Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam - 17 itranslated by A. Purushothaman, purushothaman_avaroth @yahoo.com purANaprashaMsA vaishaMpAyana uvAcha | ityevaM durlabhAndharmA~nshrutvA prIto mahIpatiH | punareva shubhaM vAkyaM pratyuvAcha jagatpatim || 17-1 yudhiShThira uvAcha | namAmi puNDarIkASha vAsudeva jagatpate | tvadpAdakamalaM vandyaM yoginAmapi durlabham || 17-2 chaturNAmapi varNAnAmAshramANAM cha vR^iShNipa | AchAraM vada dharmesha karmANi jagatIpate || 17-3 shrIbhagavAnuvAcha | sarveShAmapi varNAnAM brAhmaNa paramo guruH | shrutena tapasA tAta pAti lokAnsukarmaNA || 17-4 vedAdhyayanasaMpannaH sarvashAstravishAradaH | purANavaktA kaunteya pAlayatyakhilaM jagat || 17-5 agniShTomAdikAnyaj~nAniShTvA vihitadakShiNAn | mayyarpitamanA vidvAnmAmeva pratipadyate || 17-6 itareShAM tu varNAnAM shikShitA dharmatatparaH | sadA shAstrarato vidvAnmAmeva pratipadyate || 17-7 niShkiMchano.api rAjendra vedashAstrANi chAbhyaset | sanmArgapariniShThAnAM mama lokaM cha shAshvatam || 17-8 vidyAmukhena yo rAjanbrAhmaNo vartate.anisham | sa snAtaH sarvatIrtheShu taptaM tenAkhilaM tapaH || 17-9 vidyayA saMchitaM dravyaM yasya vai saMprayachChati | sa muktaH sarvapApebhyo merumUrdhni chiraM vaset || 17-10 vidyayopArjitaM dravyaM brAhmaNAnAM sukhAvaham | sAMgrAmikaM cha kR^iShyaMshaM kShatriyANAM sukhapradam || 17-11 krayavikryajaM dravyaM vaishyAnAM tatsukhAvaham | kR^iShibhiH shUdrajAtInAM yattaddravyaM sukhAvaham || 17-12 dvitR^itIyachaturthAnaM varNanAM brAhmaNo guruH | tasmai deyaM prayatnena grahitavyaM tato dvijaiH || 17-13 shrotriyAnnaM tu yo bhu~Nkte janmajanmAntareShvapi | tasya janmAnyanekAni bhavanti brahmayoniShu || 17-14 sarvaj~naH shrotriyaH proktaH shrotriyo vaiShNavaH smR^itaH | vidvAmvai shrotriyaH prokto j~nAnI shrotriya uchyate || 17-15 purANasaMhitAvakta shrotriyo hyabhidhIyate || 17-16 mamaivAj~neti yo rAjanpurANAni cha yo vadet | tasaiva sarvashreyAMsi dadAmi kurunandana || 17-17 evaM vAchyaM purANaM tu shabdabhAvasamanvitam | padaM padaM samvibhajya pUrvAparavimishritam || 17-18 suvyaktaM madhuraM rAjangambhIraM shAstragarbhitam | aghaghnaM rAgasamyuktaM shrIrAgamatha vA nR^ipa || 17-19 mandramadhyamatAraishcha dhvanibhiH saMmitaM vadet | evaM vadandvijo dakShaH shrotR^INAmaghanAshanam | atha vA sarvarAgaishcha vadansvarge mahIyate || 17-20 purANashravaNe buddhiryasya puMsaH prajAyate | sarvapApavinirmuktaH suraloke mahIyate || 17-21 yaH saMsArArNavaM tartumudyogaM kurute yadi | shR^iNuyAtsa purANAni satyaM satyaM mayoditam || 17-22 sarvadharmANi vakShyanti purANAni mahAmate | tasmAtsarvaprayatnena purANeShu matiM kuru || 17-23 vedavyAsatsu dharmAtmA vedashAstravibhAgakR^it | proktavAn sarvashAstrANi purANe pANDunandana || 17-24 purArjitAni pApAni nAshamAyAnti yasya vai | purANashravaNe buddhistasya puMsaH prajAyate || 17-25 shR^iNvatAM vadatAM chaiva