Harivamsha, volume II, Appendix II, BORI, 1971
shrIgaNeshAya namaH
hari OM
itranslated by A. Purushothaman, purushothaman_avaroth @yahoo.com

sheShadharmaprakaraNam  33

kAverimAhAtmyam

vaishaMpAyana uvAcha  

sha~NkhatIrthasya mAhAtmyaM kAveryA snAnavaibhavam   |
shrutvA dharmsutaH shrImAngA~NgeyaM punarabravIt   ||   33-1

yudhiShThira uvAcha  

shrInivAsamidaM kShetraM gaditaM bhavatA prabho |
tasyotpattiM cha mAhAtmyaM  vistareNa vada prabho ||  33-2

bhIShma uvAcha  

shR^iNu pANDava vakShyAmi shrotR^INAmaghanAshanam  |
sarvasaMpatkaraM puNyamAyurArogyavardhanam  ||  33-3
putradaM putrakAmAnAM mokShadaM mokShakAminAm  |
anantaM shrInivAsAya kShetrasya phalamavyayam  ||  33-4
brahmaNA hi purA gItaM  nAradAya mahAtmane   |
tena me gaditaM rAjaMstaM  bravImi hi te.adhunA  ||  33-5
tIrthAnAmuttamaM tIrthaM kShetrANAM cha tathottamam  |
shrInivAsamidaM kShetraM  sarvasiddhiniShevitam  ||  33-6  
yatra nimnasthalaM rAjandR^iShadbhirabhigUhitam  |
tanmadhye tu mahAtmAnastapaH kurvanti chAdhunA  ||  33-7
purataH pashchime bhAge dakShiNAbhimukhI nR^ipa  |
dakShiNe chottare chaiva kAverI pUrvagAminI  ||  33-8
tanmadhye jagatAM nAthaH sAkShAtpratyakShatAM gataH  |
lokamAturmahAlakShmyAH pure yogeshvaro hariH  ||  33-9
anantastakShakashchaiva  vAsukiH sha~NkhapAlakaH  |
yugakrameNa tiShThanti shrInivAsAya saMnidhau  ||  33-10
indro yamaH prachetAshcha kuberaH shashishekharaH  |
agnishcha nirR^itirvAyurdikpAlAH satataM sthitAH  ||  33-11
atraivodAharantImamitihAsaM purAtanaM |
sarvaduHkhopashamanamAyurvardhanakAraNam  ||  33-12
purA hi kaiTabho rAjandaityAnAmagraNIrbalI  |
tapashchachAra rAjendra devAnAM jayakA~NkShayA  ||  33-14
sthitvAtraiva chiraM kAlaM nigR^ihItAkhilendriyaH  |
vAyubhakSho nirAhAro jitakrodho nR^ipottama  ||  33-15
taptAyaHpiNDamAdAya bhakShayitvA punaH punaH  |
achardghoramatulaM tapaH paramapAvanam  |
trailokyamapi saMtrastaM tenaiva tapasAnagha  ||  33-16
tasminkAle devapatirdevaiH saha yudhiShThira  |
tapasA bhItimApanno brahmalokamupAgatam  ||  33-17
brahmayoniM chiraM sthitvA devaiH saha puraMdaraH  |
kiM bhaviShyati  mallokamiti chintya muhurmuhuH  |
pa~nchAshadyugaparyantamAste tatra yudhiShThira  ||  33-18
upaplavaM tu devAnAM  j~nAtvA  tatra pitAmahaH  |
mA bhaiShIrdevarAja tvaM vedmi lokasya kaNTakam  ||  33-19
shamayiShyAmi taM mUrkhaM  vareNa tvaM kShamasva ha  |
ityuktvAntardadhe  devo devanAM  hitakAmyayA  |
yatrAste  devashatrushcha taM deshaM prAptavAndrutam  ||  33-20
tapashcharantaM dharmAtmannIlajImUtasaMnibham  |
ravau nyastadR^ishaM dR^iShTvA vAkyametaduvAcha ha  ||  33-21
bho bho daityapate tvaM tu kR^isho.asi nitarAM prabho  |
viddhi vishvasR^ijaM daitya yaddadAmi vadasva tat  ||  33-22
tuShTo.ahaM tapasA tena pashya mAM  tavtsamIpagam  ||  33-23
iti vAkyaM tadA shrutvA  brahmaNo lokakaNTakaH  |
nirIkShya taM namaskR^itya vAkyametaduvAcha ha  ||  33-24
pAhi lokapate brahmanpashya mAM tapasi sthitam  |
j~nAtvA tu matkR^itaM karma vijayaM dAtumarhasi  |
lokAnAM chaiva sarveShAM  tathA pAtALagahvaram  ||  33-25
tvAM cha devapatiM  brahmansUtramANamariMdamam  |
dadAsi yadi me brahmannadharme nAshameva cha  ||  33-26

