Harivamsha, volume II, Appendix II, BORI, 1971 shrIgaNeshAya namaH hari OM itranslated by A. Purushothaman, purushothaman_avaroth @yahoo.com sheShadharmaprakaraNam 57 bhAratamahimAnuvarNanam bhIShma uvAcha kaviM purANamajaraM vishvarUpiNamavyayam | yogidhyeyaM sadAnandaM dhyAtvA tatpadamashnute || 57-1 pitAmbaradharaM viShNuM sarvadhAtAramachyutam | vanamAlAvirAjantaM dhyAtvA tatpadamashnute || 57-2 AdyantashUnyAm lokAnAmIshvaraM puruShottamam | vanamAlAvirAjantaM dhyAtvA tatpadamashnute || 57-3 shuddhasphaTikasaMkAshaM sUryakoTisamaprabham | shrIvatsavakShasaM viShNuM dhyAtvA tatpadamshnute || 57-4 kaustubhena virAjantaM muktadAmavibhUShitam | keyUrahArasubhagaM dhyAtvA tatpadamashnute || 57-5 shriyA cha parayA nitayM sevyamAnapadadvayam | munIndranikarairvandyaM dhyAtvA tatpadamashnute || 57-6 saMsAratApavichChedakAraNaM kamalAshrayam | bhaktachintyaM sthiraM devaM dhyAtvA tatpadamashnute || 57-8 vandyaM vareNyaM puruShamIshvaraM sarvatomukham | viShNum jiShNuM jitAmitraM dhyAtvA tatpadamashnute || 57-9 chaturbAhumudArA~NgaM pItakausheyavAsasam | nIlotpaladalashyAmaM dhyAtvA tatpadamashnute || 57-10 anAdinidhanaM shAntam nirmalaM vishvatomukham | sR^iShTisthitilaye hetuM dhyAtvA tatpadamashnute || 57-11 trAyantaM bhuvi sAdhUnAM hantAraM chAtatAyinAm | dharmasetuM mahAbAhuM dhyAtvA tatpadamashnute || 57-12 aNoraNIyAMsamajaM mahato.api mahIyasam | sarvaprabhumanIshAnAM dhyAtvA tadpadamashnute || 57-13 rAmamindIvarashyAmaM j~nAnAnandamariMdamam | upendramindrAriharaM dhyAtvA tatpadamshnute || 57-14 rAvaNAntakaraM devamamlAnakusumAnvitam | surArchitapadadvandaM dhyAtvA tatpadamashnute || 57-19 trAhi pAlaya devesha devadeva jagatpate | evaM dhyAtvA naro yastu tatpAdakamalaM vrajet || 57-20 kAlAtmankamalAnAtha kalidoShanivAraNa | tubhyaM namo hR^iShIkesha namaH saMsR^itihAriNe || 57-21 evaM dhyAtvA sarvakAlaM naraH pApavR^itopi vA | hitvAghaughaM sa yAtyeva vaikuNThabhavanaM nR^ipa || 57-21 tvaM sadA chintayandevaM viShNuM kamalalochanam | achirAtprApyase bhUtiM nAkaM shAshvatameShyasi | etaduktaM mayA sarvaM kiM bhUyaH shrotumiChasi || 57-21 kR^iShNasya kR^ipayA vedmi nAradasya varAnnR^ipa | nAradAttu mayA j~nAtaM matto vai bhavatA shrutam || 57-22 yaH shR^iNoti sadA bhaktyA kalidoShairna lipyate || 57-23 viShNuvAmanapadmAkhyaM brAhmaM brahmANDapa~nchakam | bhArataM shuklavAguktaM purANaM bhAgavatAhvayam | shrotavyaM hi prayatnena saMsArachChedalipsunA || 57-24 kR^iShNaM bhajasva dharmAtmaMstameva sharaNaM vraja | tatprasAdAdbhavenmuktiH priyaste yadupuMgavaH || 57-25 svasti te.astu hariH sAkShAtsiddhado vR^iShNivallabhaH | sadA vasatu rAjendra tava chitte janArdhanaH || 57-26 vaishaMpAyana uvAcha ityuktvantaM dharmaM tu dharasUnuH praNamya tam | kR^itArtho.asmIti gA~Ngeyam pUjayAmAsa dharmajaH || 57-27 munayo vipramukhyAshcha rAjAnashcha nadIsutam | pUjayAmAsuravyagrAH kR^iShNe nishchitabuddhayaH || 57-28 tenaivam satkR^ito bhIShmastIrthayatrAparo.abhavat | dharmarAjo.anujaiH sArdhamAste dhyAya~njanArdanam || 57-29 purANaratnametaddhi harivaMshAtsamuddhR^itam | nAradIyamidaM dharmyamitihAsaM purAtanam | kR^iShNena gaditaM sAkShAtddharmaputrAya dhImate || 57-30 sukR^idvA shR^iNuyAdvApi