Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 41 chandrapuShkariNImAhAtmyam yudhiShThira uvAcha chandrapuShkariNI hyeShA kenAdau sevitAnagha | tanme kathaya tattvena ga~NgAsuta namo.astu te || 41-1 bhIShma uvAcha chandrapuShkariNIsnAnaM ra~Ngeshasya cha darshanam | DambhAllobhAdva~nchanAdvA yaH karoti sa muktimAn || 41-2 te vandyAste prapUjyAshcha namskAryA visheShataH | ye.archayanti cha ra~NgeshaM praNatArtipraNAshanam || 41-3 sa snAtaH sarvatIrteShu sarvayaj~neShu dIkShitaH | chandrapuShkariNIsnAnaM yaH karoti narAdhipa || 41-4 tIrthasnAnatapobhishcha vratadAnamakhairapi | yajanti karmayogena ra~NgeshaM muktidaM vibhum || 41-5 shAntA jitAriShaDvargA yogenApyanahamkR^itAH | yajanti jnAnayogena ra~NgeshaM manujeshvara || 41-6 durvR^ittAnAM bhavenmokShaH suvR^ittAnAM kimuchyate | ra~NgabhUmigatAnaM cha sarveshAM cha nR^ipottama || 41-7 atraivodAharantImamitihAsaM purAtanam | shR^iNvatAM vadatAM chaiva sarvapAtakanAshanaM || 41-8 AsItpurA mahIpAla somavaMshasamudbhavaH | dharmaketuriti khyAto nArAyaNaparAyaNaH || 41-9 chandrapuShkariNItIre deveshaM pUjya bhaktitaH | akarodyaj~nasAhasraM mAtApitroshcha pUjanam | hemavastrAnnadAnAni gobhUtilavarANi cha || 41-10 tena puNyaprabhAvena sarvairbandhujanaiH saha | prAptavAnvaiShNavaM loke yoginAmapi durlabham || 41-11 tasminkAle mahAbhAga brAhmaNo yaj~navatsalaH | vedavedA~Ngatatvaj~nastathA vai grAmayAjakaH || 41-12 ayAjyayAjakashchaiva dhanArjanaparaH sadA | pishuno niShThuraH krUro hyapaNyAnAM cha vikrayI | niShiddhakarmAcharaNAtparityaktashcha bandhubhiH | kR^iShiko duHkhito dIno hInA~Ngo vyAdhipIDitaH || 41-13 sa kadAchiddhanArthaM tu pR^ithivyAM paryaTannR^ipa | jagAma narmadAtIraM shvAsakAsaprapIditaH | tatra pa~nchatvamApanno na lebhe chaurdhvadehikam || 41-14 tasmingate tasya bhAryA surUpA cha suyauvanA | kAmachArarato bhUtvA parityakttA cha bandhubhiH || 41-15 tasyAM jAto mahArAja chaNDAlAstu narAdhamaH | pApabuddhiriti khyAto jantUnAmantakopamaH || 41-16 mahApAparato nityaM brahmadveShaparastathA | paradAraparadravyalolupo bandhuvarjitaH || 41-17 gAvashcha bahavo nityaM nihatya bahupakShiNa | chaturlakShasuvarNAni bahUnyapahR^itAni cha | madyamAMsarato nityaM bahusho mArgarodhakR^it || 41-18 sa kadAchiddhanArthaM tu pR^ithivyAM saMcharannR^ipa | kAverimadhyagAM devIM chandrapuShkariNIM gataH || 41-19 ChAditaM hemakalashairdivyAlaMkArashobhitam | ra~Ngeshasya nivAsaM tu dR^iShTavAnnishi dharmaja || 41-20 taM dR^iShTvA mudamApannashchorANAmadhipo nR^ipa | harAmyatra suvarNAni bahUnIti mudaM yayau || 41-21 snAtvA tatra mahArAja natvA taM bhaktimAniva | vilokya bahudhA ratnakA~nchanAni bahUni cha | apahartumanA rAtrau vAsaM tatrAkaronnR^ipa || 41-22 etasminnantare devI kAverI pApanAshinI | jalaughaiH plAvayAmAsa nishi chorAMstaTe sthitAn | choraiH saha svakaiH so.api pApabuddhirlayaM gataH || 41-23 tasminnavasare devA vimAnAnAM sahasrakam | AdAya tAnsamAropya divaM jagmuH sahasrashaH || 41-24 sevyamanAstu gandharvaiH pUjyamanAstu vajriNA | brahmalokaM gatAshchorA yasya saMnidhimAtrataH || 41-25 pApabuddhyA gatA hyete pApino.api nareshvara | bhaktyA tu kurvatAM nR^INAM sevamAtraM kimuchyate || 41-26 sahasrayugaparyantaM bhuktvAH bhogAnanekashaH | tasmAchcha brahmaNolokAdviShNulokaM prayAnti te | vaiShNave tu sa vai loke tAvadbhuktvA divaM gataH || 41-27 pravR^iddhaj~nAnasaMpanno bandhumAnnAma bhUpatiH | somavaMshodbhavaH shrImAnsaptadvIpaikarADabhUt || 41-28 AsanpadAtayashchorAH prabhavaste.atidharmiNAH || 41-29 jAtismaratvamApanno visheSheNa haripriyaH | viShNordevAlaye nityaM saMmArjanaparAyaNaH | dIpadAnaratashchaiva ra~Ngeshe bhaktimAnabhUt || 41-30 sa kadAchinmahIpAlo ra~NgeshaM prApya dharmavit | vichitrakalashopetaM prAkAramakarotprabhuH || 41-31 tanmadhye maNDapaM vidvAnvisthIrNaM chaturasrakam | kArayAmAsa dharmAtmA chitrastAnavirAjitam || 41-32 tanmadhye pUNDarIkAkShaM ra~NgeshaM bandhumAnnR^ipa | pUjayAmAsa vividhairmahArajatabhUShaNaiH || 41-33 chandrapuShkariNIsnAnaM kAveryAshcha tathAmalam | svabhR^ityaiH pUjanaM kurvaMstatra sma parimuchyate || 41-34 etaddR^iShTvA vismayAno brahmaputro.atha nAradaH | abravInme kR^ipAM kR^itvA ga~NgAtIre manorame || 41-35 vaishaMpAyana uvAcha chandrapuShkariNIsnAnaM ra~Ngeshasya cha darshanam | kurvanti ye kalau bhaktyA teShAM muktirhi shAshvatI || 41-36 ra~Ngesho devadeveshashchandrapuShkariNItaTe | tiShThandadAti bhUtAnAM mokShamakShyamavyayam || 41-37 janmakoTisahasreShu puNyaM yaiH samupArjitam | teShAM bhaktirbhavechChuddhA ra~Ngesho tatsarovare || 41-37 janmakoTyayutaM puNyaM yatkaroti naro bhuvi | tatsarvaM dinamekaM tu ra~Ngesho vasato bhavet || 41-38 ya idaM puNyamAkhyAnaM shR^iNoti satataM naraH | ra~NgeshadarshanaphalaM bhavettasya na saMshayaH || 41-39 April 3, 2009