Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 48 hastigirimAhAtmyam yudhiShThira uvAcha devavrata mahAbhAga namaH suranadIsuta | yadunAtho bhavAneko rakShitA mama suvrata || 48-1 kA~nchI divyapurI j~neyA tasyAmAste jaganmayaH | shrIhastishikhare tatra prAdurAsItkathaM prabhuH || 48-2 etadichChAmyahaM shrotuM mahatkautUhalaM hi me | vaktumarhasi sarvaj~na prAdurbhAvaM hareH prabho || 48-3 bhIShma uvAcha purA sanatkumArAya nAradena prabhAShitam | shR^iNvatAM sarvapApaghnamAyurArogyavardhanam || 48-4 shR^iNuShva narashArdUla brahmA lokapitAmahaH | sR^iShTvA lokAMshchiraM kAlamAste chintAkulo bhR^isham || 48-5 tasminnavasare vANI samudbhUtA nR^ipAmbare | shR^iNuShveti jagAdedaM brahmANaM bhuvaneshvaram || 48-6 ashvamedhasahasraM tvaM kuru chittavishuddhaye | anyathA nirmalA buddhirna bhaviShyati padmaja || 48-7 etachChrutvA chintayAno brahmA lokapitAmahaH | na shakyaH kartumeko.api kathametadihAbravIt || 48-8 punashchovAcha sA vANI dhAtAraM vyAkulendriyam | meghagambhIrayA vAchA shR^iNuShveti pitAmaha || 48-9 ga~NgAyA dakShiNe bhAge yojanAnAM shatadvaye | pa~nchayojanamAtreNa pUrvAmbhodestu pashchime || 48-10 vegavatyuttare tIre puNyakoTyAM hariH svayaM | varadaH sarvabhUtAnAmadyApi paridR^ishyate || 48-11 kartavyastatra vai yajnastvayA chittavishuddhaye | sahasrANAM phalaM te.astu hyekena sthAnavaibhavAt || 48-12 shrutvA tatprItisaMyukto dhatA devagaNaiH saha | gantuM mano dadhe brahmA yaj~naM kartuM cha suvrata || 48-13 dikpAlairdevagandharvairvasurudrAdibhiH saha | hayamedhaM mahAyaj~namakarodR^iShibhiH saha || 48-14 haviMShi bu~njamAnAnAM pashyatAM marutAM prabhuH | prAdurAsInmahAvedyAmuttarasyAM mahAdyuti || 48-15 sha~NkhachakradharaH shrImAnnIlajImUtasaMnibhaH | vedairupaniShadbhishcha mUrtimadbhiH prasevitaH || 48-16 indrAdilokapAlaishcha brahmAdibhiranaikashaH | yakShavidyAdharagaNaiH kiMnaraishchAraNairapi || 48-17 nadInadasahasraishcha ga~NgAdyairupasevitaH | saptasAgarapR^ithvIshaiH saptadvIpanivAsibhiH || 48-18 R^iShidevagaNairdevaH prAdurAsInmahAdyutiH | pItAmbaradharaH shrImAnvidyuchcha~nchalalochanaH || 48-19 kaustubhena virAjantaM shrIvatsAnkitavakShasaM | natvA punaH punarbrahmA lokakartA jaganmayaH | astauShItkamalAkAntamapavargaphalapradam || 48-20 brahmovAcha shrIpate puNDarIkAkSha sarvalokahitaMkara | pAhi mAM kamalAkAnta tvatpAdakamalaM gatam || 48-21 varadaM sarvabhUtAnAmIshvaraM puruShottamam | namAmi puNDarIkAkShaM garuDAsanamavyayaM || 48-22 pItAmbaradharaM devaM vanamAlAvibhUShitam | chaturbAhumudArA~NgaM namAmi kamalApatim || 48-23 yenedaM bhuvanaM vyAptaM devatirya~NnarAdikam | taM vAsudevamamalaM praNato.asmi janArdanam || 48-24 nityAnandAya shuddhAya shUrAyAnAthapAline | sarvaj~nAya namastubhyaM sarvabhUtAntarAtmane || 48-25 