM dadAti yo rAjanbrAhmaNAya sadakShiNam l shivalokamavApnoti shatavaMshasamanvitaH ll 14-3 kauveraM kambalAdyAni ka~nchukAnsUryasaMnidhiM l chitrAmbarapradAtA cha svargalokAdhipo bhavet ll 14-4 suraktavastradashchaiva nR^ipa mA~njiShThadastathA l chIrAmbarapradAtA cha mama lokaM sa gachChati ll 14-5 yAnadashChatradashchaiva pAdukAM cha dadAti yaH l upAnahapradAtA cha sarvalokavaro bhavet ll 14-6 jajAshvamahiShAnrAjanyo dadAti sa dakShiNam l apamR^ityubhayAnmuktastathA meShapradaH sukhI ll 14-7 shatrU~njayati saMgrAme rAjA jayati maNDalam l tasya bhR^ityaH shatrujanaH pUjyaH sarvadhanurbhR^itAm l tasmAttvaM bhUbhR^itAM shreShTha kuru dAnaM mayoditam ll 14-8 ajakR^iShNAjinaM dAnaM sarvavyAdhivinAshanam l AyuShkaraM priyaM mR^ityoH svargadaM svargamichChatAm ll 14-9 anaDvAndattamAtreNa pApavyAdhivinAshanam l dAtAraM brahmaNo lokaM nayatyeva na saMshayaH l kR^iShNAjinapradAtR^INAM kShayagulmAdinAshsnaH ll 14-10 dAridryanAshanaM rAjannapamR^ityubhayApaham l dAruNA nirmitaM pAtraM pUritaM gandhavAriNA ll 14-11 yo rAjanmukhajebhyastu dakShiNAM cha dadAti cha l upendro bhagavAnviShNuH sudhAmaste prayachChati l sudhAM pibanrukmapAtre svargaloke mahIyate ll 14-12 yo rAja.NllohapAtraM tu svAdupAnaprapUritam l dadAti bhUsurebhyastu tasya puNyaphalaM shR^iNu ll 14-13 mArge sudhAM pibanrAjanyamalokaM sa gachChati l pUjito dharmarAjena chandralokaM sa gachChati ll 14-14 tAmrapAtraM mahArAja gandhodakasamanvitam l dadAti brAhmaNAnAM yaH sUryalokaM sa gachChati ll 14-15 rajataM rAjashArdUla pAtraM jalasamanvitam l vedashAstravide dadyAttasya puNyaM bravImi te ll 14-16 pa~nchAshadyugaparyantaM chandraloke sukhI bhavet l tato bhUmiM samAsAdya chakravartIha jAyate ll 14-17 sauvarNanirmitaM pAtraM svAdupAnaprapUritam l shrotriyAya tu yo dadyAddaridrAya visheShataH l tasya puNyaphalaM chitraM sAvadhAnamatiH shR^iNu ll 14-18 yakShakiMnaragandharvachAraNAdyairabhiShTutaH l sudhApAnaM prakurvANaH prayAti mama mandiram ll 14-19 pa~nchakoTikualiryukto merumUrdhni chiraM vaset l bhUlokaM samanuprApya sArvabhaumashcha jAyate ll 14-20 iShtvA divyakratUnsarvAMstathA jitvA bhuvaHsthalam l dattvA sarvANi dAnAni mama sAyUjyamashnute ll 14-21 kAMsyapAtraM tu yo dadyAdvastradakShiNasaMyutam l dadAmi viShNavetyuktvA yo dadAti suvAgmine l koTivaMshasamAyuktaH satyaloke sukhI bhavet ll 14-22 tasmAtsarveShu kaleShu yatkiMchidvai dadAti cha l mama buddhyA mahIpAla tatsarvaM merutAM brajet ll 14-23 navaM vai mR^iNmayaM pAtraM svAdUdakasamanvitam l daridro.api cha mAM dhyAtvA mama sAlokyamashnute ll 14-24 vR^iddhebhyo brAhmaNebhystu yataye yogine nR^ipa l yaddattaM yaddhutaM taptaM tatsarvaM madanugrahAt ll 14-25 koTikoTiguNaM rAjansvalpaM vApi mahadbhavet l akShayyalokamApnoti hyakShayyaM sukhamashnute ll 14-26 vR^iddhebhyo brAhmaNebhyastu yataye rogiNe nR^ipa l vastrayaShTyajinaM pathyamauShadaM cha dadAti yaH l sarvAnvaMshAnsamuddhR^itya brahmalokaM sa gachChati ll 14-27 hiraNyaM rAjataM vApi yo dadyAddAnamuttamam l mahadaishvaryamApnoti brahMaNA paripUjitaH ll 14-28 pashuputradhanAdInvai vindetsauvarNadAnataH l puNyalokAnimAnsarvAnamR^itatvaM cha gachChati ll 14-29 rajataM niShkamAtraM tu yo dadyAtpANDunandana l shivalokamavApnoti shatavaMshasamanvitaH ll 14-30 sIsaM kAMsyaM tathA tAmraM palatritayasaMnitam l yo dadAti narashreShTho rudralokaM sa gachChati ll 14-31 ayaskAntaM (?) yatIyAM tu yo dadyAtpAtramuttamam l sa koTikulasaMyukto devaloke chiraM vaset ll 14-32 