Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam 7 itranslated by A. Purushothaman, purushothaman_avaroth @ yahoo.com pAnIyadAnam yudhiShThira uvAcha devadevAravindAkSha sharaNAgatapAlaka l tvameva saMshayachChettA sarvadA mama suvrata ll 7-1 dhanADhyA devatAbhaktA brahmabhaktA bahupradAH l satpAtre dAnashIlAshcha prayAnti paramaM padam ll 7-2 riktAstu sarve manujA hyashaktA dAnakarmasu l kA gatiH kAni dAnAni teShAM me kR^ipayA vada ll 7-3 shrIbhagavAnuvAcha shR^iNu pANDava vakShyAmi shrotR^INAmaghanAshanam l yasya shravaNamAtreNa vAjapeyaphalam bhavet ll 7-4 niShkiMchanA hi munayaH sarve dharmaparAyaNAH l sadA sarvahite yuktAstoyadAnAddivaM gataH ll 7-5 kA~nchanAdIni dAnAni gR^ihNanti gR^ihamedhinaH l uparyupari vA~nChanti toyAttR^iptA bhavanti hi ll 7-6 dAnAnAmuttamaM dAnamannadAnaM tathA jalam l sadyastuShTikaraM dAnaM prANinAM jIvanaM cha yat ll 7-7 prANinAmapi sarveShAM prANA vAriNi saMsthitAH l tajjalaM ye prayachChanti prANadAH parikIrtitAH ll 7-8 athraivodAharantImamitihAsaM purAtanam l shrotR^INAM sarvapApaghnamAyurArogyavardhanam ll 7-9 purA kila mahArAja sushIlo brAhmaNottamaH l shAnto jitendriyo vidvAnmadbhakto niHspR^ihaH suchiH ll 7-10 vede cha dharmashAstre cha vedAnte pariniShThitaH l u~nChavR^ittiH sadAnandaH sadA sarvahite rataH ll 7-11 AtitheyaH sadA maunI jaladAne sadA rataH l pashupakShimR^igAdInAM manujAnAM visheShataH l mAM cha sarvagataM dhyAtvA jaladAnaM karoti saH ll 7-12 puNyavR^ikShAnsamAropya supuShpAnapi pAdapAn l pashupakShimR^igAdInAM shItalaM toyamuttamaM ll 7-13 avagrahe.api rAjendra mahAkUpAtsamuddhR^itam l jalaM dadansarvakAlamAste badarikAshrame ll 7-14 devA yakShAstadA siddhA guhyakA api chAraNAH l tasthAshramapadaM prApya sadA krIDanti niHspR^iHA ll 7-15 kadAchidbalabhiddevaH sha~Nkitastasya karmaNA l saptArchirShA samAgamya yayAche jalamArtavat ll 7-16 mitrAtapAtparipluShTau jalapAnasamutsukau l AvAbhyAM dIyatAM vipra jalaM paramashItalam ll 7-17 sushIla uvAcha kR^itArtho.asmi mahAbhAgau yuvAbhyAM tArito.asmyaham l adhya me saphalaM janma jIvitaM cha sujIvitam l adhya me vaMshajAH sarve muktA eva na saMshayaH ll 7-18 evamuktvA sushIlastu pAdau prakShAlya tau dvija l adya me prIyatAM viShNurityuktvAsau dadau jalam ll 7-19 sa pItvA tajjalaM sarvamapi tR^iptaH puraMdaraH l dIyatAM dIyatAmasmai shItavAri cha satvaram ll 7-20 tachChrutvA vachanaM tasya brAhmaNo mayi tatparaH l pAnIyashAlikAmadhye shUnyaM bhANDaM dadarsha ha ll 7-21 kimetchChUnyamabhavadbhANDaM pAnIyapUritam l dhyAtvA sarvagataM viShNuM pAhi pAhItyachintayat ll 7-22 pAnIyaM naiva pashyAmi pipAsurbrAhmaNottamaH l kim karomi jagannAtha pAhi mAM brAhmaNottamam ll 7-23 kartA tvaM mama dharmasya deva deva jagatpate l kathaM dharmaM tu bhR^ityasya bha~NgIkartumihArhasi ll 7-24 pitA mAtA gurustIrthaM dharmo bandhuH suhR^ittamaH l atastvaM mama devesha vrataM pAhi namo.astu te ll 7-25 tathA vadati tasminvai brAhmaNe pANDunandana l pUrayAmAsa tadbhANDamantaryAmI jagadguruH ll 7-26 shikhAvAnsamanuprApya jalaM vai sarvatodisham l apibatsahasA rAjankalpAnte vAridhiM yathA ll 7-27 bhUyo.apibaddadasveti prAthayitvA sa dharmaja l yayau puraMdarapuraM vajrINA saha vismitaH ll 7-28 AshcharyaM paraM gatvA sa vipro bhAryayA