yaj~nabhoktre namastubhyaM yaj~nakartre surottama | havirmantrasvarUpAya yajamAnasvarUpiNe || 48-26 devatirya~NmanuShyANAM janayitre namo.astu te | pAhi mAM devadevesha bhUyo bhUyo namo.astu te || 48-27 bhIShMa uvAcha iti stuvantaM deveshaM padmayonimariMdamam | prasannavadano viShNurbrahmANaM pratyuvAcha ha || 48-28 prItimAnasmi bhadraM te stotrenAnena putraka | hayamedhena mahatA bhaktyA viShrANanena cha | trikAlamarchaya tvaM mAM kR^ite hyasminyugottame || 48-29 tretAyAM tu gajendreNa prArthito muktikAminA | kR^itakR^ityena viduShA bhaktena tu mAhAtmanA || 48-30 dvApare devaguruNA munishApAchcha bhIruNA | bhaktyA paramayA chaiva pUjito dvApare chiram || 48-31 vartayiShye munigaNaiH sendraiH suragaNairvR^itaH | yakShakiMnarasaMghaishcha gandharvaishchApasrogaNaiH || 48-32 kalau tu pUjitaH pUjAdravaiH sheSheNa pUjitaH | manujaiH pUjanAdibhishcha bhUsuraishcha visheShataH | strIshUdraiH pUjito nityaM vatsyAmi kamalAsanaH || 48-33 ityuktvA devadevo.asau tatraivAntaradhIyata | vismayaM paramaM jagmurdevAH sarve divi sthitAH || 48-34 hayamedhena vidhinA brahmA lokapitAmahaH | iShTvA vidhyuktamArgeNa brAhmaNAnparyapUjayat || 48-35 annadakShiNavastrAdyairvRittikShetragR^ihAdibhiH | devAnR^iShigaNAMshchaiva pUjayAmAsa bhUsurAn || 48-36 tasminnavasare devAshchakrushcha vividhAnmakhAn | vAjapeyAdibhiryaj~nairiShTakAchayanAdibhiH || 48-37 R^iShayo manavashchaiva lokapAlAH kurUdvaha | vasiShTho jamadagnishcha trikaH kaNvo.atha gAlavaH || 48-38 visvAmitro devarAtaH kachaH kAshyapasaMbhavaH | rAmo bR^ihaspatirvyAso dhaumyo romesha eva cha || 48-39 kAtyAyano bharadvAjaH pulastyaH pulahaH kratuH | ete chAnye cha bahavaHshchakrushcha vividhAnmakhAn || 48-40 kAnchIbhuvaM praviShTAnAM nAsti nAsti punarbhavaH | tasmAttvaM sevyase vipraiH saMsArachChedalipsubhiH || 48-41 janane maraNe nR^INAM maraNe janmasAdhanam | tannAshaM kurute sadyaH kA~nchInAtho.adya sevayA || 48-42 atraiva varadasyAsya pAdasevAparA shubhA | vegavatIti vikhyAtA shAradA kalidoShahA || 48-43 tasyAM tu majjatAM nR^INAM vAgvibhUtirbhaveddruvam | ArogyaM pAvanaM tIrthaM janmAntaramalApaham || 48-44 kAmAkShIti cha vikhyAtA sarvalokeShu bhAratI | mUkaM vA shAstrakartAraM karoti bhuvi vishrutam || 48-45 tripurArirmahAdevaH pArvatIsahitaH prabhuH | chUtamUle vasannR^INAM sevyate devatairnR^ibhiH || 48-46 kA~nchInAthaH prapannAnAM saMsArabhayanAshanam | ekAmranAthasevAbhirvidyAbandhuvivardhanam || 48-47 sevayA devarAjasya narAH pAparatA api | brahmalokaM prayAntyeva nAradena prabhAShitam || 48-48 kA~nchInAthaM smaredyastu namedvA taddishaM prati | tatsAlokyaM samAyAti nAradena prabhAShitam || 48-49 yastvetachChR^iNuyAnnityaM ka~nchInAthasya vaibhavam | sa koTikulasaMyukto brahmaloke sukhaM vaset || 48- 50 April 25, 2009