bhIShma uvAcha  

iti tasya vachaH shrutvA  parameShThI pitAmahaH  |
tathAstviti tamAmantrya tatraivAntaradhIyata  ||  33-27
vareNa tena daityo.api garvitaH puruShAdhamaH  |
indrasya nagaraM gatvA  pIDayAmAsa devatAH ||  33-28
prArthamAno.amarendreNa jitaH svargo mayeti cha  |
pUjyamAnaH suragaNairyamalokamathAgamat  ||  33-29
jitvA taM sUryatanayaM  pUjito varuNena cha  |
kauberaM lokamAgatya  pUjitastena saMmataH  ||  33-30
tatra shriyA pramatto.asau  vareNAnena suvrata  |
brahmaNo lokamAsAdya rAjarShirgaNasevitam  |
kR^itA~njalirnamaskR^itya dhAtAramidamabravIt  ||  33-31
jitA hi lokAH sarve cha vaikuNThaM jetumutsahe  |
tatra sthitaM hariM jitvA tataH svastho  bhavAmi cha  ||  33-32
gamiShye tvatprasAdena hariM jetuM pitAmaha  |
ityuktvA prayayau pArtha kShIrodaM baladarpitaH  ||  33-33
tatra sarvagataM viShNumadR^iShTvA vismayaM gataH  |
kiM karomi kva yAsyAmi  kva cha pashyAmi saMprati  ||  33-34
karmaNAM phalado viShNurbhUloke sthitameShyati  |
iti nishchitya manasA bhUlokaM prAptavAnprabhuH  ||  33-35           
tasya buddhiriyaM jAtA madAndhasyAtidurmateH  |
vivekaM naiva pashyanti balinaH kAmukAH khalu  ||  33-36
aho hariH sarvagato bhUmau saMprati saMsthitaH  |
pAtAlaM netumichChAmi saptadIpAM vasuMdharAm  ||  33-37
iti nishchitya manasA sAgaraM samupAvishat  |
kaNThamAtramabhUttoyaM tasya daityasya  dharmaja  ||  33-38
prasArya hastaM pAtAle  vAmaM dakShiNamuttare  |
chAlayAmAsa pR^ithivIM kalpAnte diggajA iva  ||  33-39
vasudhA lokamAteyaM  kampamAnA punaH punaH  |
astauShijjagatAmIshaM sarvagaM bhaktavatsalam  ||  33-40

vasudhovAcha  

shrInivAsa namste.astu namo visvakuDumbine  |
namo visvapate tubhyaM namaste jalashAyine  ||  33-41
namaH kShIrAbdivAsAya namste sUkShmarUpiNe  |
namo devAdhidevAya  namo vidyutprabhAya cha  ||  33-42
namaste  vasudhAnAtha namste bhaktavatsala  |
sha~NkhachakragadApANe namo nandakadhAriNe  ||  33-43
pAhi mAM bhayasaMtrastAM padmanAbhAya te namaH  |
namshchaitanyarUpAya  pR^ithvIdhara namo.astu te  ||  33-44
matsyavAmanarUpAya kUrmarUpAya te namaH  |
nArasiMhAya rAmAya  namo dAmodarAya cha  ||  33-45
kR^iShNAya yadavendrAya vAsudevAya chakriNe |
namaste puNDarIkAkSha pAhi lokapate prabho  ||  33-46
iti stuto jagannAtho  dharaNyA pANDunandana  |
sAMnidhyamagamadviShNurantaryAmI jaganmayaH  ||  33-47
mA bhaiShityuktamAtre tu  vidyunmaNDalavatprabhuH  |
cakramAdAya chichCheda  kaiTabhasya shirastadA  ||  33-48
dharAmAshvAsya vishvAtmA tayA sArdhamariMdama  |
idaM kShetraM samAgatya  so.atiShThatprabhuravyayaH  ||  33-49
atra sthitaM hariM j~nAtvA sarvalokadharaH prabhuH  |
anantaH preShayAmAsa svasutaM sha~NkhapAlakam  ||  33-50

ananta  uvAcha  

shR^iNu putraka madvAkyaM  shrInivAso jaganmayaH  |
kAveryAM dakShiNe pArshve kAveryA cha taraMgite  ||  33-51
R^iShairauddAlakasyaiva hyAshrame munisevite  |
siddhavidyAdharagaNaiH  sevite puNyapAdapaiH  |
shvetatintriNibilvaishcha shvetajambUkapitthakaiH  ||  33-52
evaM bhUte jagannAthaH  shrInivAso jaganmayaH  |
shriyA cha vasumatyA cha  sevyamAnastu tiShThati  ||  33-53
tameva sevamAnastu vartayasva tadantike  |
adR^iShTaH sarvamanujaiH parAM siddhiM gamiShyasi  ||  33-54
evaM prabodhitastena hyanantena mahAtmanA  |
sha~NkhapAlo namaskR^itya vachanaM chedamabravIt  ||  33-55
bhagavansarvanAgendra sarvashAstravishArada  |
kimarthaM tapyate tena R^iShiNA karuNAtmanA ||  33-56
tadahaM shrotumichChAmi vistareNa mahAmate  |
yadarthaM sarvanAgendra kR^ipA mayi tavAsti chet  ||  33-57
ityuktaH sha~NkhapAlena sheSho lokadharaH prabhuH  |
auddAalakasya charitamabravItkAmadaM shubham  ||  33-58


March 11, 2009