Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam - 30 jayanthImAhAtmaym janamejaya uvAcha Ashcharyamatulam dharmaM shrutvA prIto yudhiShThiraH | kimapR^ichChanmunishreShTha brUhi tanme pitAmaham || 30-1 vaishaMpAyana uvAcha AshcharyaM pR^iShTavAndharmaM dharmasUnuH pitAmaham | sarvabhAgyakaraM puNyaM sarvalokeShu vishrutam || 30-2 yudhiShThira uvAcha kena vratena me rAjyaM bhaviShyati pitAmaha | tadvrataM tasya mAhAtmyaM vada priyakaraM hareH || 30-3 pitAmaha visheSheNa bhakto.asi jagatIpateH | tvaM sadA sarvadharmaj~na brUhi vratamanuttamam || 30-4 bhIShma uvAcha vratAnAmapi sarveShAmuttamaM yadvidurbudhAH | tadvrataM shR^iNu kaunteya nAradoktaM mayA shrutam || 30-5 vikhyAtaM triShu lokeShu jayantItyabhidhAnataH | tasya vratasya mAhAtmyaM pravakShyAmi hitAya te || 30-6 vakShye jayantImAhAtmyam shR^iNu rAjakulottama | yasya shravaNamAtreNa vAjapeyaphalaM labhet || 30-7 purA sanatkumAreNa nAradAya prabhAShitam | AshcharyaM nityamAkhyAtaM sarvadAnaphalapradam | jayantyAH sadR^ishaM puNyaM triShu lokeShu no nR^ipa || 30-8 mokShadaM kurvatAM bhaktyA jayantIvratamuttamam | jayantIM vai prashaMsanti munayaH puNyakA~NkShiNa | vratAnAM chaiva sarveShAmuttamaM tatprachakShate || 30-9 brahmakShatravishAM chaiva shUdrANAM chaiva yoShitAM | mokShadaM kurvatAM bhaktyA viShNupriyakaraM prabho || 30-10 jayantyAM naiva bhu~njIta dharma buddhiryadi sthitA | bhu~Nkte yadi sa pApI syAdrauravaM narakaM vrajet || 30-11 mahApAtakayukto vA yukto vA sarvapAtakaiH | jayantyAM tu nirAhAraH sthitvA yAti hareH padam || 30-12 shrIjayantI mahApuNyA viShNoH priyakarA tithiH | saMsevyA sarvadA vipraiH saMsArachChedalipsubhiH || 30-13 jayantyAM prAtaruthAya nigR^ihItAkhilendriyaH | snAtvA cha vidhivatviShNumarchayatprayatendriyaH || 30-14 viShNoH samIpe shAyIta nArAyaNaparAyanaH | rAtrau jAgararaNaM kR^itvA harisAyUjyamashnute || 30-15 nR^ittagItAdivAdyaishcha purANashravaNAdibhiH | sevAM kR^itvA hareH ramyAM harisAlokyamashnute || 30-16 putrakAmo labhetputraM dhanakAmo labheddhanaM | rAjyakAmo labhedrAjyaM jayantyAstu prabhAvataH || 30-17 upavAsavrataparo dharmakArI bhavennR^ipa | chaNDAlAnpatitAnvApi vA~NmAtreNApi nAlapet || 30-18 shrIjayantyA vrataM ye tu kurvanti shraddhayA narAH | te yAnti viShNubhavanaM paramAnandadAyakam || 30-19 asvamedhasahasrANi vAjapeyashatAni cha | kR^itvA yatphalamApnoti jayantyAstatphalaM dhruvam || 30-20 yardR^ichChayA kR^itA yaistu teShAM pApaM Chinatti hi | suputradAyinI hyeShA sharIrArogyadAyinI | sukalatrapradA hyeShA viShNulokapradAyinI || 30-21 jayantyAM kurute yastu yatkiMchiddAnamuttamam | sa vai brahma samApnoti sAkShAtkR^iShNamukhoditam || 30-22 tilakanyAgavAM dAnaM yo dadAti nR^ipottama | koTivaMshasamAyukto viShNulokaM sa gachChati || 30-23 aShTamI cha jayantI cha devadevasya chakrINaH | shubhe hyete mahAbhAga viShNoH priyakare tithI | jayantI mokShadA proktA sarveShAM vratakAriNAm || 30-24 aShTamI muktidA proktA brahmalokapradAyinI || 30-25 atraivodAharantImamitihAsaM purAtanam | dharmavratasya charitaM sarvama~NgaladAyakam || 30-26 kurukShetre purA rAjansomavaMshasamudbhavaH | dharmavrato mahAnAsIchchandrakAntasutaH prabhuH | dharmeNa pAlitAstena janA janapadAstathA || 30-27 kAlindItIramAshritya sa rAjA janamejaya | rAjasUyAMshchakArAsau pa~nchatriMshatpratApavAn | ashvamedhAMshcha rAjendra ShaTtriMshannarmadAtaTe || 30-28 pR^ithivI pAlitA tena sharadAmayutaM nR^ipa | tAvatputrasamAyogo naivAbhUtasya bhUpateH || 30-30 shatrubhiH pIdito rAjA rAjyAdbhraShTo mahAmanAH | puriM niveshya sachive varjitaM sarvasaMpadA | vanaM jagAma dharmAtmA tapastaptumaputravAn || 30-30 tatrArAdya chiraM kAlaM brahmaNaM bhuvaneshvaram | sahasratrayamabdAnAekAhamiva so.abhavat || 30-31 grIShme pa~nchAgnimadhyastho varShatau niShkuTI nR^ipa | hemante tu hradevAsI kAlindhyAH