Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam - 19 pApabhedakathanam shrIbhagavAnuvAcha brahmahatyAsamaM pApamevamAhurmaharShayaH | surApAnasamaM pApaM pravakShyAmi samAsataH || 19-1 gaNAnnaM yastu rAjendra bhu~njate lobhamohitaH | surApi sa tu vij~neyo mahAkUpe yugaM vaset || 19-2 gaNikAnnaM tu yo bhu~Nkte surApi sa hi viShrutaH | taptashUlayugaM sthitvA tato matsyeShu jAyate || 19-3 patitAnnaM tu yo bhu~Nkte shUdrataskarakAminAM | abhitaptashilAyAM tu sthitvA pa~nchashataM yugam | pashchAdbhavati chaNDAlo vaiNakastu tataH param || 19-4 aupAsanaparityAgI devalAnnasya bhojakR^it | sUtakAnnabhujo ye cha te vai nirayagAminaH || 19-5 shilAyAmabhitaptAyAmAropya yamakiMkarAH | dahanti yugaparyantaM tato mUkA bhavanti hi || 19-6 yaH shUdreNa samAhUto bhojanaM kurute dvijaH | anuj~nAtastu shUdreNa surApi saha vishrutaH || 19-7 raktakUpe mahAghore rudanpa~nchayugaM vaset | shUdrajanma tataH prApya pashchAdbhavati pulkasaH || 19-8 bhojane vartamAne tu shUdraM patitameva vA | sUtakIM cha dvijo dR^iShTvA bhu~Nkte yadi sa pAtakI | shUdrasaMlApasaMyukto bhu~Nkte yadi sa pAtakI || 19-9 asthichChedaM snAyubandhaM kShurikachChedakaM gataH | yugAnAM pa~nchapa~nchAshaddahyamAnaH kharo bhavet || 19-10 pAnIyaM pAyasaM bhojyaM japahomAdibhakShaNam | shUdrasaMlApasaMyukto bhu~Nkte yadi sa pAtakI || 19-11 asthichChedaM snAyubandhaM jihvAchChedamavApya saH | yugAnAM viMshatIM sthitvA narakeShu samantataH | tadante daivayogena sUkaratvaM prapadyate || 19-12 j~nAnaM tu patitaM dR^iShTvA udakyAH shabdameva vA | bhu~Nkte yadi sa pApI syAdrauravaM narakaM vrajet || 19-13 uchChiShTena tu saMspR^iShTo bhojanaM kurute yadi | dAhanaM sarvagAtrANAM kurvanti yamakiMkarAH || 19-14 snehAllobhAttathAlasyAtsahabhojanakR^innaraH | pittapAnaM samApnoti narakaM shleShakardamam | bhuktvA yugashataM rAjanshvAnayoniShu jAyate || 19-15 bahubhAShi dvijo yastu bhojane samupasthite | tilashashChedanaM tasya yugAnAmekaviMshatiH || 19-16 gR^i~njanaM lashunaM rAjanpalaNDuM shArakaNTakam | jagdhvA naraH patedghore raurave kAlasUtrake || 19-17 mAtrA pitrA duhitrA vA bhrAtrA putreNa putrakaiH | bhu~Nkte yadi sa pApI syAdUrdhvaM vai mau~njidhAraNAt || 19-18 vR^iShalIpatinA spR^iShTaM nindakAnnaM tu kutsitam | sUtakAnnaM yaterannaM bhuktvAH narakamashnute || 19-19 evaM bahuvidhaM pApaM surApAnasamaM smR^itam | hemasteyasamaM pApaM pravakShyAmi samAsataH || 19-20 kastUrI chandanaM vAsaH karpUramaNayo nR^ipaH | etAnvai yo haretpApaM pravakShye pANDunandana || 19-21 kAShTayantraM mahAnAgaM kabandhaM kR^imibhojanam | narakaM vahnivR^iShTiM cha yugAnAmekaviMshatim | shvamAMsabhojanaM gIrNaM bhu~njanyugashataM vaset || 19-22 kAkajanma tataH prApya tataH sUkarajanmasu | tadante mlechChayonau cha jAyate pANDunandana || 19-23 tAmraM kAMsyaM tathA sIsaM trapUNAM haraNe nR^ipa | vahnijvAle.ativikhyAte dahyamAno yugaM vaset || 19-24 ajAvikaM janmashataM shunAM vai shatajanmasu | jAtyandho badhiro rAjanbhavatyeva na saMshayaH || 19-25 kadalIM panasaM chaiva nArikelaM tathAbhrakam | nAra~NgaM likuchaM chaiva hemasteyasamaM smR^itam || 19-26 shilAvR^iShTisamAkhyAte narake kalpapa~nchakam | hA hanteti krandamAnaH pishAchatvaM samashnute || 19-27 gR^ihakShetrANi pAtrANi dhAnyAni rasavanti cha | gomahiShyaturaMgAshcha