Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 34 kAverimAhAtmyam ananta uvAcha R^iShirauddAlako nAma vedavedA~NgapAragaH | shAnto jitendriyo maunI sadA dhyAnaparAyaNaH || 34-1 atraiva suchiraM kAlaM tapashchakre mahAmatiH | chatvArIMshadyugaM tAta hyahorAtramivAkarot || 34-2 tenaiva tapasA tuShTo brahmA lokapitAmahaH | yatra tiShThati dharmAtmA R^iShirauddAlako muniH | taM deshamadhigamyAshu vachanaM chedamabravIt || 34-3 auddAlaka mahAbhAga tuShTo.ahaM tapasA hi te | varaM varaya bhadraM te varado.ahaM prajApatiH || 34-4 brahmaNodIritaM vAkyaM shrutvA munivaro.abravIt | bhagavandevadevesha kR^itArtho.asmi tvadAgame | yathA prINAti me viShNustathA kuru mahAmate || 34-5 shR^iNuShva madvachaH putra yadA lokeshvaro hariH | haniShyatyasuraM mUrkham tadA te darshanaM bhavet || 34-6 sthitvAtra katichitkAlaM shrInivAso jaganmayaH | vedAntaiH sevyamAnaH sansvaM dhAma samupeShyati || 34-7 rAj~nAM tu durvinItAnAM paulastyasya durAtmanaH | kR^itvA tu nidhanaM teShAmatraiva snAtumeShyati | rAmAkhyo bhagavAnviShNuH satayM satyaM na saMshayaH || 34-8 puraMdaramukhA devAH stAsyantyatraiva nityashaH | shrInivAsamidaM kShetraM loke khyAtiM gamiShyati || 34-9 ityuktvAntardhate pArtha devAnAM prapitAmahaH | tadAprabhR^iti dharmiShTha R^iShirauddAlako budhaH | prasannaM devadevasya pashyannAste mukhaM dvijaH || 34-10 AvirbabhUva dharmAtmA devo.api jagatIpatiH | shrInivAsAya sevArtham gachCha putra kuruShva ha || 34-11 sheSheNaivaM prayukto.asau sha~NkhapAla pratApavAn | amuM kShetraM samAgatya paricharyAparo muniH | viShNoH sarvAtmano rAjannadyApi kuru te sukhI || 34-12 yudhiShThira uvAcha pAtALAtkutra sAMnidhyamagamachCha~NkhapAlakaH | devavrata mahAbhAga taM deshaM me vadasva ha || 34-13 bhIShma uvAcha agastye pashchime tIrthe sha~NkhAkhye tu mahAhrade | AvirbabhUva sheSheNa choditaH sha~NKhapAlakaH || 34-14 tadidaM chAbhavatkShetraM kShetrANAmuttamaM param | tIrthAnAM chaiva sarveShAmuttamaM tatprachakShate || 34-15 agastyo bhagavAnatra li~NgabhUtAttu shaMkarAt | tapastaptvA mahAtejA hyaNimAdiguNI hyabhUt || 34-16 yudhiShThira uvAcha kimarthamatra dR^ishyante naiva te drumajAtayaH | eko vasati bilvo.asau shvetaH puNyataruH kila || 34-17 bhIShma uvAcha kR^ite kapithastretAyAM tintriNI dvApare nR^ipa | jambUH kalau yuge bilvo yugAnAM tu kramAtgatAH || 34-18 shrInivAsapuraM j~neyam kAveryA dakShiNe taTe | yugatrayAvadhistasya tato vai layameShyati || 34-19 devatA shrInivAsasya R^iShirauddAlakaH smR^itaH | smartR^IrNAM muktidaM viddhi gatAnAM vasatAM kimu || 34-20 adyApi nirjjarAH sarve paramasthAnakA~NkShayA | vA~nChanti vastumatraiva R^iShayashcha tapodhanAH | mR^itAnAM sarvapApAni ChittvA muktiM dadAti cha || 34-21 yudhiShThira uvAcha auddAlako munishreShTha kiM kAryamakarottataH | tasmaiH varaH kathaM datto viShNunA prabhaviShNunA | tatsarvaM vada tattvena devavrata mahAmate || 34-22 bhIShma uvAcha tapaH kurvati dharmiShTHe shrInivAso jaganmayaH | sAMnidhyamagamadrAja~nshriyA sArdhamariMdama || 34-23 spR^ishaMstasya sharIraM tu sarvalokeshvaro hariH | dadau varaM tamAhUya brAhmaNaM