saritaH prabho || 30-32 tyktAhArastyktanidrastyaktabhogAH pratApavAn | Acharattapa ugraM tu ravau saMnyastalochanaH || 30-33 tapasA tasya rAjendra devA bhItA divaM gatAH | rambhAtilottamAbhyAM tu nivArayitumakShamAH | satyalokaM tadA jagmurvij~naptuM parameShThinaH || 30-34 tatra sthitvA chiraM kAlaM sthavaiH stutvA pitAmaham | idamUchuranUchAnAH kR^itA~njalipuTAstadA || 30-35 pAhi lokapate tAta dharmavratamayArditAn | vastuM triviShTape shakyaM naivAsmAbhirakaNTakaiH || 30-36 tasya chittaM bhavAnvetti na hi vindAmahe vayam | asmAsvapi cha te prItirasti chetpAlayasva ha || 30-37 brahmovAcha shR^iNudhvaM madvachaH putrAH yuShamddhitakaraM param | dharmavratestu rAjendro mAmeva stuvate prabhuH | tasmAdbhayamidaM nAsti yuShmAkaM mama chaiva hi || 30-38 sarveShAmeva devAnAM mA bhUdrAj~no mahadbhayam | gachChadhvaM pUrvavattUrNaM triviShTapamariMdamAH || 30-39 ityuktvAH devatAH sarvAshchandrAdityamarudgaNAH | triviShTapaM punaH prAapurmuktaduHkhA mahAbalAH || 30-40 tasminnavasare dhAtA visvayoniH samAdhimAn | AjagAma nR^ipasyAshu pradAtuM varamuttaman || 30-41 brahmovAcha dharmavrata mahAbhAga tapasA toShito.asmyaham | varaM varaya bhadraM te varado.ahamihAgataH || 30-42 bhIShMa uvAcha brahmaNodIritaM vAkyaM shrutvA prIto nR^ipottamaH | kR^itA~njalipuTo dhImAnnamaskR^itvA vacho.abravIt || 30-43 kR^itArtho.asmi mahAbhAga putraM dehi pitAmaha | aputrANAM tu loko.asti naiveti yamataH shrutam || 30-44 kR^itA~njalipuTaM dInaM kR^ishA~NgaM prekShya visvasR^iT | spR^ishan provAcha rAjendra vardhayaMstasya mAnasam || 30-45 dharmavrata mahAbhAga putrotpattestu kAraNam | divyabhogapradaM nR^INAM yadvrataM tadvadAmi te || 30-46 jayanthI bhavatA sevyA visheSheNa nR^ipottama | haripriyA tu sA devI jayanthI lokaviShrutA | sA dAsyati cha te putraM divyarUpamariMdama || 30-47 dharmavrata uvAcha shatrubhirhR^itarAjyasya saputrasya cha me.anagha | kathaM vastuM mayA shakyaM svapure devavallabha || 30-48 brahmovAcha atyunnatapadaM rAjankA~NkShiNA brahmayoninA | kR^itA mayA jayanthIyaM yayA prAptamidaM padam || 30-49 ichChatA rAjyaputrau cha tvayA sevyA prayatnataH | jayanthI rajashArdUla sarvasaMpadbhavennR^ipa || 30-50 ityuktvA rAjashArdUlaM parameShThI jagatprabhuH | sa prahR^iShTo mahArAja svapnaM dR^iShTveva dharmaja || 30-51 tirodhate sa bhUpAlo vismayaM paramaM gataH | uttasthau svapurIM prApa chitradhvajapatAkinIm || 30-52 brahmaNodIritaM vAkyaM mantrivR^iddhe nivedya cha | shrIjayanthIvrataM bhUpo akarodbhAryayA saha || 30-53 tena puNyaprabhAvena sutaM chandraprabhaM kila | lebhe rAjyaM cha koshaM cha shatrUNAmantako.abahavt | ripUnnirjitya saMgrAme rAj~nAM chaivAgrato.abhavat || 30-54 tasmAttvamapi rAjendra putrakAmo yadi prabho | rAjyakAmo.api vA tAta kuru vratamanuttamam || 30-55 kakusthasya priyA sAdhvI mAgadhI padmalochanA | tena sArdhamidaM kR^itvA raghuM lebhe sudakShiNA || 30-56 Aj~nAM dasharathasyAsya rAmo.api shirasA vahan | vaidehyA saha dharmAtmA sumitrAtanayena cha | prapede daNDakAraNyaM tatredamakarotsudhIH || 30-57 kharAdInrAkShasAnhatvA lebhe rAjyaM sutaM kusham | indrANI hyalabhatputraM jayantaM suranAyakam || 30-58 pArvatI ShaNmukhaM lebhe vratenAnena suvrata | gAndhArI chaiva mAdrI cha kuntI cha patina saha | yuShmAnvai suShuve kuntI mAdrI gAndhArasaMbhavA || 30-59 putradaM putrakAmAnAM rAjyadaM rAjyakAminAM | jayapradamidaM tAta pApinAmapi pApahR^it || 30-60 svargamokShapradaM nR^INAM jayanthIvratamuttamam | tvaM rAjansarvapApaghnaM bhuktimuktiphalapradam | kuru vR^iddhiM cha putrAMshcha achirAtprApsyase dhruvam || 30-61 vaishaMpAya uvAcha shrutvedaM puNyamAkhyAnaM pRIto dharmasuto vashI | natvA kR^iShNaM jagannAthaM punaH shrotuM mano dadhe || 30-62 ya idaM puNyamAkhyAnaM nAradena prabhAShitam | shrutvA pApavinirmukto naro nAkaM samashnute || 30-63 March 6, 2009