purANaM mokShadAyakam | tasmAtsarvaprayatnena shrotavyaM janmabhIrubhiH || 17-26 shrotR^INAM sarvapApAni purANaM dahati dhruvam | j~nAnAj~nAnakR^itaM pApaM janmAntarakR^itaM cha yat | purANashravaNAdeva tatkShaNAdeva nashyati || 17-27 ga~NgAdisarvatIrtheShu snAtAnAM yatphalaM labhet | tatphalaM samavApnoti purANashravANAnnR^ipa || 17-28 yaH shR^iNoti purANAni prabhAte tatkurUdvaha | rajanyAM yatkR^itaM pApaM tatkShaNAdeva naShyati || 17-29 kShapAyAM madgR^ihe nityaM yaH shR^iNoti nR^ipottama | divAkR^itaM tu yatpApaM tatkShaNAdeva naShyati || 17-30 yaH shR^iNoti purANAni nityaM bhaktisamanvitaH | vidhUya sarvapApAni brahmalokaM sa gachChati || 17-31 purANAM sh^RiNvatAM nR^INAM nAsti nAsti mahadbhayam | tasmAtpANDAva rAjendra purANeShu matiM kuru || 17-32 kShatriyANAM suvR^ittAnAM yathAMshaparajIvinAm | yathAparAdhadaNDAnAM brahmalokaM tu shAshvatam || 17-33 gurusevAparo yastu brahmachArI sadA shuchIH | bhaikShAnnanirataH snAne sa yAti brahmaNaH padam || 17-34 UrujAnAM sushIlAnAM svapuNye satyavAdinAM | mahatAM sevayA tAta brahmalokaM tu shAshvatam || 17-35 kR^iShimArgaratAnAM cha chaturthAnAM nR^ipottama | shushrUShayA pUrvajAnAM brahmalokastu shAshvataH || 17-36 yaj~nairdAnaistapobhishcha gR^ihasto brahmasevayA | AtitheyaH satyavAdI suchireti mamAlayam || 17-37 ShodashagrAsanirato vAnaprasthAshrame rataH | vedashAstrarato nityaM trisnAyI mAM cha gachChati || 17-38 tridaNDamekadaNDaM vA sadA kAShAyachelavAn | sadA praNavashIlashcha saMnyAsI mAM cha gachChati || 17-39 charAcharAtmakaM viShNumekamavyaktamakSharam | dhyAyansarvatra yogIndraH sa duHkhAtparimuchyate || 17-40 tattvaj~nAnaM to yo dadyAdaj~nAya brahmavittamaH | sa mAmeva prapadyeta sarvabhUtahite rataH || 17-41 pativratA patiprANA patisevAparAyaNA | priyaMvadA cha kalyANI nArI gachChati matpadam || 17-42 patireva paro bandhuH patireva paro guruH | patireva mama prANA yathA saMgirateti cha | tayA jito brahmaloke nAtra kAryA vichAraNA || 17-43 strINAM puruShamukhyAnAM dvijAnAmagrajanmanAm | manujAnAM tu sarveShAM dharma eva parA gatiH || 17-44 kimatra bahunoktena dharmaH kalimalApahaH | dharmaM bhajasva satataM purANeShu matiM kuru | purANadharmashAstrANAM kIrtanAnnAkamashnute || 17-45 dharmamArgaratAnAM tu shrotR^INAM dharmasaMhitAm | narakaM nAsti nAstyeva satyameva mayoditam || 17-46 dharmasya kartA bhuvanasya goptA mantrasya kartA gururaprameyaH | mokShasya kartA patirIsvarANAM sarvAntarAtmA hyahameka eva || 17-47 vishvaprabhuM vishvasR^ijaM kR^itaj~naM bhaktArtihaM vishvatanuM mahAntam | bhajasva nityaM bahurUpabhAjaM tvaM pArtha mAM sarvajanAbhivandyam || 17-48 evaM tu gaditaM pArtha dharmaM dharmabhR^itAM vara | kiM te prItikaraM vachmi tadbrUhi mama saMprati || 17-49 vaishaMpAyana uvAcha | dharmasAramidaM rAjan~nshR^iNoti satataM naraH | sa muktaH sarvapApebhyo ga~NgAsnAnaphalaM labhet || 17-50 January 4, 2009