sheShadharmamimaM nR^ipa | sarvapApavinirmuktaH sagachChedvaiShNavaM padam || 57-31 rAjasUyasya yaj~nasya yatphalaM labhate naraH | tatphalaM samavApnoti hyasya shravaNakIrtanAt || 57-32 saptadvIpavatiM pR^ithvIM sashailavanakAnanAm | dattvA yatphalamApnoti tatphalaM cha prapadyate | shR^iNuyAdya imam nityaM yashchApi parikIrtayet || 57-33 prAptnuyAnnAshubhaM kiMchitparatreha cha mAnavaH || 57-34 sarvavidyAdhikArI syAddvijo rAShtraM labhennR^ipaH | vaishyaH pashudhanaM chaiva shUdro vai dharmamashnute || 57-35 putrakAmo labhedputraM kanyA bhartAramApnuyAt || 57-36 rAjA vA rAjaputro vA shR^iNoti satataM nR^ipa | gokoTInAM saMpradhanAtyatphalaM tadavApnuyAt || 57-37 rogArto bandhanArto vA muchyate duHkhasaMchayAt || 57-38 rAjyaputradhanaprAptidhAnyaratnavasUni cha | asya shravaNamAtreNa labhate nAtra saMshayaH || 57-39 etasmAnna paraM kiM chichChrotavyamiha vidyate || 57-40 bhAratAdhyayanAtpuNyAdbrahmahatyAdikAnyapi | mahApAtakajAlAni vinashyanti na saMshayaH || 57-41 kalidoShaviShArtAnAM jantUnAM hatachetasAm | uttArakaM tvekameva bhAratAdhyayanaM bhuvi || 57-42 bhArataH pa~nchamo vedo vedAntArthopabR^iMhakaH | strIshUdradvijabandhUnAmapi mokShapradAyakaH || 57-43 bhAratAdhyayanAshakto harivaMshaM paThennaraH | dine dine prAtarevaM saMpUrnaM phalamashnute || 57-44 harivaMshasya paThane.pyashaktah imamAdarAt | paThedvA pAThayedvApi tasya muktiH kare sthitA || 57-45 sUta uvAcha tata pArIkshito vidvA~njanamejayabhUpatiH | shrutvedaM bhAratAkhyAnaM samagraM vedasaMmitam | madhyesabhaM maharShINAM vaishaMpAyanamabravIt || 57-46 janamejaya uvAcha vyAsashiShya mahAprAjna tvatprasAdAnmayA shrutam | bhAratAkhyAnamakhilaM kR^itArtho.asmi mahAmate | netaH param mayA kiMchichChrotavyamiha vidyate || 57-47 evamuktvA sa rAjarShirR^iShivaryasya tasya vai | anuj~nAM tu puraskR^itya vyAsasyAnumate tadA | bhAratAkhyAnavaryasya shAntiM chakre vidhAnataH || 57-48 kArayAmAsa viprANAM koTInAM bhojanaM tadA | prAdAdvisheShatastatra dhanavastrAdikaM bahu || 57-49 sachChotriyANAM viprANAM riktAnAM tu tapasvinAM | tataH svarNasya rAshiM tu sarvaratnopashobhitam | kArayAmAsa matimAnR^iShimadhye mahAtapAH || 57-50 vaishaMpAyanamAhUya vaktAraM bhAratasya vai | sarvaratnairabhyaShi~nchanmUrdhni tasya mahAtmanAH | tatastenAbhiShekeNa pUrNastR^iptashcha so.abhavat || 57-51 grAmAnbahUnadAttasmai R^iShivaryAya dhImate || 57-52 evaM nirvartayitvA tu shAntikarma sa bhUpatiH | bandhimAgadhamuktaistu jayaghoShairvisheShataH | stUyamAnaH svanagaraM prAvishatkR^iShNamAnasaH || 57-53 shraddadhAnasya pUyante sarvapApAnyasheShataH | kalidoShaharaM nAma dharmashravaNapAvanam | shR^iNvatAM sarvapapAni vilayaM yAnti bhUrishaH || 57-54 varamimamitihAsaM shR^iNvatAM laukikAnAM sakaladuritashAntiH sadya evAstu viprAH | sa bhavati hariloke bhaktirasminmurArau jagati sakalametaddurlabhaM pApinAM cha || 57-55 M1 kAyena vAchA manasendriyairvA buddhyAtmanA vA prakR^iteH svabhAvAt | karomi yadyatsakalaM parasmai narAyaNAyeti samarpayAmi || yadakSharaM padaM bhraShTam mAtrAhInaM tu yadbhavet | tatsarvaM kShamyatAM deva narAyaNa namo.astu te || shrIsheShadharmagraMthaH samAptaH | Om tatsat | hariH Om | shR^IkR^iShNArpaNamastu | May 9, 2009