Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam 5 itranslated by A. Purushothaman, purushothaman_avaroth @yahoo.com godAnaprashaMsA yudhiShThira uvAcha godAnaM hi mahatpuNyamiti chAhurmaharShayaH l vistareNa jagannAtha tanme tvaM kR^ipayA vada ll 5-1 kena chAdau purA dattA prApyate sumahatphalam l tatsarvaM hi bhavAnvetti kR^ipayA vada suvrata ll 5-2 shrIbhagavAnuvAcha shR^iNu pANDava vakShyAmi shrotR^INAmaghanAshanam l susharmaNastu charitaM sarvaM ma~NgaladAyakam ll 5-3 susharmA nAma viprendro brAhmaNo vedapAragaH l shAnto jitendriyo rAjansarvasaMpatsamAyutaH ll 5-4 sarvakratuH sadA yajvA visheSheNa mama priyaH l nityaM dAnarato nityaM sadA sarvahite rataH l purANavaktA kaunteya bandhUnAM hitakR^itsadA ll 5-5 evaM pravartamAnasya bahuputrasya dhImataH l jarA prAptA tadA rAjansapatnIva nR^ipAtmaja ll 5-6 palitaM tu svakaM dehaM dR^iShtvA rAjendra sa dvijaH l vanaM vivesha dharmAtmA munivR^indaniShevitam ll 5-7 tatrArAdhya paraM devaM vAsudevAkhyamavyayam l jagAma tapasA svargaM saMshoShitakalevaraH ll 5-8 tatra tiShTati dharmiShThe vipravarye yudhiShThira l vR^itrArernikaTaM prAptA devadUtA mahAbalAH ll 5-9 UchuH sasaMbhramaM rAjandevarAjaM puraMdaram l balabhichChrUyatAM deva yadarthamiha chAgatAH ll 5-10 yamadUtA mahAtmAnaH pAshahastAH bhayaMkarAH l svargArhAnmanujAnnAtha hyasmAkam vashavartinaH l niruddhya pathi te dUtaH prApayanti yamAlayam ll 5-11 taiH sArdhaM bahudhAyudhya hyashaktAtvAmupAgatAH l tadupAyaM vadasva tvaM yenedaM prApnuvanti te ll 5-12 indra uvAcha divaM mamAj~nayA yAntu dharmiShThA manujottamAH l pApInAM narakaM j~neyaM dharmiShThAnAM triviShTapam ll 5-13 sarveShAM gopradAnena pAparAshiH praNashyati l tatparaM yAntu dharmiShThA godAnAddhUtakalmaShAH l tadAprabhR^iti dharmiShThA dR^iShtvA yAnti yamaM divaM ll 5-14 tadatbhutamidaM dR^iShtvA brAhmaNo devasaMnidhau l upadeShTuM svakAnputrAniyeSha dvijasattamaH ll 5-15 putrANAM tatsakAsham tu vimAnena sametya cha l putrAH shR^inuta madvAkyaM yUyaM svargaM yadIpsatha l dAtavyaM gopradAnaM hi yuShmAbhistu prayatnataH ll 5-16 asharIraM vachaH shrutvA putrA bandhujanA api l AshcharyaM paramaM jagmurghoShayanti sma nityashaH ll 5-17 tachChrutvA vismitAH sarve dvijAH godAnatatparAH l abhavannantyakAle.api nishreya iti sarvataH ll 5-18 tasmAddadadhvaM godAnamapamR^ityuvidArakaM l svargadaM svargakAmAnAM shrIkaraM shriyamichChatAM ll 5-19 tadAprabhR^iti dharmiShThA yamena paripUjitAH l gopradAnaratA martyA divaM yAnti svavaMshajaiH ll 5-20 ekAM cha dashagurdadyAddasha dadyAchcha goshati l shataM sahasragurdadyAtsamametattrayaM phalam ll 5-21 godAnatparamaM dAnam naiva kiMchijjagattraye l sA gaunyAryArjitA dattA kR^itsnaM tArayate kulam ll 5-22 amR^itaM vai gavAM kShIramityuvAcha prajApatiH l tasmAddadAti yo rAjannamR^itatvaM cha gachChati ll 5-23 vR^iddhAya yUne yo dadyAttathaiva brahmachAriNe l gAM dadyAchChrutavidyAya daridrAya kutumbine ll 5-24 paurANikAya bhUpAla shrotriyAyAhitAgnaye l vR^ittihInAya vai deyaM godAnaM svargamichChatA ll 5-25 puNyakShetre puNyakAle matApitR^idine tathA l chandrasUryoparAge cha dAtavyAH gauH prayatnataH ll 5-26 saMkrAntau janmanakShatre hyayane viShuve tathA l pretAhe cha sapiNDe cha vyatipAte mahAlaye l yo dadAti gavAM dAnaM mama lokaM sa gachChati ll 5-27 gavAmabhAve sauvarNe dviniShkaM puShpapUjitaM l matsannidhau cha mAM dhyAtvA dadyAdgachChenmamAlayam ll 5-28 yatra vai brAhmaNaM pashyechChrotriyaM niyatendriyaM l etadkAlamahaM manye paramaM shrAddhadAnayoH ll 5-29 shriyamAyuShkaraM dAnaM putrapautrapravardhanam l godAnAtparamaM dAnaM nAsti kiMchijjagattraye ll 5-30 nityaM dadasva bhUpAla yadi svargaM tvamichChasi l shriyaM cha vipulA loke gamiShyasi na saMshayaH ll 5-31 ityetachChR^iNuyAnnityaM yashchApi parikIrtayet l svarlokaM samavApnoti gopradAnaphalaM labhet ll 5-32 November 22, 2008