kAShAyaM cha tathA bhaikShaM kaupInaM kambalaM tu vA l yo dadAti yatInAM tu sa mukto nAtra saMshayaH ll 14-33 kArttikyAM paurNamAsyAM vA AShaDhe vApi bhUpate l vR^iShabhaM visR^ijetyastu tasya puNyaphalaM shR^iNu ll 14-34 sarvajanmArjitaiH pApairvimukto rudrarUpabhAk l kulasaptatisaMyukto rudreNa saha modate ll 14-35 pitarastasya tR^ipyanti devAstridashapuMgavAH l narakasthA divaM yAnti divisthA brahmaNaH padam l brahmasthA viShNulokaM cha satyaM satyaM mayoditam ll 14-36 shivali~NgAkR^itiM kR^itvA mahiShaM yaH samutsR^ijet l yamasya yAtanA tasya naiva tatra mayoditam l yamena pUjitaH samyaksuralokaM vrajetddhruvaM ll 14-37 anaDvAhaM chiraM kAlaM karShayitvA nR^ipottama l utsR^ijedvArdhake bhAve tasya puNyaM vadAmi te ll 14-38 ihaloke sukhaM bhuktvA putrapautrAdisaMyutaH l sarvAnvaMshAnsamuddhR^itya mama sAlokyamashnute ll 14-39 dadAti cha suvR^ittAya mahiShiM cha payasvinIm l apamR^ityuM jayatyeva yamena saha modate ll 14-40 darshe prasUtikAM gAM cha mahiShIM cha nR^ipottama l apamR^ityuM daridrAya dattvA tIrtvA divaM vrajet ll 14-41 tAmbUlaM nityasho rAjanyo dadyAdbrAhmaNAya cha l tasyAhaM cha kurushreShTha dadAmi shrIyutaM padam l aShtaishvaryaM bhavedatra tAmbUlAtkurunandana ll 14-42 kShIradAnaM shishUnAM tu svargalokapradaM dhruvam l shUlAdirogayuktAya brAhmaNAya dadAti yaH ll 14-43 kShIrodasyottare tIre pibati kShIramuttamam l madhUni dadhitakrANi ghR^itAni cha nR^ipottama l yo dadyAdbrAhmaNebhyastu tasya no mR^ityuto bhayam ll 14-44 ikShudaNDaM guDaM kShIraM brAhmaNAya prayachChati l pathi shrAntAya yo dadyAtsatataM mayi tatparaH ll 14-45 sarvalokaprabhushchaiva sarvayaj~neShu dIkShitaH l sarvadAnaphalaM tasya sarvalokaM cha shAshvatam ll 14-46 nAlikeraphalaM dadyAchchaitravaishAkhamAsyayoH l kauberaM lokamApnoti yamena paripUjitaH ll 14-47 yugAnAM tridashaM sthitvA tataH kailAsameti cha l tatra pa~nchayugaM sthitvA brahmaloke mahIyate ll 14-48 sharkarArasasaMyuktaM nAlikeraM dadAti yaH l tasya pArtha prasanno.ahaM devAstasya vashAnugAH ll 14-49 elAlava~NgakarpUramishritaM shItalaM jalaM l dadanmArge sudhAM pItvA mama lokaM sa gachChati ll 14-50 mArgashIrShe mahArAja marIchiM lavaNaM dadan l sarvapApavinirmukto vrajedrudrasya mandiram ll 14-51 indhanaM kambalaM vastramupAnatku~NkumaM ghR^itam l mitralokamavApnoti sarvasiddhaniShevitaH ll 14-52 jyeShThe tu sarvabIjAni kR^iShikShetrasakR^ijjalaiH l brAhmaNAnaM sahAyArthaM dhanairapi cha karmaNA l kurute yaH sadA bhaktyA tasya puNyaphalaM shR^iNu ll 14-53 mAtR^itaH pitR^itashchaiva dashskoTikulAnvitaH l gandharvaiH stUyamAnastu mama lokaM sa gachChati ll 14-54 sushIlo brAhmaNo bhaktaH sa cha me satataM priyaH l tena pUtamidam sarvaM jagatsthAvaraja~Ngamam 14-55 ghnantaM shapantaM paruShaM vadantaM yo brAhmaNaM na praNamedyathArham l sa pApakR^idbrahmadavAgnidagdho daNDyashcha vadhyashcha na chAsmadIyaH ll 14-56 priyo yathA brAhmaNapuMgavo me tathA na lakshmIH svapuram mahAtman l triviShTape brahmapure vasetsa tvayA hi pUjyo gurudevatAtmA ll 14-57 tasmAttvamapi rAjendra brahmabhaktaH sada bhava l tasmiMstuShTe dharA sarvA phalatyeva na saMshayaH ll 14-58 evamAdyA mahAbhAga dharmA bahuvidhA nR^ipa l tatra sAraM pravakShyAmi dharmaM tava hitAya cha ll 14-59 mayi bhaktiryadi bhaveddAnakAle nR^ipottama l anantaphaladaM j~neyaM taddAnaM sAttvikaM bhavet ll 14-60 idaM rahasyamAyuShyaM yaH shR^iNoti sadA naraH l sarvadAnaphalaM tasya sarvapApakShayo bhavet ll 14-61 December 24, 2008