hyanaDvAnajameShakau | eteShAM haraNe vakShye pApasya narakaM vibho || 19-28 shilAyAmabhitaptAyAmAropya yamakiMkarAH | dahanti yugaparyantaM tato vakShyAmi yAtanAm || 19-29 taptasha~NkusamAkIrNastaptAyaH piNDabhakShaNam | adhaH shiraHshoShaNaM cha marutpatanakaM tathA || 19-30 eteShu nArakI rAjanvasedyugashataM kramAt | daridro vyAdhito mUrkho bhavatIha na saMshayaH || 19-31 paraira~NgIkR^itaM dravyaM tR^iNamapyaTavIgatam | na spR^ishotpuruShavyAghra haredvA sa tu pAtakI || 19-32 samAnapAtakaM rAjannarakaM cha mayoditam | narakAnpAtakAnvakShye bhUyo nAnyamanAH shR^iNu || 19-33 pitrR^iyaj~naparityAgI hyakAle karmakR^innR^ipa | tayornarakamatyugraM mAtApitR^ivirodhinaH || 19-34 a~NgArashayane ghore narake yugapa~nchakam | anubhUya krameNaiva vAyaso bhavati dhruvam || 19-35 jAro niShThuravAkkrUro nAstikaH prANahiMsakaH | pApo dhUrtau mahIbandhaH khalaH kAmI nR^ipottama | eteShAM narakaM vakShye shR^iNu chitraM mahAmate || 19-36 atyuShNasikatAsnAnaM kaShAyodakasechanam | taptAyaH shayanaM ghoraM taptasaikatabharjanam || 19-37 ghoramevaM bahuvidhaM yugAnAmekaviMshatiH | anubhUya krameNaiva rAkShasAH prabhavanti hi || 19-38 prAyashchittavihInAni ghorANi shR^iNu bhUpate | samastapApatulyAni mahApAtakadAni vai || 19-39 brahmahatyAdipapAnAM kathaMchinniShkR^itirbhavet | braAhmaNAndveShTi yastasya niShkR^itirnAsti kutrachit || 19-40 vishvAsaghAtakAnAM cha kR^itaghnAnAM nareshvara | shUdrastrIsa~NginAM chaiva nehAmutra cha niShkR^itiH || 19-41 shUdrAnnapuShTadehAnAM vedashAstraM vininditAm | shivanindAaparANAM cha viShNunindAparAtmanAm || 19-42 satkathAnindakAnAM cha agnihotraM vinindatAm | yatinindAparANAM cha gurunindAparAtmanAm || 19-43 purANavedashAstrANi dharmashAstraM vinindatAm | eteShAM niShkR^itirnAsti prAyashchittAdikalpanaiH || 19-44 bauddhAlayaM praviShTasya tachChAstre praNavasya cha | strIshUdariH pUjitaM li~NgaM viShNuM vA praNatasya cha | satgatiM naiva paShyAmi shAstrANAmeSha nirNayaH || 19-45 mA dadasveti yo brUyAdgavyagnau brAhmaNeShu cha | shvAnayonishataM gatvA chaNDAleShvabhijAyate || 19-46 paranindAparANAM cha tathA niShThurabhAShiNAm | dAnAnAM vighnakartR^INAM teShAM pApaphalaM shR^iNu || 19-47 taptAyaH piNDavadanAH sUchipUritalochanAH | adhaHshirordhvapAdAste bAdhyante yamakiMkaraiH || 19-48 tataH sarveShu ghoreShu narakeShu samAyutam | sthitvA karmAvasheSheNa bhavantyAmiShabhojinaH || 19-49 paradravyApahartAraH parastrIlolupA bhR^isham | parasvasUchakA nityaM te vai pAtakino.adhamAH || 19-50 niruchChvAse mahAghore narake yugapa~nchakam | anubhUya tato rAjansUkarAH prabhavanti hi || 19-51 anyaM bhajante bhUpAla striyashcha puruShAdhamAH | tAsAM cha narakaM vakShye sAvadhAnamanAH shR^iNu || 19-52 taptatAmramayAH puMsastaptAyaH shayane balAt | Ali~ngyante yugaM dorbhyAmanyonyaM tAsu tAnprati || 19-53 taptashonitakUpeShu majjante yugapa~nchakam | vandhyA napuMsakA bhUmau jAyante paulkasAdiShu || 19-54 yaH shR^iNoti mahannindAM narakaM tasya vai shR^iNu | tasya karNeShu pAtyante taptAyaH kIlasaMchayAH || 19-55 brAhmaNAnye nirIkShante kopadR^iShTyA narAdhamAH | taptasUchisahasraM tu teShAM chakShuShi pUryate || 19-56 evaM pApaM bahuvidhaM prashaMsanti maharShayaH | shR^iNvatAM vadatAM chaiva na pApeShu matirbhavet || 19-57 January 11, 2009