saha l khAnayAmAsa tatkUpaM tadA pAtAlasaMnibham l prArthayAmAsa lokeshaM mAmevaM pANDunandana ll 7-29 namaste lokanathAya bhuktimuktipradAya cha l namaste vAsudevAya devAnAM mUlarUpiNe l pAhi mAm puNDarIkASha tvadbhaktaM kamalApate ll 7-30 yathA hi mama dharmasya hyantarAyA na santi hi l tathA maM pAlayasveti bhUyo bhUyo nanAma cha ll 7-31 evaM bhaktyAdadattoyaM sarveShAM prANinAmiha l Aste tatra cha viprendra R^iShisaMghaniShevitaH ll 7-32 tataH puraMdaro devairAgatya saha dharmaja l papau tatra jalaM sarvaM grIShme tu pathiko yathA ll 7-33 triHsaptakR^itvastatrainaM parIkShya cha punaH punaH l taddharmamapahatuM vai na shashAka sa vR^itrahA ll 7-34 tathA hi mama bhR^ityasya kAmA.Nlloke vyapohitum l kaH samartho mahArAja mamApi cha na shakyate ll 7-35 bhaktAdhIno hyaham pArtha teShAmiShTam dadAmi cha l tA.Nlloke.apyanyathA kartuM kaH samartho nu paNDitaH 7-36 svarlokaM samanuprApya sha~Nkitastasya karmaNA l dvAdashAbdaM sahasrAkSho na vavarSha tadAshrame ll 7-37 kR^ipayA mama dharmAtmanvardhitaM toyamuttamam l dadanvai sarvabhUtAnAmAste tatra mama priyaH ll 7-38 tatastu preShayAmAsa grahAnsarvA~nshachIpatiH l te sarve samanuprApya papuH pAnIyamutsukAH ll 7-39 sthiteShu teShu sarveShu hyekatra kurunandana l vR^iShTistadAbhavachChIghraM kalpAnte brahmaNo yathA ll 7-40 indra uvAcha anyathA chintitaM kAryaM daivena kR^itamanyathA l ahamanyachchintayAmi daivamanyatra chintayet ll 7-41 evaM chintAkulo rAjansutrAmA tu suraiH saha l svargArho.ayamiti j~nAtvA tAngrahAnsamachintayat ll 7-42 arditAnvR^iShTibhiH samyakkampamAnAnmahIsurAn l suptotthitA grahaH sarve hyabruvanbrAhmaNottamam ll 7-43 sushIla sarvadharmaj~na tR^iptAH sarve divaukasaH l pitarastava suprItAH prashaMsanto divaM gatAH ll 7-44 karmaNA tava dharmAtma.NllokAH sarve charAcharAH l tuShTo hi pUNDarIkASho vetti dharmaM na chetaraH ll 7-45 tvamadya gachCha svarlokamanayA bhAryayA saha l sutrAmA prArthate tvAM tu vastuM dharmabhR^itAM vara ll 7-46 vayaM grahA iti khyAtAH sUryachandrAdayo dvija l vimAnAm sUryasaMkAshaM tvadarthaM vai samAgataM l pashyArohatu yAsyAmo bhavAn bhu~NkShva sukhaM divi ll 7-47 shrIbhagavAnuvAcha grhANAM tachChrutaM vAkyaM nishamya kurunandana l yayAche lokarakShArthaM varaM natvA punaH punaH ll 7-48 atratyAnAM tu sarveShAmadyaprabhR^iti dharmiNAM l dUrasthAnAmapi yadi muktiratra bhaviShyati l nAkaM bhavatu lokAnAM yadi maM netumichChatha ll 7-49 anyathA chedahaM hyatra vaseyaM tu yathAsukhaM l nAkaM gachChatha yUyaM vai prArthayiShye ramApatim 7-50 grahA UchuH tarugulmalatAnAM tu mR^igANAmAtatAyinAm l sAMnidhyAllokanAthasya muktishchApi bhaviShyati ll 7-51 ityuktvA tvaM samAropya vimAne sUryavarchasi l sapatnIkaM samAropya vivishurnAkamavyayam ll 7-52 chaturyugasahasrANi bhuktvA bhogAnanekashaH l tatastu brahmaNo lokamavApya sukhamashnute ll 7-53 tasmAttvaM sarvadA rAjanprapAM kR^itvA sushobhanAM l pAnIyaM shItalaM rAjan dadasva satataM nR^iNAM ll 7-53 daridrANAmayaM dharmaH svargamokShapradAyakaH l surANAM durlabho hyeSha suraloke sukhapradaH ll 7-54 varamimamitihAsaM yaH shR^iNotIha nityaM sakalakaluShashAntiH sadya eveti viddhi l surapativaraloke shR^iNvatAM bhUsurANAM bhavati hi khalu vAso nAtra saMdehamasti ll 7-55 November 27, 2008