harivamshaparva harivaMsha, Volume II, Appendix 1, pp.6-7, BORI 1971 itranslated by A. Purushothaman, purushothaman_avaroth @ yahoo.com 3 pitR^ishrAddhamAhAtmyam ityete pitaro devA devAshcha pitaraH punaH | anyonyaM pitaro hyete devAshcha pitarashcha ha || 3-1 trayo mUrtibhR^ite tAta chatvArastu samUrtayaH | teShAM shrAddhAni satkR^itya devAH kurvanti yatnataH || 3-2 bhaktAH prA~njalayashchaiva devAstadgatamAnasAH | visve cha sikatAshchaiva pR^ishnayaH shR^i~NgiNastathA || 3-3 kR^iShNA visvA ajAshchaiva vidhivatpUjayantyuta | prajAstu vAtarashanA divAkIrtyAstathaiva cha || 3-4 medhAshcha marutashchaiva brahmAdyAshcha divaukasaH | bhR^igva~NgirotripramukhA R^iShayaH sarva eva cha || 3-5 yakShA nAgAH suparNAshcha kiMnarAshchAraNaiH saha | pUjayanti pitR^Inete sarva eva phalArthinaH || 3-6 evamete mahAtmAnaH shrAddhaiH satkr^itya pUjitAH | sarvAnkAmAnprayachChanti shatasho.atha sahasrashaH || 3-7 hitvA trailokyasaMsAraM jarAmR^ityubhayaM tathA | mokShayogaM prayachChanti aishvaryaM cha pitAmahAH || 3-8 mokShopAyamathaishvaryaM sUkShmadehamadehatAm | kR^itsnaM vairAgyamAnantyaM prayachChanti pitAmahAH || 3-9 aishvaryavihitaM yogamaishvaryaM yoga uchyate | yogaishvaryabhR^ite mokShaH kathaMchinnopapadyate | apakShasyeva gamanamantarIkShe patatriNaH || 3-10 variShThaH sarvadharmANAM mokShadharmaH sanAtanaH | pitR^INAM saMpradAnena prApyate sumahAtmanAm || 3-11 muktAvaiDUryavAsAMsi vAjinAgA yugAni cha | koTishashchaiva ratnAni prayachChanti pitAmahAH || 3-12 haMsasArasayuktAni muktAvaiDUryavanti cha | kiMkiNIjAlayuktAni sadApuShpaphalAni cha || 3-13 vimAnAnAM sahasrANi juShTAnyapsarasAM ganaiH | sarvakAmapravR^iddhAni prayachChanti pitAmahAH || 3-14 prajAM puShTiM dhR^itiM medhAM rAjyamArogyameva cha | prItA nityam prayachChanti mAnuShANAM pitAmahAH || 3-15 February 28, 2009