vigataspR^iham || 34-24 shrIbhagavAnuvAcha tuShTo.asmi tava dharmaj~na tapo nirvartyatAM dvija | dvivAraM te mama brahmandarshanaM tu bhaviShyati || 34-25 mama rAmasya rAmasya tato mallokameShyasi | tvayA sthitamidaM j~nAnaM dharmavR^iddhirbhaviShyati || 34-26 ityuktvAntardadhe devo devAnAM hitakR^iddhariH | tasmAttvamapi rAjendra shrInivAsaM bhajasva ha || 34-27 snAtavyaM yatnato japyaM kAveryAM harisaMnidhau | shrInivAsamidaM kShetram durlabhaM tu kalau yuge | purA saMchitapuNyAnAmaprayatnena vardhate || 34-28 tatra snAtAH pApino.api pitR^imAtR^ikulAni cha | sahasrANi samuddhR^itya viShNulokam vrajanti hi || 34-29 sarvapApakShayakarI sarvopadravanAshinI | smR^itArtinAshinI rAjankAverI puNyadAyinI || 34-30 dR^iShTamAtrA hi kAverI shrInivAsasya saMnidhau | dadAti shrIyutaM sthAnaM nAtra kAryA vichAraNA || 34-31 sa snAtaH sarvatIrtheShu sarvayaj~neShu dIkShitaH | shrInivAsaM cha kAveriM nityaM smarati yo naraH || 34-32 svargalokapradA nR^INAM brahmalokapradA tu sA | sUryalokapradA devI chandralokapradA tathA | sUryArchandramasorlokaM shivalokapradAyinI || 34-33 snAtAnAM saMgame chAsyAH shrInivAsasya chAgrataH | viShNulokapradA nR^INAM sAkShAtkR^iShNena bhAShitam || 34-34 ShaNmAsaM putrakAmastu snAti tatra hi yo naraH | kR^ipayA vAsudevasya putrAMshcha labhate dhruvam | rAjyakAmo labhedrAjyaM dhanakAmo labheddhanam || 34-35 abdatrayaM vrataM kR^itvA kAveryAM snAti yo naraH | iha loke sukhaM bhuktvA vaikuNThaM so.ashnute sukham || 34-36 evaM prabhoditastena kAveryA snAnavaibhavam | devavratena dharmAtmA dharmaputro mahAmatiH || 34-37 praNamya vaibhavam devyA kAveryA vividhaM sthalam | shrotukAmo mahAtejA gA~NgeyaM punarabravIt || 34-38 yudhiShThira uvAcha pitAmaha namaste.astu pItvA tava vacho.amR^itam | tR^iptiradya na me jAtA kAveryAstIrthasaMshraye || 34-39 saMgame kapilAyAstu kAveryAshcha mahAmate | yatphalaM tu bhavennR^INAM tanme tvaM kR^ipayA vada || 34-40 chandrArkapuShkariNyostu vahnipuShkariNI taTe | kumbhaghoNe mahAkShetre hemavatyAstu saMgame || 34-41 vishveshvare bhR^igukShetre gajAraNyasya vaibhavam | tadbhedaM tasya vivaraM R^iShINAM tatra vartanam || 34-42 anyachchaiva bhavAnvetti kAveryAH snAnavaibhavam | kIrtayasva mahAbhAga kIrtanAdaghanAshanam || 34-43 sUta uvAcha prArthito dharmaputreNa bhIShma kurukulottamaH | chiraM dhyAtvA namaskR^itya ga~NgAM yadukulottamam | abravInmadhuraM vAkyaM dharmasUnumariMdamam || 34-45 paropakAriNaH santo dharmArthaiH sva kalevaraiH | vAchA kimuta sarveShAM kurvanti prINayanti cha || 34-46 ye loke bhUsurAH viprA dharmAnvakShyantyamithyayA | te sarve pApanirmuktAH prayAnti brahmaNaH padam || 34-47 rAtro dinamukhe viprA nirudyogamanAH prabho | shR^iNvanti satkathAM ye te yAnti viShNoH paraM padam || 34-48 kAveryAH kIrtanaM ye tu kurvanti hyanishaM narAH | te sarve pApanirmuktAH prayAnti brahmaNaH padam || 34-49 shrInivAsAya mAhAtmyaM kAveryA snAnavaibhavam | shR^iNoti yaH sadA bhaktyA sarvAnkAmAnsamashnute || 34-50 ya idaM puNyamAkhyAnaM shR^iNoti shraddhayA naraH | sarvapApavinirmukto brahmalokaM sa gachChati || 34-51 March 12, 2009